АШЫҚПАН СОНДАЙ....

Хатларымды бир шолып өт жоллаған...
Мəзи емес, қымбат еди ол маған.
Сен исенбе, мен айтаман сонда да,
Бир көриндиң, жолларыңда сайылман...

Сол, сол екен, күним солай өтпекте,
Ал сағыныш жүрегимди сөтпекте,
Бир нəпеслик дийдарыңа жетпекке
Мың жанымнан кешиуге де тайынман...

Көз жасыңа арзымаспан мен бəлким,
Өз қəлбине қулақ салып жүр хəрким,
Бунша ашшы, бунша шийрин бул дəртим,
Сен Зухрасаң, мен ашығың Тайырман....

Мен билемен, умытпадың расын да,
Сол сəтиңди... қалған куниң қасымда,
Жүзлериңе түсип турған шашыңды,
Əсте ғана бармақ пенен қайырған...

Қəлем услап, сеннен илхам алғанда,
Тəрийпиңе айтылмай сөз қалғанба,
Сеннен өзге сүйгеним жоқ жалғанда,
Бүгинлиги мен ышқыңда шайырман...

Баҳадыр Байназаров.
Өжет✍