МУВОЗАНАТИ БУЗИЛГАН БОҒ

Шавкат Дўстмуҳаммадга
Яна декабрда гуллади бодом,
Ялонғоч баданин ҳеч ким кўрмасин.
Қартайиб қолганми, негадир осмон
Бу йил ҳам кечикиб қоқар кўрпасин.
Бу йил ҳам шу сабаб учар ҳавога,
Содда дарахтларнинг бор меҳнатлари.
Қуруқ шох - қўлларин очар самога,
Худога ёзади япроқ-хатларин.
Ортар майхонага қатновлар сони,
Нега, (саволга мос куй чалар чолғу.)
Қўли очиқ бодом - тирноққа зор-у,
Боши очиқ токлар - боши қаронғу?

2017. Декабр.

Нурмуҳаммад Абдузоиров

@Nurmuhammad_Abduzoir