قصائد مكتوبه شور +نعي

عمه زينب... خل اسوالفج حلم
عمه زينب.... عاصر اكليبي الالم
جن ابوي ايون عليه
يصيح يابويه رقيه


ليش اذنج بيها دم
عمه زينب عمه زينب

يمسح ابايده اعله راسي من اجاني
شاف دم يابس يعمه فوك اذاني
كتله يابويه عدوك سلباني
و هسه ترضاها بخرابه كعداني
يكلي يابعد الكلب
موقفج كلش صعب
عمه زينب عمه زينب

عمه كعدني بحضنه و خله راسي
كتله وياك ارد اروحن دهري قاسي
صرت موكب اللهموم و الماسي
جنت اصبح بيك بويه وبيك اماسي

كلي هانت يارقيه
جايه هاليوم اليه
عمه زينب عمه زينب
بويه ما احمل غيابك وانته تدري
من رحت اليوم وانه دمعي يجري
كتله هضموني الشامته ايدهري
نار مشتعله بدليلي بييه تسري

روحي تشمك هوه
شوفتك لييه الدوه
عمه زينب عمه زينب
ام حسين العسكري الناصريه
خلافكم حركوا خييمنه بويه بعدك
عمتي تتنخه وانته من يكلك
ركبونه اعلى الهزيله مال حملك
شفنه من بعدك هظايم و شريدك

وين انطي الوجه ...والخيمه حركوها

وين انطي الوجه ... والخيمه حركوها
...........

وين انطي الوجه وخيامي محروگه
خليت العبايه ولنهه مشگوكه
شما افگدلي طفله بسوط ملحوكه

وزينب من تصيح ... بسوط طكوها

وين انطي الوجه ... والخيمه حرگوها
........

اريد الطم عليكم ما يخلوني
نص اليل انوحن لا يسمعوني
كلهه تنام وانه محزمه اعيوني

حتى عيوني تبجي ... اعليك منعوها

وين انطي الوجه .. والخيمه حركوها
.........

نص اليل اسوي اعليك القرايه
نسواني اليلطمن وانه ملايه
اوصيهن لطمهن كون بهدايه

اخاف من الشمر ... لو صاح سكتوها

وين انطي الوجه ... والخيمه حركوها
......

عاده الينجتل وتصير فاتحته
اول ناعيه التنعه المصيبه اخته
ليش حسين اخوي من انجتل سكته

ياحرمه البجت ... لحسين شتموها

وين انطي الوجه ... والخيمه حركوها
..........

خويه اعذرني خاف اوياكم مقصره
بس ما بيه حيل اوداعت الزهره
غير البيضه حگك لو شفت شعره

شيب راس اخيتك ... يوم عفتوها

وين انطي الوجه ... والخيمه حركوها
.........

الخادم موسى البطلي..

اخر وداع بين الحسين ومولاتي زينب (عليهما السلام )
.......................................................
خوية اريد اوصيج بوصية
وانة رايح وبعد مامني جية
يزينب عينج بسكنة ورملة ورقية
شتكلة زينب...
تكلة خوية شلون رايح للمنية
وانة اختك جا ياهو الية
وانة زينب بت علي حامي الحمية
شلون ترضاهة اروحن سبية
شكال الحسين...
يزينب لو شفتيني مكطوع الراس
لاتبجين ويطلع صوتج وتسمع الناس
ترة من الغيرة ابو فاضل يهتز الراس

_💔_

سمعت ابوي يحاجي عمي اختارلي حرة نسب
كون اصيلة وبنت اصايل بيهة تتفاخر عرب
وكون بيت الي تسكنة جامع اخلاق وادب
وكون حب الزهراء الكة عل الكلب عدها انكتب
كون متحجبة من اهلهة
وجاره ماشاف ضلهة

ياكلبي كون اتعود الايام
كون ارجع من اليوم للعام
عمت عيني لو طبيت للشام
عمت عيني لو طبيت للشام
____♕
مو خوف كلبي الخايف
بس انتة كلبك نازف
نازف لحد ماناشف
يحسين يلتوجعني
_♕___♕
ياعباس دارت بينة الايام

رد ياضماي... عبدالله مايطونة ماي
كالولي جاي... لاتجي ياكاسر كفاي
عبدالله مايطونة ماي 💦
رد يلحنين.. كربلاء وين وانتة وين
كالولي جاي... لاتجي ياكاسر كفاي
عبدالله مايطونة ماي 💦

اشلون العليله اتنام ....... تشتم رماد اخيام اشبيهم هلي اتگول ..... وامراكض اخيوول


اشلون انام وبذني اسمع جارتي تسولف لبوهه
تنزل ادموعي عل خدي من اسمع امناغه اخوهه
تگله جارتنه العليله ليش اهلهه ماخذوهه
گالو ايرجعون اهلهه وطولو يمكن نسوهه

المايمهه ابوهه تخااف ..... وابلا حضن تنعاف
وليل الجفه يطوول ...... وامراكض اخيوول

اتغطت ابغاجية ابوهه ونامت ابنفس المكان
البيه ينومهه عل صدره وجانت تحس بالامان
نامت ومحد شبگهه وفزت وماكو حنان
وبصلاة الحزن گامت والتراجي ابلا اذان

اسمع بذاني اصوات ...... صدره انترس طعنات
موشده واتزول ..... وامراكض اخيووول

❥❥ـــــــــــــ❁❂❁ـــــــــــــ❥❥

مــن جـابو عـلـي ونت البدويه
بــــس اليـوم ويــاك الــوداعيه

❥❥ـــــــــــــ❁❂❁ـــــــــــــ❥❥

كلف يومك يحيدر مالنه حيله
صــاحت يـاعلي ونت الكحيله
الف ياحيف طاح معدل الميله
{ اعرض ياحيدر // لـلهـامـــه}

❥❥ـــــــــــــ❁❂❁ـــــــــــــ❥❥

بـبوكـم ياسـبع عـالــت العياله
الـدنيـه مـكـدره واعلـيه مياله
ابـو الحمله علي للحمل شياله
{ مـو يــومـك هذا // ياهيبه}

❥❥ـــــــــــــ❁❂❁ـــــــــــــ❥❥

اليـتامه صـيح لاترحل يكرار
الصـوب هــامتك شبونه بنار
هـاي اعمارنه بس كون تندار
{ روح الاســمـك // نفـديهه}

❥❥ـــــــــــــ❁❂❁ـــــــــــــ❥❥

اسـويلك عراضه كون حديه
ابو الحسنين شايل للغريريه
الـفراك ســبع كل حيل مابيه
{ اسـم الله مغرب // للهيمه}

❥❥ـــــــــــــ❁❂❁ـــــــــــــ❥❥

هـذا مـوش يومـه لا تشيلوه
عله جتاف زلم وسفه تخلوه
نعشــه بسلف هاليوم عطلوه
{ الزهره وزينب // مغتاضه}

اه ياغايب.. شهل مصايب
طول غيابك علينة
والوكت ضل يكصي بينة
_♕_♕__♕_♕
يامهدي اشكيلك هضم
اول ضلم بل اسلام
ضلع الزجية فاطمة
ينكسر بيد الضلام
والطفل محسن من وكع
فاطمة تصرخ بالام
يافضة شيلي هلطفل
بالج يشوفة الضرغام

عمه زينب... خل اسوالفج حلم
عمه زينب.... عاصر اكليبي الالم
جن ابوي ايون عليه
يصيح يابويه رقيه


ليش اذنج بيها دم
عمه زينب عمه زينب

يمسح ابايده اعله راسي من اجاني
شاف دم يابس يعمه فوك اذاني
كتله يابويه عدوك سلباني
و هسه ترضاها بخرابه كعداني
يكلي يابعد الكلب
موقفج كلش صعب
عمه زينب عمه زينب

عمه كعدني بحضنه و خله راسي
كتله وياك ارد اروحن دهري قاسي
صرت موكب اللهموم و الماسي
جنت اصبح بيك بويه وبيك اماسي

كلي هانت يارقيه
جايه هاليوم اليه
عمه زينب عمه زينب
بويه ما احمل غيابك وانته تدري
من رحت اليوم وانه دمعي يجري
كتله هضموني الشامته ايدهري
نار مشتعله بدليلي بييه تسري

روحي تشمك هوه
شوفتك لييه الدوه
عمه زينب عمه زينب
خادمه الزهراء بنين 😭😭
خلافكم حركوا خييمنه بويه بعدك
عمتي تتنخه وانته من يكلك
ركبونه اعلى الهزيله مال حملك
شفنه من بعدك هظايم و شريدك

📜 القصيدة: ضلع يكسر ضلع
🎤 أداء: مسلم الوائلي
🖋 كلمات: المرحوم عابد الموسوي
~~~
ضلع يكسر ضلع واسمع صداهن
عله كيفك يحافر بالوراهن
ضلوع حسين اذني
يحافر حيل لجمني
ضلوعي وما رحمهن كسراهن
~~
گبل ساعه يحافر ظهري مكسور
جروحي هواي بيه ولدي مدفون
بلكت تستحي من عندي ودور
لأن قاسي احس وياي عاشور

عجيبه وما سمعني
حسين وما رحمني
ضلوعي بيوم غدره عذباهن
عله كيفك يحافر بالوراهن
~~~
ضلع يكسر ضلع ويصيح الحسين
عله كيفك يحافر دوستك وين
عله سهم المثلث هالمطاعين
حاجيتك بوني وستمع زين

سهم طر بدليلي
ومحد يعتنيلي
ضلوعي تكسرن محد حماهن
عله كيفك يحافر بالوراهن
~~~
عله بختك يحافر كونك بخيت
طحن طحنوا ضلوعي وما اهتميت
دست مو حيل اعله صدري من تمنيت
يحافر حاد طرفك من تمشيت

الطرف حاد اعله بختك
تشگ صدري برفستك
جروحي البيه كثره وما رعوهن
عله كيفك يحافر بالوراهن
~~~
عله كيفك يحافر ارحم الحال
عطش يابس الساني والرمل حار
عله سلبي يحافر هدت ارجال
عله بختك تخلي حسين عاري هالنذل گال

عليك الله يحافر
نذل وبلا مشاعر
هدومي اگبال عيني سلباهن
عله كيفك يحافر بالوراهن
~~~
شسولفلك يحافر عن الهموم
صرت ظالم يحافر وانه مظلوم
ذاك السلب هدمي وذاك الهدوم
الملابس سلبوها بحر السموم

حر الشمس جواني
وحسب انته بمجاني
تصيح النار ربي اعله الخذاهن
عله كيفك يحافر بالوراهن
°°°°°°°°°°°°°°°°°°°°°°°°°°°°°°°

📜 القصيدة: تعبتوا ابوكم ليش ولدي
🎤 أداء: مسلم الوائلي
🖋 كلمات: محمد الغزي
~
تعبتوا ابوكم ليش ولدي
~
حته من ارد اطالب مالي وياك
تعب يالفارگتني منين اجيبك
تحير حته ما شابع دللول
ولا شبعان حته من حليبك
انته اول ولد ما تعب ارباك
يلا لحگت ابوك ولا حبيبك
هسه انگول الأكبر شيب ومات
بس عبد الله يبني وينه شيبك

جرت نفس عمرك عبد حدك الريتي ونتهت
العندي ولد ما لحگت بلساني بس ما بينت
التهظمني مو جي انه ابو يالعايف اگماط ومهد
~~
احجوا وياي كلشي المهم تحجون
احجوا المهم لا تبقون سكته
غير انه ابوكم ليش ميتين
ياهو يفز وگله وليدي انته
عبد الله اشفت من عندي وتروح
اشايف من ابوك ابساع عفته
منك من علي كبران الحسين
منكم هذا شيبي الموش وكته

ربيتكم مو للتعب للراحه من ربيتكم
الولدي ما گايلها أبد بس روحي لو حاجيتكم
يظل اليدلل وحده لو ادري جا ما دللت
~~~
مو حي الله زلمه انه الحسين
انه التحلف براسه المدينه
مدوهن واركض ومدري الوجه وين
ومحد گال حته الله يعينه
مو حلوه اعله ابوكم والله تنگال
ابو بس الأولاد مدوهنينه
انه اول ابو يتوسل هواي
بولده ولده محد فاك عينه

اليتوسل يرد برضا راضوني خل انسه الوجع
مو حلوه وادم صيحت بالحبهم حسين انفجع
ضليت اسولف بالگلب عن لا يبين بيه الألم
~~
علي . عبد الله ولدي گولوا بس هاا
ابوكم ها كثر رخصان صوتي
الطف هاد حيلي وحالي مو حال
انخه بوادمي وترجع نخوتي
محد صار بيه الصار بحسين
لا انه من الولد لا انه من اخوتي
منكم للتعب من تعبي للموت
انه المو ابساع ابساع موتي

اعتب لجن گلت العتب گلت الولد عكازتي
بس تالي ما تالي اظل مامش متن لجنازتي
ميت لجن ميت عدل بس النفس ما ينوصف
~~
ماتت وادمي وگلت انخه الأولاد
تعبي وخل اذب حملي عليها
ابوهم حته لو موته يفزعون
الي وشديت ظهري المال بيها
گوموا بلا نفس عدلين ميتين
النار خيامنه مدنيه ليها
ردت انخه الغرب تفزعلي يمي
اولادي والغرب تتنخه بيها

النوم كلش يالولد هذا الوكت لا مو حلو
ليش انخه محد ينتهض جا ادري المن انه ابو
ربيتكم گد الوجع البيكم البيه البالخيم
°°°°°°°°°°°°°°°°°°°°°°°°°°°°°°°°°

📜 القصيدة: تعبتوا اديه
🎤 أداء: مسلم الوائلي
🖋 كلمات: حمزة الحسناوي
~~~~
اشرت شكثر تعبتوا اديه
واحد اغله من واحد عليه

هو افراگكم للكون يگدر
مو للگاعده وبالگعده تعثر
واحد اغله من واحد عليه
~~~
الله ويه الضعن وياي الفراگ
من عينك عرفته
كلهن ما شبگهن وانه وياي
شو طول شبگته
مثل المستحي من عيوني الحسين
ما مرتاح شفته
اثاري منزل هدومي من الضعون
ومرجعها سكته

سهله اعله المرض لا تحجي عنه
بس افراگكم ما اطيب منه

كلما تبتعد اتمرض اكثر
هو افراگكم للكون يگدر
واحد اغله من واحد عليه
~
حضرت الضعن ويه اليحملون
من جاب الضعينه
تنشد روحي وانه انشدها يا روح
ما باوع علينه
اوگف والمرض يعصرني بس عود
ردت اتشوف عينه
گوه اعدل مشيتي اگبال الحسين
حته يگول زينه

حملت الثگال وشلت كلشي
يطلع واگعد وبس يرجع امشي

من تمشي المريضه شراح تخسر
هو افراگكم للكون يگدر
واحد اغله من واحد عليه
~~
نطلع غفله عنها يگلهم حسين
جنت اسمعهم انه
وصى عليه زينب گالها تموت
من تطلع ورانه
گتله الموت اذا ما اشوف بالبيت
عبدالله ومجانه
كلما اگله خويه يردلي لو لا
جان ايسد اذانه

عن عبدالله گمت انشدهم هواي
كلساع وخذاه حسين للماي

گلبي هواي لاجمني الله يستر
هو افراگكم للكون يگدر
واحد اغله من واحد عليه
~~~~
اخر حيره الي من فتحوا الباب
كسرت خاطري العين
انه ادري بمشيهم وين ماشين
وانشد وين ماشين
وين الگه اليعطل ضعن الاعزاز
حد ما تعبت الوين
اول مره يمي حسين واحتاج
واحد غير الحسين

مو تدري المرض گاعد يهدني
اول تالي اموتن خوب اخذني

انته الفارگاك ابساع يكبر
هو افراگكم للكون يگدر
واحد اغله من واحد عليه
~~~~
يل بالضعن شايل خاطر ارتاح
لو من گلبي شايل
گمت اسمع الوادم عني يحجون
هاي ام ظهر مايل
ذيج التنشد الحيطان والناس
ما مرت محامل
بويه الموت مو من تطلع الروح
من تنطر رسايل

لو اموت وعلي ولا هذا حالي
شنهو اتشابهن جسمي وخيالي

حته الشوف گام بعيني يگصر
هو افراگكم للكون يگدر
واحد اغله من واحد عليه
°°°°°°°°°°°°°°°°°°°°°°°°°°°°°°°°°°°