ALOVAK

Зірніце, як адметна аформіла і праілюстравала кнігу "Тарас на Парнасе" мастачка Мая Пракаповіч - гэта навінка 2023 года, якая выйшла ў выдавецтве "Мастацкая літаратура".

У кнізе - не толькі знакамітая аднайменная паэма Канстанціна Вераніцына (ілюстрацыі ў гэтым допісе акурат да яе). У другім раздзеле кнігі змешчаны ўрыўкі з кнігі Генадзя Кісялёва пра пошукі аўтара паэмы (чытаецца, як дэтэктыўная гісторыя!). А трэці раздзел прысвечаны Гарадоцкаму краязнаўчаму музею.

P.S. Знайшлі на сайце "Мастацкай літаратуры" магчымасць пагартаць кнігу.

#кніжная_ілюстрацыя #беларускія_ілюстратары
#МаяПракаповіч

3 лістапада споўнілася б 141 гадоў Якубу Коласу. У мінулым годзе мы сабралі самыя яскравыя ілюстрацыі да твораў Якуба Коласа ад беларускіх мастакоў-ілюстратараў. Артыкул цалкам можна паглядзець на нашым сайце - https://alovakmag.by/nathnenne/admetnyya-ilyustratsyi-da-tvorau-yakuba-kolasa.html

А ў гэтым матэрыяле можна пачытаць гісторыю стварэння ілюстрацый да самага апошняга выдання “Новай зямлі” ад выдавецтва Папуры - https://alovakmag.by/nathnenne/ilyustratsyi-lizy-lyankevich-da-knigi-yakuba-kolasa-novaya-zyamlya-poglyad-ilyustratarki.html