لـ عَبدالله.

أحب المطر.

مرات نكتب هواي رسايل "بعقلنة".

مو شرط يكون شكلك حلو حتى تصور نفسك ، ولا صوتك حلو حتى تغني ،
اي شي تريد تسوي فـ سوي لنفسك مو شرط تعجب احد.

الفرق بين الحُرية والخُضوع تخيير.

ماعرف ليش احس مراية الحمام بيهة فلتر جمالي !!!!

آني نص مشاكلي بسبب نبرة صوتي،

انو اناقشهم بشكل عادي وهمة يحسبوني اصرخ عليهم!!

حلوين الناس اللي ملامحهم اصغر من عمرهم

اصدقاء الانترنت اثبتولي أنو ممكن احب واحد بدون ماشوفه.!

اليوم هو اول يوم من باقي حياتك

استغلة باللي يسعدك.

آني مااضحك على نكتة اصدقائي
آني اضحك وية ضحكة اصدقائي.

اگللكم سر؟

الاعتراف بالعيوب شجاعة والشجاعة نعمة.

مرات الحزن شاعر الة هدوئه و حكمته.

دائماً اختياراتكم هي السم اللي تقتلون بيه انفسكم ومشاعركم

الناس المزاجية مو مجرد ناس حادة متعرف وجهتهة و كل يوم بـ مود واطباع مختلفة.

إنسان مزاجي يعني واحد عصبي ، ويعيط كأنو معاط من سنين ، بس بنفس الوكت يضحك من كل گلبه، ولما يهدء ميطلع اي صوت .
ساعات تلگا عاقل ويگول كلام منطقي كأنو عجوز حكيم عمرة 60 سنة
و ساعات يكون شخصية هائمة علي وجهها بحيث تصرفاته متنفهم ويجوز هو نفسه مو فاهمها .

هو هيج تحسة ماعندة خير الامور اوسطها يا يمين يا يسار .
تلگا يضوج من كلمة و يفرح بسبب كلمة لخ

تلگا قبل مينام يگلك باجر ماطلع وياك ، والصبح يگلك آني وصلت انت وينك

تلگا يحب يجرب اغلب الآوتفتس ويطلعهن من نفسة ويسمع كل أنواع الاغاني ماعندة شي محدد ، ويجرب كل الأكلات ، ويقرأ كل أنواع الكُتب

الموضوع ماهو إلا انو هلشخص ميكفي نوع واحد أو نوعين من الحاجات ولا حيكفي ال١٥ مزاج اللي الله ميزة بيهم

تلگا يمشي و يشتري شي يعجبة لمجرد ما انو يعجبة مو شرط يستخدمة

- كلمة " متقلب المزاج " أوسع وأعمق بهواي من النطاق اللي الناس تتعامل ويا بي.

وفعلاً التعامل وية هذي الشخصيات صعب ، بس إنو تكون واحد منهم أصعب بصراحة.

و هلشخصيات بالاحرى مو متقلبة مزاج او مزاجية

هلشخصيات مجرد انها مترضى بالبسيط و ماترضى بالقليل و الهة شغف كبير بالحياة
فهذول شخصيات متميزة اذا نركز بيهم من غير منظور
حنشوفهم بعيدين كل البعد عن البساطة و كلش متميزين غالباً و اگشلي همة افضل من بعض الناس العاديين لانو هلشخصيات وحدة من جوانبها انها لطيفة جداً بنفس ماهي حادة جداً

فـ حباً لكل شخص مزاجي
و عُذراً اذا سمعت من عدنا كلمة ضارة الك بسبب طبعك.

احب اگول انو النظرات ابد ماتنّسي

و اينعم الروتين كافر