فاضل عباس الخزاعي

#ام_البنين صلوات الله عليها
.
.

إنها قدسيةٌ أم البنين
صاغها الله بأنفاسِ الحسين
وبها الله باهى الأنبياء
ولْدَها قد نذرت للأطيبين

جبيرة بخت بيها أهل السمه تقسم
جبريل اباسمها دوم متحزّم
ام الخدمة منها الكمر متعلّم

باسم ام الوفاء... متحزمة الخدم
من عدها العطاء ...أومن راعي العلم

كمرها ابزوده .. قسم بزنوده
نذر لحسينه .. أو وفه بعهوده
.
.
درةٌ كانت ونبعٌ للوفاء
صيتُها قد مُلِئَت فيه السماء
قبلةٌ في ذكرها تحنى الرؤوس
إنها والله أمّ السعداء


عزيزة فاطمة والجوهر الاروع
في تصويرها الرحمن قد أبدع
فصارت للحسينِ بابه الأوسع

بيرغ للعطاء ... هي بكربلا
ضحّت بالبنين .. لأجل العايله

تحبها العترة ... العظيمة الحرة
العمر ناذرته...لآل الزهرة
.
.
نورُها شقّ مسارا للخلود
وبها قد نيرَ والله الوجود
فضلها للناسِ ماءً للحياة
دونها الخدام تهوي في الجمود

دخيل ام الكمر هاي السماوية
عظيمة شان عد احسين مرضية
آية أو من جلال الزهرة مبنية

محفوفة بكمال... درة حيدره
خلدها الزمان ... دنيا او آخره


ضواها يبهر ... أمينة او تزهر
شعاع الخدمة ... القلبها نشكر
.
.
هي زهرائيّةٌ عظمى الخصال
رُفِعت أعلى مصاديق الكمال
قد دنت ثمّ تَدنت للحسين
فكساها الله من فيء الجلال


ابحِجاب النور أم الكمر مستوره
علي انطاها المقام العالي من نوره
مره اتكلها الزجية اهواي مشكوره

للزهراء باب ... هاي ام الكمر
اشما نحجي أو نكول ... جن نقطة ابحر

الابنها الكافل .. ضواها كامل
إهي للجنّة ... خبرها واصل
.
.
خصّها الله بألطافٍ كثار
فغدت رمز الوفا والاصطبار
أم عباسٍ لها يحلو النداء
مدد الخدام منها الانكسار

صعب تفهم اسمها الناس وتفسره
شكبر حظها التحبها فاطمة الزهرة
أو باسم احسين دوم اتنوح منكسرة

ضحّت بالنظر ...لحسين أو هله
ما راحت لجن ... جنها بكربلا

صعب تتوصف... ولا تتعرف
الملائك الها ... تجي أو تتشرف
.
.
.
فاضل عباس الخزاعي
https://t.me/fadlkuzay

#مولانا
#مسلم بن عقيل صلوات الله عليه


شال قلبه او بيرغ الاسلام بيده
او شكّ الأمواج التي بدربه شديدة
او مد شراع الرحمة بالكوفة العنيدة
او جان موته امعلك اباركان جيده

ايطش بياضه ابكل شبر
او شايل بروحه نبي
يخجل اكباله النده
الليث هذا الطالبي

فعله ... مهدوي
او زوده ... علوي

سيّد ... هاشمي
ابعزمه ...يرتوي
.
.
نوخ ارجابه ابدرابين الموحشة
جاب ابو طاهر رسالة ابخشب نعشه
او جلجل اعله الكوفة جن طير اعله عشه
خيْر ابو الأكبر على البيبان طشه

يدري بخيوط الغدر
لاجن ابقلبه عزم
يبني لأجيال التجي
سور من دم الزلم

كاصد ... للعلا
او دمه... امحلله
ناذر ... ركبته
ثابت ... بالولا

.
.
سولف القران كله بجُملة وِحْدة
العنده غيره ما يعوف احسين وَحْدة
او شكك ارسايل جذبهم بيد صلدة
هو نور الله لجنها الكوفة رمدة

ابلغ الحُجة بألم
يدري بالموقف صعب
قلبه شاف المحتوى
الناس جايسها رعب

الكوفة ... غدرته
نكرت ... رحمته
هي .. بلا خجل
بدّت ... عشرته
.
.
.
بجفه خطلهم كناطر للسعادة
لاجن العنبر ينط وسط الحمادة
همه وادم عدهم الغدران عادة ناس متعلمة اعله ذل موش اعله اراده

كال كوموا للنصر
احسين كاصدكم تره
الموت ويْ رَكْبه شرف
ربح دنيا او آخره

الرايد ... ينفرح
و قلبه ... ينشرح
يفزع ... للذي
كاصد ... للذبح

.
.
تسجد اكباله الحروف أو ترجي عطفه
صعد فوك الغيم رايه أو راي جفه
كاد ناس اللي بحرها ابعيد جرفه
أو صار مسلم بيرغ الله ابكاع حتفه

نيته من لون الضوه
اوعذب جن ماي النهر
صامد ابوجه الزمن
حيل يشبه للكمر

جنه .. بو الفضل
بشكله .. والفعل
راية ... للفخر
زلمة ... مو سهل
.
.
.
فاضل عباس الخزاعي
https://t.me/fadlkuzay

#فاطمة
#العليلة صلوات الله عليها


مشه مشه والله
ظعن شايل ضوه الله أو للذبح كاصد
مشه مشه والله
أو خدّي أمن البواجي اعله الأبو بايد

عاف ابنيّته .. أو ماشي الموتته
.
.
ممشه الماي يمشي احسين بالبر
يِبْعد والجروح البيّه تكبر
حنان الله تركلي روحي تسعر
وأنه قلبي مثل جامه تكسّر

حيطان المدينة ... وي حزني حزينة
أو تنوح اوياي
ما واحد بقالي ... أو رف قلبه اعله حالي
أو رحم مبچاي

بلكي يِردلي احسين
ادعي أمّنْ يجيبُ دعوةَ المضطر
بلكي يردلي احسين
على افراكه أنه او قلبي فلا نكدر

آ يا غربته .. ماشي الموتته
.
.
مثل مجرى النهر تجري المدامع
"مو حي الله زلمة" احسين ضايع
عليلة أو عجّت بروحي المواجع
واشوفن بالسمه لوحة مَصَارع

طشيت ابرحيله ... اعظامي النحيلة
أو سواد العين
رسمت بروحي ظِنَّه ... عسى ايرد أو احظنه
ابوي احسين

بيّه النسيم ايعيل
مثل الجمره يلچمني الهوا واثغب
بيّه النسيم ايعيل
يلمّ الذكريات الاصعب الاصعب

قلبي أو لوعته ... ماشي الموتته
.
.
احاول اغفى ويفززني رسمك
أنه ابنص المدينة أو روحي يمك
يكاطع سچة الموت اعله دمك
ينور اعيوني مشتاكه ارد اشمك

مشتاكه العيونك ... بالفركه اعله هونك
يروح الروح
فاطمتك تتاني ... عليلة أو هم تعاني
أو ذبحها النوح

كل روحي ليك اتريد
كمت اكتب حروفك بالهوا وانعه
كل روحي ليك اتريد
تفاصيلك على العينين متربعه

صعبة امصيبته ... ماشي الموتته
.
.
.

يشلعان القلب جَيت الليالي
اجي لفراشك أو ألكيه خالي
ادورك ودري ما هو انت يغالي
يجرحي الچلچل بْحيله اعله بالي

يشوك ايامي وينك ... يمن فدوه السنينك
ادورك وين
ذبح عمري غيابك ... أو رسم لوحة مصابك
يضيّ العين

بنتك تسئلك ليش
على أمواج الرمال اتسافر اضعونك
بنتك تسئلك ليش
عفتها موْحِشة ديرتنه من دونك

كاصد چتلته ... ماشي الموتته
.
.
اشيط أو اركض بدمعي وادورك
تارس كل ثنايا البيت عطرك
رد يل ريت من عمري اعله عمرك
يحارك روحي سعفة بنار هجرك

عفت دارك خِليّة ... أو كاصد للمنية
لوين اتريد
سحن قلبي رحيلك ... رد ليه دخيلك
يماشي ابعيد

درب البعد چتال
كمت اكتب حروف اسمك واشابكها
درب البعد جتال
أنه بيبانك اعله النوح اسابكها

تذبح غيبته ... ماشي الموتته
.
.
فاضل عباس الخزاعي
https://t.me/fadlkuzay

#الخدمة

حافي اعتنيتك ... العالم خدمتك
لتردني خالي .. ابداعة اختك

عايف ذنوبي ... أو كاصد عيونك
بلكي اتحسبني ... فَيّ الضعونك

هذا آنه جايسني العطش وعيوني صوب الخدمة
ارويني من طفّك دمع أو للخدمة حيلي اتحزمه
امهاجر اجيت أمن اللهو لاحضان هاي النعمة
والطشّر اسنينه بجهل بس انت الي اتلمه

وطن
للتاه مخلوقات اخيامك
احسبني تراب اتدوسه ايتامك
ولچمني يحسين بآلامك

وطن
أمن الدينا بو الاكبر تعزيتك
غطيني يحسين ابخاجيتك
بعيونك الكتري اتصد ريتك
.
.
.
عن كلشي خاطئ ... مولاي نادم
كل نيتي بلكي ... تحسبني خادم

شديت حيلي ... بدمعة أو اجيتك
ادري ما تطرده ... الجاي الثنيتك


كل رحمة الله بمجلسك أو تدبيره من تدبيرك
ابركب الخدم قلبي نزل او مديت جفي الخيرك
مولاي لتخليني ارد والزم جفوف الغيرك
صيّرني بجفوفك وأنه راضي اوعلي ابتصييرك

نبي
جنه نبي اليخدم بضعونك
وألوانه تزهي الينظر لونك
اوتايه يضل العايش دونك

نبي
التخلص حياته أو يبجي امصابك
اليذبح سنينه بعطش أحبابك
ارزقني دمعة او جزع ابابك
.
.
بمركب عزاءك ... ناخت ركابي
ونذرته لاجلك.. حيلي أو شبابي

حطيت بيدك ... قلبي اليودك
يا ماي عيني ... احسبني عبدك

راكب دمعتي أو معتني أو خايف تزل اجدامي
خايف احط ابديره ما تبجي مصاب الضامي
بلكي تكلي اويه الخدم مية هلا بخدامي
مولاي اخذني الخيمتك راضي ولو بحلامي


ضوه
للقلبه معمي الخدمة تنوره
أو بَجملها الصور اتصوره
وعلى المعاصي تصنع ثورة
ضوه
الرايد يصير انسان ايخدمك
أو موش بجفوفه ابروحه ايلمك
هنيال حظه الذايب بسمك
.
.
.
من جون علمي ... بدرس الخدامة
يل لأجلي حارك ... قلبه أو خيامه

يحسين ذكرك ... تسبيح ربك
أو درب السعادة ... مولاي دربك

من ايدك الايدك نذر صغت السنين ابحسرة
بلكي بلطمتي اعله الوجه أو بدموعي اواسي الزهرة
مكسور قلبي أو خدمتك مولاي هي اتجبره
جفك شراع الله انخلق لليغرك انت اتعبره

الخدم
تحسبني وياهم رايد
ياسيدي الما مثلك واحد
بحبي الدمع مولاي الشاهد

الخدم
ماي أو ضوه والفي العالي
جنهم نجوم الكون اتلالي
بس انت عدهم والله الغالي
.
.
موطن جروحي ... بباب العزية
والدمعة منك ... أو من الزجية

شديت بسمك ... قلبي أو جروحي
أو منذوره لاجلك ... مولاي روحي



غابه الوكت وأنه لذت من الوكت بالمجلس
شارد مثل طير بحرب أو بسم الكمر متنفِّس
لميت روحي ابمجلسك آنه الجنت متوجّس
وبهاي خدمتكم صرت بين الخلك متنومس

هلا
جنك تكول اباب الموكب
أو واكف يمولاي امعزّب
يل تقبل التايب والمذنب

هلا
او مية هلا تنادي ابخدامي
الكصدوا ينوحون اعله ايتامي
البيهم لهب من حرك اخيامي
.
.
فاضل عباس الخزاعي
https://t.me/fadlkuzay

#الانصار

صحابه .. كواكب عالارض تمشي
صحابه .. يسوه احسينهم كلشي
صحابه ... بيهم ربهم ايباهي
صحابه ... هم نورٌ من العرشِ

مشو مشية فراشة المنحر السيف
امسامر عدهم الموت الأجل حبهم
ينابيع المودة خضروا تاريخ
انبياء ابحبهم أو جبريل يغبطهم

بشاطي الحب نوارس
على الخدمة تنافس
أبو الأكبر عشكهم
وبحبه مدارس
.
.
ملائك ... حبيب أو عابس أو أسلم
ملائك ... انصاغوا للخيم من دم
ملائك ... طيور اتفيي للخيمة
ملائك ... صلى الله اعليهم أو سلم

فرشوا كلشي بالطف خاطر الخيل
مو بحسين بيهم بلكي تتعثر
طاحوا كلهم أو ما ينلم الماي
أو مرايا صاروا الخدام ابو الأكبر

عشكهم ماله كل حد
عشك من الله مُسند
نذر لحسين جانوا
الدماء ابهاي تشهد
.
.
مناير .. رسموا من مناحرهم
مناير ... العرش حدها منايرهم
مناير ... جوين أو سالم أو عامر
مناير ... زار الله زايرهم

انصبغ لون الطفوف ابلون الاسيوف
"وهب كلشي وهب" لحسين وخيامه
شواطي أمن العشك بركبهم اكتاب
نذر ما ينفك اله ابطيحة الهامة

زهير ابنوره زاهر
فده احسين المناحر
بنوا عن المخيم
بجسادهم ساتر
.
.
اشاوس ... برير اتحزم ابعزمه
اشاوس ... ملاحم خلّد ابدمه
اشاوس ... ترسوا نينوى موته
اشاوس ... العمر بدّوه لبو اليمه


روازين الضوه فتحوها للناس
عبر أجيال منهم لسه نتعلّم
ثوايا الحك بنوها ابجلمة وبروح
روج ايزيد يمهم كله يتهدّم

مسلك للعبادة
همه والسعادة
سعيد أو جون بيهم
تتباها الشهادة
.
.
عشكهم ... مشه بدمهم ضوه بهندس
عشكهم ... عَليه كل الملك تحرس
عشكهم ... جيّت ماي للصحره
عشكهم ... ربح للطايح أو مفلس


كلهم سافروا لخيام الحسين
ركبوا نية بيضة أو كصدوا اعيونه
طاحوا تحت رجلة طيحة الماي
صاحوا فدوه كلنه انروح من دونه

تراتيل المحبة
رتل جون قلبه
عشك احسين رحمة
الينوي ايشوف دربه
.
.
.
فاضل عباس الخزاعي

https://t.me/fadlkuzay

يا زهراء .
نبدأ إن شاء الله بتنزيل قصائد محرم الحرام .... راح تكون كل قصيدة مع لحنها وانتم غير مقيدين باللحن في حال رغبتم في تغييره .
للتواصل مع خادمكم
الواتساب
07821159064

الانستگرام
@fadil_alkhuzaey

ملاحظة : يوجد في القناة 👆العديد من القصائد المنشورة سابقا تخص موضوعات كربلاء

يا زهراء .
إن شاء الله ، برعاية مولاي موسى بن جعفر صلوات الله عليه، سوف نبدأ بعد أيام بتنزيل قصائد شهر محرم الحرام .
أسأل الله التوفيق لكم ولنا،
ولا تنسونا من خير دعائكم ، خدام الحسين صلوات الله عليه .

جاي جاي ... ظعنهم للذبح جاي
ماي ماي ... جتّال الظعن ماي
اهداي اهداي ... يمشون النده اهداي

ظعن الماي كاصدله شريعة موت
خضار الله يبس بيه النبض بسكوت
مسايير اعله أجلهم بالعجل يرحون
ظعنهم يونس أو طف كربلاء الحوت


يكصدون المناية
او بعد العز سباية
العدو اهناك الخدرهم
الفرات المنع مايه
.
.
وين وين ... زينب تنشد الوين
احسين احسين ... وين الكصد يحسين
البين البين ... مدري اشضام الي البين

أميرة ابفي كمر وجفوفه تبرالي
كلشي آنه الاريده أبساع يجرالي
عزيزة ابخير ابو فاضل لجن يحسين
القلب خايف يضل هذا الظعن خالي


ظعنكم وين رايح
تحس روحي بنوايح
او حلمت الليلة خويه
لَن الكمر طايح
.
.
ابعيد ابعيد ... دربهم ماهو البعيد
البيد البيد ... ظعنهم كاطع البيد
ايريد ايريد ... الموت احسينه ايريد


يرتل آية المذبوح بونينه
ظعن رايح يشاهد موتت احسينه
اويه النوك المناية اوياهم اتساير
او على اعزاز الله حتى الجن جرت عينه

متعنّي الرزية
ظعن شايل رقية
باجر بالبراري
ما تسمع خطية
.
.
حيل حيل .. دربهم رايد الحيل
خيل خيل ... أتاني أحسينهم خيل
ويل ويل ... مناحر تنكطع ويل

يزغر بالدرب عبدالله ما يكبر
سهم منتظره رايد ياكل المنحر
او يفيض ابحضن ابوه أو يسگي منه الغيم
او ربابه اتشاهد أمن الخيمة هالمنظر

مصيبة اتجر مصبية
"حبيب بلا حبيبة"
باجر كلها تصرخ
"زينب يا غريبة "
.
.
الروح الروح ... بحوافر تطلع الروح
اينوح اينوح ... كلشي بنينوى اينوح
اتروح اتروح ... زينب للسبي اتروح

خدر الله بحبل باجر يجتفونه
او جبير السادة ميت بس يسلبونه
فوك ارماح هاشم تمشي لأرض الشام
أو راس احسين يم زينب يضربونه


دواوين أو عشاير
الخدر الله تناظر
قصر أو سوك طبن
او جان الحادي كافر
.
.
فاضل عباس الخزاعي
https://t.me/fadlkuzay

أمير اعله الزمن أبا الحسن سلطاني
رؤوف أو رحمته بضي نظرته سلطاني
عشكته أو عشكي اله بمنزلة لا توصف
ضواي أو منيتي وقبلتي سلطاني

بشوك أو دمعة اسولف حب لابو محمد
أمنيتي يرف جنحي بسمه مشهد
ضوه بابه حلم عيني أو سواديني
قلبي بنار عشكه والله ما يبرد

كل شوكي أو احلامي للرضا
والعشك البيامي للرضا
يمتى أوصل بدموعي للرضا
آنه او قلبي الضامي للرضا
.
.
أطير المشهده وأكصّده سلطاني
جبير إبلا وصف ابو العطف سلطاني
غريب او غربته كعمته بلايه اهله
سكن قلبي هوه والي الدوه سلطاني

يمتى ابابه تسجد روحي وعيوني
واشم عطر الضريح أو ينتفض لوني
بالروح أمنية أو ادعي الله تجرالي
خيط ابنص ضريحه اهلي يضيعوني

عايش عمري ابحبي للرضا
روحي أو كلشي بقلبي للرضا
يضملي ابابه أسجد للرضا
ايجرني ليه من دربي للرضا
.
.
على طول العمر حلم أمر سلطاني
اشوفن كبته ورايته سلطاني
واشم عطره الزهي بصحن علي معشوكي
واسولف بالبجي بلا حجي سلطاني

ترسمله سوالف قلبي دمعاتي
ماي الله الرؤوف اليروي حسراتي
الراية الخضرة عشكي اليچوي بضلوعي
محد غيره ساكن والله نبضاتي

هيج اتخيل رايح للرضا
وادخل صحنه ابنايح للرضا
اوكع من شوك أو فرحة للرضا
عشكه الروحي الذابح للرضا
.
.
غرام بهالقلب ترسني حب سلطاني
أنيس الكل نفس أو هو الشمس سلطاني
متى الصحنه آنه اصل واله الفضل لو جيته
واكله بالعشك وهو اليدك سلطاني

احسدها كل حمامة تسكن الحضرة
ليل انهار تنظر كبته الصفرة
أو هنيال الهوا اليلمس دفو الراية
يخلد بٱسم سلطانه وعلي ذكره

كلشي بدمي اينادي للرضا
أوصل يمه امرادي للرضا
يمتى المس شباجة للرضا
ذاك اكبر اعيادي للرضا
.
.
فاضل عباس الخزاعي
https://t.me/fadlkuzay