#audiosher

Men ketdim, bu safar butunlay ketdim,
Xayr, xush qolinglar endi odamlar,
Ortiqcha hayqirib tinchinggiz buzmam,
Osuda uxlaysiz chekmay alamlar.

Vijdonni pullanglar, nomusni soting,
Behuda boshinggiz qotirmas hechkim.
Iblis to'shagida xotirjam yoting,
Tinchinggiz buzmayman mana ont ichdim.

Oyqiz sen otangni rozi qilaver,
Jo'ra bilganingcha davringni surgin.
Ona endi sen ham odamday yasha,
Butunlay ketyapman duoying bergin.

Va yana shunday bir tilovat qilgin,
Falak eshitarmish ona dodini,
Ko'nglining ko'zlari ko'rmas qavmga,
Xudo yubormasin shoir zotini!

Ravshan Haqmurod