شوف اخويه،احنا بالعراق أعداد الشباب سواء كانوا ولد او بنات إليّ يحملون فكر المقاومة والولاية ومهتمين بالقضية الفلسطينية ويدافعون عن اليمن ومناصرين المظلومين الي بسوريا والي يدافعون عن الحرس الثوري ويحبون الحشد،اقصد هذوله الشباب الي يسموهم(ذيول♥️🧿)قليلين كُلِّش،إليّ رايح لـ لبنان وداخل للضاحية الجنوبية يعرف اني شنو اقصد بهذا كلامي😅وإليّ رايح لـ ايران وشايف فكر الشباب الأيراني يعرف اني شنو اقصد،احنا هنا بالعراق صح قليلين بس يا اخوان صدگوني الواحد من عدكم يعادل ألف من عدهم ويجوز اكثر،انتوا شايفين شگد نصرفت فلوس ومبالغ وقنوات وصفحات ممولة بس حتى يكرهون البنت بالعباءة ويصورون الها انو العباءة تخلف وجهل،شايفين انتوا شگد انصرفت فلوس بس حتى يحرفون الشباب عن دينهم والي داخل محتك بالجامعات العراقيه يعرف اني شنو اقصد😁ساعه جايبين الهم سالفه الشيوعية ساعه العلمانية ساعه تعالوا اشربوا والشرب مو حرام (اني اشرب اني حر تذكرون مو)وطبعاً ما ننسى سالفه الألحاد الي منتشره بالجامعات وظل ياهو الي يجي وگال اني ملحد،وآخر شي خلوا الشباب يدافعون عن المثليين(الشواذ جنسيا🏳️‍🌈)وأبشركم بِعد شكم شهر راح يخلوهم يدافعون عن زواج المثليين بالعراق،وغير الفلوس الي اندفعت حتى يكرهونهم بالدِّين والتدين والمراجع والحوزة وصراحة نجحوا بشكل كبير،تعرفون شگد انصرفت فلوس وجيوش إلكترونيه وصفحات مموله وبيجات ومواقع وشخصيات ومسلسلات بس حتى يوصلون فكره للفتاة العراقيه انو نزع الحجاب شي عادي والاختلاط مع الأجنبي شي حضاري والتمرد على الأهل شي طبيعي وغيرها وغيرها من الشغلات الي اني مو بصدد ذكرها،بس مع هذا اكو بوقتنا شباب حافظوا على دينهم🥀وبعد عدنا اخوات حافظن على دينهُنْ وما راحن ويه مخططات العدو،انتوا شايفين الأعداء شگد يتحسرون ويظلون يبچون دم من يشوفون ابنيه ملتزمه بعبايتها وحجابها؟!!شايفين شلون ينقهرون من يشوفونك انت الشاب وعلى الرغم من كل هاي الملذات بعدك محافظ على دينك؟!!