أول شيء شن هيا منظمة أميديست ؟ هي منظمة أمريكية غير ربحية تهدف إلي تحسين فرص التعليم والتدريب في أقليم الشرق الأوسط وشمال أفريقيا، تأسست سنة 1951، وأكيد ليها فرع في ليبيا !
في فترة من الفترات كنت أحد المستفيدين منه، وتقريبا في سنة 2018، أطلقت المنظمة برنامج اسمه "SFS”، اختصار لـ “Skills for success” .
شن يتضمّن البرنامج ؟
البرنامج يتضمن التالي :
1- لغة إنجليزية بمعدل 200 ساعة للمستويين elementary (A+B) و )A+B) pre intermediate)
2- 10 ساعات من الـ leadership training
3- و 40 ساعة من الـ Professional skills and career planning trainig
4-و 50 ساعه من الـ computer skills
طبعا بعد ختام الكورس اللس استمر على مدار 8 شهور، كان الختام بشهادة أميديست وشهادة IAPTLD أكاديمية سفراء التنمية العالميّة للتعليم والتطوير والتطوير القيادي والتخطيط الإستتراتيجي .
وأيضا كان فيه جوانب ترفيهيّة ونشاطات تطوعية كالتطوع لزواعة عدد 100 شجرة في منتزه صبراته (مش متأكد من الرقم بالزبط)، والبرنامج كان في عدّة مدن ليبية زي صبراته وطرابلس وسبها وغريان ومصراتة، والبرنامج هدا مجّاني بالكامل شامل حتى المواصلات.
فترة التسجيل كانت عبر رابط (تسجيل الإلكتروني)، و في حال القبول تتحصل على الموافقة الأولية ومن بعدها في مقابلة لو تتجاوزها تقدر تنضم للكورس بشكل رسمي.
لكن كانو في نسختين فقط من البرنامج، ووقفوا من ال2019 وفتحوا برنامج نفس نظام هدا لكن لفئة عمريّة أصغر واسمه “SFT”
ولحسن الحظ البرنامج ح يتفح من جديد خلال سنة 2023، و ان شاء الله ح اانزل الرابط أول ميعلنو عليه، حرفيا برنامج خُرافيي 👑
طبعا المنظمة عندها عدة برامج اخرى زي "Student Leaders Program
”، مدته سنة خارج ليبيا (سكروا التسجيل يوم 19/12/2022
قدمت عليه وان شاء الله ننقبل.
وكذلك برنامج “YES
” ، اللي هوا عبارة عن امتحان لو اجتزته ح تقدر تقرا سنة ثالثة ثانوي خارج البلاد (بنظام منحة) وفي غيرها العديد من البرامج الأخرى خليكم متابعين الصفحة هادي :
https://m.facebook.com/AmideastLibya1/?mibextid=
