بګــړۍ!


نړۍ به دې تر دې هسڪې بګړۍ ؤ نه رسیږي
ڪر دار ته به دې بله قربانۍ ؤ نه رسیږي

ارمان به یې شي دلته خاوري ، دلته به ایرې شي
مقصـد، ته به مغروري ڪڪرۍ ؤ نه رسیږي

زموږ چم ڪې چې دا څو زلمي ژوندي وي نو غلیمه
مظلوم ته به دې د ټوپک شپیلۍ ؤ نه رسیږي

زما طالب ملنګ ګوزار چې څوک یوځلي وخوري
ماغزۀ به یې بیا بیرته تر ڪوپړۍ ؤ نه رسیږي

همدا هیلې به ټولې ورسره یوسي خپل ګور ته
خیالي ارمان ته به سپینه ماڼۍ ؤ نه رسیږي

غالبه چې پنجو د امارت ڪې را ایسار شي
محال دے، روغې پښې به تر شړۍ ؤ نه رسیږي

👇👇👇👇
@Ghaznavi56