Maaf akkas taane

Osoo jaalalli jiruu
Jibba waliin haammachaa
Osoo gaarummaan jiruu
Daba hedduu hojjechaa

Osoo hojii qajeelaa
Hojjechuudhaaf dandeenyuu
Osoo gaarii hojjennee
Bakka barbaanne geenyuu

~~~~~

Nuti faallaa kanaatiin
Jibba yoo gurmeessine
Nuti faallaa kanaatiin
Dabaan of qajeelchinee

Garuu.....

Madaalliin kan jaalalaa
Jaallatanii agarsiisuu
Nama jaalala hin beeknes
Amalumaan barsiisuu

Malee afaaniin jaalalli
Garaadhaan immoo jibba
Gubbaan immoo jaalala
Garaa keessaan walgubaa

Ofii keenyaa haasaadhaan
Jaalala odeessinee
Hojii keenya gubbaadhaan
Jibba yoo bobeessine
Mee eenyamatu jaallataa
Hojii furmaata hin qabne

Kanaaf.....

Ilaamee hiriyaakoo
Ilaamee jaalallee koo

Jaalala jechuuni beeki

Ofii aarsaa ta'anii
Nama gammachiisuudha
Qabeenyaan osoon taane
Hojiin agarsiisuudha
Inni kan biraan immoo
Dandahanii agarsiisuudha

Malee afaaniin jaalala
Garaan waan biraa yaaduu
Kun jaalala oson taane
Osoon dhukubin aaduu

Koottumee yaa jaalakoo
Teenyeeti mari'annaa
Hanga jaalala dhiifnee
Teenyee jibba labsinaa
Hanga yoom obsa walii dhabnee
Jechaan wal madeessinaa

Koottumee hiriyaakoo
Suuta wal_gorafannaa
Yoo tokko dogoggore
Waliifis irra kunnaa

Yoosuu fakkeenya taanee
Kaanitti jaalala agarsiisna
Yoosuu dur waliigallee
Yoosuu tabba ni ceena
Yoos dhumni keenya tolee
Warra jaalalaa taana
Mee Koottumee koodeekoo
Haala kanaan waltaana
Mee Koottumee lubbuukoo
Isa kanaan waltaana
Yoos jaalala dhugaasaa
Hojiin mirkaneessina
Yoos jaalala sirriisaa
Hojiidhaan agarsiisna

✍ Shamil Nasir

@dhwalaloo
@dhwalaloo
@dhwalaloo