شباب الغيبة الكبرى

بسمه تعالى له الحمدُ وله المَجد ناصرُ المؤمنين ومعزّهم في الشدّة والضرّاء.
(وَلَا تَهِنُوا۟ وَلَا تَحۡزَنُوا۟ وَأَنتُمُ ٱلۡأَعۡلَوۡنَ إِن كُنتُم مُّؤۡمِنِینَ)
[سورة آل عمران 139]
إنّنا نثق بسماحة المرجع الأعلى إلامام السيستاني دام ظِلّه الوارف ثقةً مطلقةً ، وأنّه سينقذ العراق يقينا.
فلقد انقذ البلدَ من حربٍ أهليةٍ في 2003م بعد السقوط.
وأنقذه من حرب طائفية في 2006م كانت قمتها تفجير مرقد العسكريين (عليهما السلام).
وأنقذه من داعش الإجرامي في 2014م.
وسينقذه هذه المرة أيضا.
إلّا أنّ الأمرَ يحتاج إلى طاعةٍ حقيقيةٍ له.

سيدي أبا محمد رضا..
⁦🤚🏼⁩ أجددُ لكَ بيعتي على السمع والطاعة .

#بيعة_السيستاني ظفر وانتصار على الفاسدين .

باچر .. السيستاني شيكتب ؟
#Ailia_Emame

باچر خطبة الجمعة .. يعني بأجر لازم تسولف المرجعية .. أكيد خطبة الجمعة مابيها إجازة ولا مغلق بأمر الشعب .
لأن هو الشعب كله ينتظر
الي يحب السيد ينتظر !
والي يكره السيد _ ما أعرف ليش طبعاً _ هم ينتظر !
والي لايحب ولا يكره بس يريد يسمع وبعدين يعلق .. هم ينتظر !

هسه بهذا الليل .. السيد مشغول بكتابة الخطبة مالته .. الي باجر نسمعها
زين شيكتب ؟

هسه ديكتب .. وأعمدة الدخان ترتفع بسماء المحافظات .. والحرق مستمر بعنوان ( الثورة )
بهاي الحالة يكتب أدعوكم للسلمية ؟ وإذا هو عايدها خمسين مرة شلون ؟

هسه ديكتب .. والأخبار تگول قائد العمليات بالناصرية فتح النار على المتظاهرين ؟
بهاي الحالة يكتب على الأقوات الأمنية عدم إستهداف المتظاهرين ؟ وإذا هو عايدها ميه وخمسين مرة شلون ؟

إذا يتخلى عن أولاده المتظاهرين ( الطائشين ) فالقوات الأمنية رح تقسو عليهم .. والمجتمع يگول عافهم السيد

إذا يتخلى عن أولاده بالقوات الأمنية راح يتأذون فوگ ماهمه متأذين ومتحملين ضرب الطابوگ والعصي .. وراح تنكسر معنوياتهم ويصير البلد إنفلات وعصابات ( مستعده للفرهود )

زين شيكتب ؟
يگول هاي محاولات لإشغالكم عن المطالب السياسية ؟ يعني شنو قصدك سيدنا الحرق صوچ الحكومة ؟

يگول ليش عفتو الساحات السلمية ورحتو تحركون ؟ يعني شنو قصدك سيدنا الحرق صوچ المتظاهرين ؟
يستنكر حرق القنصلية الإيرانية .. يعني السيد ويه إيران !!
يگول حقهم الشباب .. أو يسكت عن الموضوع ؟ يعني السيد ضد إيران !!

يگول ياناس أنا بخير وماكو خطر عالمرجعية ؟؟ أووو يعني السيد يحچي على قادة الفصائل ويگول هاي تمثيلية !
يگول أنا بخطر وإحتمال يكتلوني الليله ؟ أووو يهتم بروحه وينسى شبابنا الشهداء !!

زين شيكتب ؟

يخليها سكته ويحچي عن فوز المنتخب حتى تخلص الخطبة ؟ ميصير لأن الوضع يحتاج توجيه من عنده وميكدر يخليها سكته
يسولف على كل الأمور الي گلناها ؟ ميصير لأن كل واحد راح يفهم الي يعجبه وهو يريده

زين هو السيستاني نفسه .. عنده من بين كل هاي الناس ( متظاهرين ومسؤولين ) ناس سمعت كلامه من الأول للأخير .. لو عنده ناس تنتقي الي يعجبها ؟

هو أكو واحد بالدنيه مثل السيستاني صاير عبالك حالة الطقس ؟
أسبوع مشمس والاعلام كله يمجد بي لأن الخطبة ( نارية )
أسبوع غائم وعواصف ترابية لأن الخطبة مو كلش نارية ؟

بأجر شنو الي حيگوله السيستاني وشيكتب ؟
أكو شي نرضه بي ؟
أكو لون واحد للأحداث حتى يتكلم عنه ؟
أكو طرف معين يقبل منه إذا گال إنت غلطان .. ويتراجع للوراء ؟

زين شيكتب ؟

خطة الطبقة السياسية لإجهاض التظاهرات السلمية بأربع خطوات :
١. المماطلة في تنفيذ المطالب الإصلاحية التي نودي بها من قبل المرجعية والمتظاهرون السلميون .
٢. وقوف موقف المتفرج تجاه من يريد الحرق والتخريب ومن أي جهة داخلية أو خارجية .
٣. إشاعة أنّ التظاهرات بمجملها تهدد الأمن الوطني والمراكز الحساسة، لكي يمجّها الرأي العام.
٤ .البدء بقمع التظاهرات وإجهاضها من دون تحقيق أي إصلاح حقيقي يُذكر .

فإياك إياك أن تكون من أدوات تطبيق هذه الخطة بالحرق والتخريب، بل عليك أن تثقف الغافلين من هؤلاء الشباب المندفعين.
#أبو_تراب_مولاي
#بفتواك_انتصرنا
#سلميه_لاتخريبيه
#شباب_الغيبة_الكبرى