(صلى الله عليه وسلم)
ـــــــــــــــــــــــــــــــ
ډيوي دي کړي خوري ښکلى قانون, دي مونږله راووړ
چي کله راڅرګندشوي لوى بدلون, دي مونږله راووړ

پر سر دسپيدو څرک دسپين ايمان خوشبو خوره شوه
شوي ختمي جِهل شپي جنتي يون, دي مونږله راووړ

په ځان باندي دي وګالل بلا ډير تکليفونه
غاښونه شهيدان دي کړل سکون, دي مونږله راووړ

ويل په زنکدن کي دي چي امتي، امتي
په غم کي دامت ده عشق اضمون, دي مونږله راووړ

بلال ٶ پروت په شږو ستا دعشق خمار اخيستى
ژړيږي آذان نکړي واى بيلتون, دي مونږله راووړ

درودونه سلامونه دي په تا وي محترمه
پر زړونو دعشاقو سپين جنون, دي مونږله راووړ

زبير وايم چي کله به درځم د زړه' قراره
شافع مو په محشريي ستر سمون, دي مونږله راووړ

ليکوال... زبيرحقانې
ــــــــــــــــــــــــــــــــــــ