Эшак билан йўлбарс баҳслашиб қолибди. Эшак дебди:
- Бу ўтнинг ранги кўк
Йўлбарс жавоб берибди:
- Йўқ, эшак. Адашдинг, ўтнинг ва майсаларнинг ранги яшил.
Баҳс катталашиб кетибди, эшак йўлбарсни баҳсда ҳатто ҳақоратлаб бошлабди.
Охири ким ҳақлигини аниқлаш учун ўрмон шоҳи шернинг олдигача боришибди.
Ҳали шернинг ёнига етиб бормасдан эшак қичқириб бошлабди.
- Муҳтарам олампаноҳ, ўт кўк рангда эканлиги тўғрими?
- Тўғри, эшак. Ўт ва майсалар кўк рангда
Эшак хурсанд бўлиб давом этибди:
- Йўлбарс хоин шекилли, бунақа фикрда эмас. У мен билан бу масалада баҳслашиб, яшил деяпти. Бу менинг асабимга тегяпти. Илтимос, уни жазоланг.
Шер айтибди:
- Йўлбарсга 5 йил гапириш таъқиқланади.
Эшак ҳақлигидан хурсанд бўлиб, раҳмат айтибдию, йўлбарсга қараб, ўт кўм-кўк дебди ва жўнаб кетибди.
Йўлбарс шоҳга бўйин эгиб сўрабди:
- Ҳазрати олийлари, нима учун мени жазоладингиз. Ўтнинг яшиллигини ўзингиз ҳам биласизу.
- Ҳа, тўғри. Ўт яшил рангда.
- Унда нега мени жазоладингиз.
- Сени жазолашимни ўтнинг яшил ёки кўклигига ҳеч қандай алоқаси йўқ.
Муаммо шундаки, сендай кучли ва ақлли жонзот умрини эшак билан баҳслашишга сарфлаб, муаммони яна мени олдимга ҳам олиб келяпсан.
Эшакларга на ҳақиқат, на реаллик қизиқ, уларга фақат ўз ишончлари ва иллюзиялари доирасида баҳсда ютиб чиқиш қизиқ.
Сен баҳсларда эшакларга қанча исбот ёки маълумот бергин, дунёқарашининг торлиги, нафратидан кўзи кўр бўлиб сени қабул қилмайди.
Сен ҳақ бўлганда улар қичқириб, ҳақоратлар билан баҳсни ютишга ҳаракат қиладилар. Улар хоҳлайдиган ягона нарса баҳсда ҳақ бўлиб чиқиш, аслида улар ноҳақ бўлса ҳам.
Нафрат ва ғофиллик гапирганда, ақл жим туради. Шер ва йўлбарс эшак билан баҳслашмайди.
© Владимир Шебзухов
@ComedyCoal
