Sharq filologiyasi fakulteti axborot kanali

#Sharq_filologiyasi_official

Assalomu alaykum O'zbekiston davlat jahon tillari universiteti, Sharq filologiyasi fakulteti talabalari.

Raqamli Universitet loyihasining ajralmas bo'lagi bo'lgan talabalar va guruh ma'lumotlarini yillar davomida saqlash maqsadida hamda O'zbekiston Respublikasi Oliy ta'lim vazirligi tavsiyasiga asosan guruh nomlari o'zgarmas shaklda, tartibli qilib qaytadan nomlandi. Yuqorida siz yangi guruh nomlaringizni bilib olishingiz mumkin.

Guruh nomlari yo'nalish nomlari bilan boshlangan.

Masalan: FXIT-2002, FYAP-1905, FKOR-2103, FKORK-2004

📌Izoh:

👉FXIT-Xitoy tili filologiyasi

👉FYAP-Yapon tili filologiyasi

👉 FKOR-Koreys tili filologiyasi

👉FKORK-Kechki shakldagi koreys tili filologiyasi ma'nolarini anglatadi.

👉Dastlabki ikki xonali raqam (19, 20, 21) talabaning o'qishga qabul qilingan yili

👉Keyingi ikki xonali raqam (02, 03, 04) talaba guruh tartib raqamini bildiradi.

☝️Eslatma! Dars jadvali yangi raqamlanish asosida tuziladi!

Fakultet axborot kanali: https://t.me/Sharqfilologiyasiofficial

Sharq filologiyasi fakulteti axborot xizmati
https://t.me/Sharqfilologiyasiofficial

Assalomu alaykum qadrli Sharq filologiyasi fakulteti talabalari!
KREDIT-MODUL TIZIMI HAQIDA QISQAChA MA’LUMOT
bilan tanishib chiqiishingizni so‘raymiz.


👉O‘zbekiston Respublikasi Vazirlar Mahkamasining 2020 yil 31 dekabrdagi “Oliy ta’lim muassasalarida ta’lim jarayonini tashkil etish bilan bog‘liq tizimni takomillashtirish chora-tadbirlari to‘g‘risida”dagi 824-sonli qarori bilan “Oliy ta’lim muassasalarida o‘quv jarayoniga kredit-modul tizimini joriy etish tartibi to‘g‘risida Nizom” tasdiqlandi.

👉Bakalavriat ta’lim yo‘nalishlari va magistratura mutaxassisliklarida talaba odatda bir semestrda 30 kredit, bir o‘quv yilida 60 kredit to‘plashi belgilanadi.

👉Talaba bakalavriatda o‘qish muddati kamida 3 yil bo‘lganda 180 kredit, o‘qish muddati kamida 4 yil bo‘lganda 240 kredit to‘plashi zarur.

👉Bir fanga ajratilgan auditoriya soatining 25 foizini va undan ortiq soatni sababsiz qoldirgan talaba ushbu fandan chetlashtirilib, yakuniy nazoratga kiritilmaydi hamda mazkur fan bo‘yicha tegishli kreditlarni o‘zlashtirmagan hisoblanadi.

👉Yakuniy nazoarat turiga kiritilmagan yoki kirmagan, shuningdek, ushbu nazorat turi bo‘yicha qoniqarsiz baho olgan talaba akademik qarzdor hisoblanadi.

👉Akademik qarzdor talabalar ta’til vaqtida yoki keyingi semestrlar mobaynida tegishli fanlardan o‘zlashtirilmagan kreditlar miqdoriga mos ravishda bazaviy to‘lov-kontrakt miqdoridan kelib chiqqan holda to‘lovni amalga oshirgandan so‘ng o‘zlashtirilmagan fanlarni o‘z hisobidan qayta o‘qish huquqiga ega bo‘ladi.

👉Akademik qarzdor talabalarning tashabbusi bilan mavjud akademik qarzlarini topshirish maqsadida yozgi semestrda OTM tomonidan odatda ta’til vaqtida pulli asosda tashkil etiladi.

👉Ta’lim oluvchini kursdan kursga o‘tkazish uning GPA (Grade Point Avarage) qiymatini hisobga olgan holda amalga oshiriladi. OTM talabalarni kursdan kursga o‘tkazishda GPA ko‘rsatkichini mustaqil belgilash huquqiga ega.

👉Bunda GPA ko‘rsatkichi 2,4-3,0 oralig‘ida bo‘lishi talab etiladi. GPA o‘tish ballini to‘play olmagan talaba qayta o‘qish uchun tegishli kurslarda qoldiriladi.

👉Semestr va o‘quv yili yakuni natijalari bo‘yicha akademik qarzdorligi bor ta’lim oluvchilar o‘qishdan chetlashtirilmaydi. Kursdan kursga qolgan talabalar faqat qarzdor bo‘lgan fanlarini o‘zlashtirib ularga mos ravishda shartnoma mablag‘larini to‘laydi.

👉Shartnoma asosida bir kursda qayta o‘qish soni chegaralanmaydi. Jami ta’lim olish muddati bakalavriat uchun 1 kursga o‘qishga qabul qilinganidan so‘ng 8 yilgacha, magistratura uchun 1 kursga o‘qishga qabul qilinganidan so‘ng 4 yilgacha deb belgilanadi.

Sharq filologiyasi fakulteti axborot xizmati
https://t.me/Sharqfilologiyasiofficial

❗️Eslatib o'tamiz, talabalarni turar joy bilan ta'minlashda Oliy va o‘rta maxsus ta’lim vazirligining 2019-yil 1-noyabrdagi 1019-sonli buyrug‘i bilan tasdiqlangan talabalar turar joyi to‘g‘risidagi NIZOM talablariga muvofiq:

➡️ Chin yetim bo'lgan talabalar (kursidan qat’iy nazar);
➡️ “Mehribonlik uylari” tarbiyalanuvchilari;
➡️ Nogironligi mavjud bo‘lgan talabalar (kursidan qat’iy nazar);
➡️ Ijtimoiy himoyaga muhtoj, moddiy ahvoli og‘ir talabalar, shuningdek, bir oilada 2 va undan ortiq talabalar to‘lov-shartnoma asosida tahsil olayotganlar;
➡️ Xorijdan kelib tahsil olayotgan talabalar;
➡️ Xalqaro miqiyosidagi olimpadalarda g‘oliblikni qo‘lga kiritgan talabalar;
➡️ Talabalar turar joyida doimiy ravishda talabalar kengashi raisi, qavat sardorlari va boshqa jihatlari bilan faollik ko‘rsatib kelgan talabalar.

Shuningdek, O'zbekiston Respublikasi Vazirlar Mahkamasining 2020 yil 23 iyunda "Oliy ta'lim muassasalariga qo'shimcha davlat granti asosida xotin-qizlarga tanlovda ishtirok etish uchun tavsiyanoma berish va ularni oqishga qabul qilishni tashkil etish tartibi to'g'risidagi nizomni tasdiqlash haqida"gi 402-sonli qarori asosida 2021-2022 o'quv yilida universitetga qabul qilingan 1-bosqich talabalariga, shuningdek:

➡️Temir daftar
➡️Ayollar daftari
➡️Yoshlar daftariga
kiritilgan talabalarga ajratiladi.

Bunda talabalarning yuqorida qayd etilgan sabablariga tegishli hujjatlar hamda ijtimoiy ta'minot bo'limi ma'lumotnomalari asos bo'lib xizmat qiladi.

Fakultet komissiyasi tomonidan arizalar sinchiklab o'rganilib chiqiladi. Hujjatlarni soxtalashtirilishiga yo'l qo'yilmaydi, zarur hollarda joylardagi hokimlik va mahallardan taqdim etilgan hujjatlarning haqiqiyligini aniqlashtirish maqsadida so'rovnomalar yuboriladi.

Fakultet komissiyasi yug'ilishi 10 sentyabr kuni o'tkaziladi.
Talabalar turar joyiga joylashishni ta'minlash 10-20 sentyabr kunlari amalga oshiriladi.

👉Talabalar turar joyi uchun arizalarni fakultet yoshlar bilan ishlash boʻyicha dekan muovini Alisher Samadovga:

👉 +99897 633 34 73
👉@Alisher_88uz

telegram orqali online tarzda yuborishingiz mumkin.

👉6 sentyabrdan boshlab arizalar Ingliz filologiyasi fakultetining birinchi qavatida joylashgan 102 xonada offlayn tarzda qabul qilinadi.

Fakultet axborot xizmati