FIGORIY IJODI

SEVISH GUNOH BO'LSA...

✍✍✍MUROD YUSUF

Sevib, sevilmoqlik zamonning zayli
Sevmay yashaylikmi sizlar tufayli
Pok sevgim sababli yashayapman men
Sevish gunoh bo'lsa takror sevaman

Yashadim go'yoki sevgiga qonib
Ulg'aydim chin dildan unga ishonib
Sevgilim ishonchin butkul qozonib
Sevish gunoh bo'lsa ming bor sevaman

Sevgisiz dunyoda yashab bo'larmu
Yo olg'a bir qadam tashlab bo'larmu
Xushchaqchaq dillarni g'ashlab bo'larmu
Sevish gunoh bo'lsa oshkor sevaman

Yurak sevaversa ayting netayin
Sevish gunoh bo'lsa sevay atayin
Sevaman siz buni rad etgan sayin
Sevish gunoh bo'lsa zor-zor sevaman...

#akamning_ijodidan

@figoriy_ijodi

✍️✍️ F I G O R I Y

S O G' I N CH I M 4

Ketib boradurman o'ychi yo'limda
Yo'llar tugasada o'y bitmas hamon
Atrofga boqaman rasmi qo'limda
Unga o'xshamaydi birorta jonon

Topolmay ko'zlarim tinadi oxir
Tanish har jismdan qilaman gumon
Xuddi bir mo'jiza bo'ladi sodir
Unga o'xshamaydi birorta jonon

Qizlar qiyqirig'i quloqqa kirar
Biroq bu sadolar o'zgacha tamom
Azobdan o'rtanib yuragim yig'lar
Unga o'xshamaydi birorta jonon

Dardimning davosi - o'shal sho'x ko'zlar
O'tli nigohlarin sog'indim yomon
Vaslin tilab dilim Majnundek bo'zlar
Unga o'xshamaydi birorta jonon

Nogahon uchratgan kunim - tantana,
Go'yoki sayyodman, u esa jayron
Qochadi, quvlayman, ko'rsaydim yana
Unga o'xshamaydi birorta jonon

Allohga aytaman pichirlab, sekin :
Xayrli qilgin-u, bo'lmasin armon
Dunyoning hurlari yig'ilsin, lekin
Unga o'xsholmaydi birorta jonon

@FIGORIY_IJODI

Ayt ey dunyo, qaytib kelsin o'tib ketgan yillar
Ayt, ey dunyo, sevilsin sevilmagan ko'ngillar
Ayt, ey dunyo, nega uni o'zgadan topolmadim???

⚡️Masofa.

Mening kitobimni o'qiydi bir qiz-
Jo'xorizor ichra ulg'aygan malak!
Ko'zlari kitobda,
Oyog'i suvda...
She'rim vujudini kuydirsa kerak.

To'rtinchi betdanoq boshlanib ketar:
"Jonim, Xudo seni qalbimga ekkan!"
Oyog'ini suvdan tortadi shartta-
"Sevgani bor ekan!!!"

Qishloqcha yig'laydi (qishloqichamas):
Yuzlarini yuvar qayta va qayta.
Yig'laydi..
goh mening, goh u "jonon"ning
Sha'niga sharafli qarg'ishlar ayta!

"Olifta", "yalmog'iz", "voy, jodugar qiz..."
Qarg'ar sho'rlik qizni yuz-xotir qilmay.
Bilmam, qachongacha ko‘z yosh to‘kadi
"Jodugar qiz" o'zi ekanin bilmay!

Muallifi noma'lum

Bu she'rni bir yaqin do'stim Davlatjon uchun atab yozganman. Men uning sirdoshi, darddoshi, dildoshi edim. U kunlardan bir kun juda xursand bo'lib keldi. Odatda yoqtirgan qizidan o'zini olib yurardi, men o'qishni bitirishimni kutolmaydi, tegib ketadi deb. O'sha kuni xursand bo'lib, yaxshi yaqindan gaplashdik dedi. Kutaman deyapti, ketishimga yo'l qo'ymayapti deb aytdi. Ertasiga esa juda tushkun kayfiyatda unashtirilibdi degan gapni aytib qoldi. Profillarini ko'rib o'tirib, kuzatib gaplasholmaydigan bechoralar edi. Oxiri bo'lmadi, do'stim boshqatdan o'qishga topshirib Andijonga kirib ketdi. Uni to'yidan keyin u bilan birga o'qiyolmayman deb. Bu she'rni shuning uchun, uning azoblarini kuzatib turib yozganman. Sevishganlar hech qachon ayrilmasin.

Mensizligi xayrli bo'lsa
Gar hayoti fayzli bo'lsa
O'sha bilan u baxtli bo'lsa
Gulimga baxt tilab yashayman

Ko'zlaridan oqar tim-tim yosh
Ayro etdi taqdir bag'ritosh
Bunga ko'ngil bermasa-da dosh
Gulimga baxt tilab yashayman

Endi unga bo'lar o'zga yor
Xayolimdan ketmas u dildor
Etdi menga dunyolarni tor
Gulimga baxt tilab yashayman

Osmonlarda uchardik birga
Yulduzlarni quchardik birga
Birga bo'lsak yetardi bizga
Gulimga baxt tilab yashayman

Kesishmaydi endi yo'llar ham
Tutashmaydi endi qo'llar ham
Tugamaydi hatto o'ylar ham
Gulimga baxt tilab yashayman

Rosti uni sevardim chindan
So'zlarim ham chiqardi dildan
Yuvmoq mumkin qanday ko'ngildan
Gulimga baxt tilab yashayman

Azob berib tunlar qiynaydi
Ahvolimga gullar yig'laydi
Anduhlarim sira tinmaydi
Gulimga baxt tilab yashayman

Zarba bo'ldi taqdir hazili
Armon - hokim, hijron - vaziri
O'zga uyi uning manzili
Gulimga baxt tilab yashayman

Ko'zlar mahzun tillar sukutda
Gulim meni olmadi kuta
asta ko'nib endi unuta
Gulimga baxt tilab yashayman

Ortga qaytarolmaymiz vaqtni
Bizdan tortib oldilar baxtni
Inobatga olmayin qalbni
Gulimga baxt tilab yashayman

Orzularni yurakka ko'mib
Hammasini yaxshilik yo'yib
Charchasam-da baridan to'yib
Gulimga baxt tilab yashayman

Sabr bersin yaratgan Xudo
Ravo ko'rmay ayladi judo
So'nggi aytar so'zim Alvido
Gulimga baxt tilab yashayman


6-MART FIGORIY

LOLAQIZG'ALDOQ (O'XSHATMA)




Mendan nima qolar:
Ikki misra she'r
Ikki sandiq kitob
Bir uyum tuproq
Odamlar ortimdan
Nima desa der
Men seni oylayman
Ozimdan koproq
Lola lolajonim
Lolaqizgaldoq

Seni izlab necha
Toglarni kezdim
Mana keldim qani
Quchogingni och
Qon bagring, egilgan
Boshingdan sezdim
Sen ham bir men kabi
Sirdoshga muhtoj
Xo'rsinma bas gulim
Quvonch ila boq
Lola, lolajonim
Lolaqizgaldoq

Darding menikidan
Ming chandon ogir
Ochilding, yashnading
So'lar kun yaqin
Men hali navqiron
Go'yoki Tohir
Ishq o'tini dard deb
Yuribman tag'in
Sevgim pok o'rikning
Gulidanda oq
Lola lolajonim
Lolaqizg'aldoq

O'ksinma chunki sen
Qalbimda mangu
Yashaysan toki men
Dunyoda borman
Avlodlar bilgaylar
Hech chekma qaygu
Sen anduh cheksang gar
Men ham abgorman
Biz hali dillarda
Yashaymiz uzoq
Lola lolajonim
Lolaqizgaldoq

Yondim, bo'ldim yorning
Hajrida figor
U sira tortmadi
Aslo mendek g'am
Alam qilar sevgim
Bilmadi gulyor
Na dardim eshitdi
Bironta odam
Nahot adolat yo'q
Qadrsiz ushshoq
Lola lolajonim
Lolaqizgaldoq

Xudo xohishisiz
Hech bir ish bitmas
O'zidan bo'lmaydi
Hatto tasodif
Bu bir kam dunyodan
Ko'nglimiz to'lmas
Dardga dard qo'shilar
Bo'lmasdan forig'
Haqiqat yiroqdir
Biz undan yiroq
Lola lolajonim
Lolaqizgaldoq

Gulim, senga dildan
Sirim ochayin
Aytayin qaddim dol
Qilgan dardlarni.
Mayliga bagringda
Ko'z yosh sochayin
Chiqarib yuboray
Qalbdan gardlarni
Falak titrar qilsam
Fig'on, cheksam oh
Lola lolajonim
Lolaqizgaldoq

Istamasman aslo
O'lishni men ham
Dunyoda yo'qlikni
Qilolmam xayol
Bu haqda o'ylasam
Ko'zlarimda nam
O'ylab entikaman
Qolmaydi majol
Shamolsiz sadosiz
Yurakda titroq
Lola, lolajonim
Lolaqizgaldoq

Sevgilim eslasam
Bag'rim o'rtanar
Boshqacha uradi
Uni ko'rganda
Netay so'zlolmasdan
Tilim qiynalar
Shunday bo'lar ekan
Qattiq sevganda
Sevgim buyukligi
Cheksizdir biroq
Lola, lolajonim
Lolaqizg'aldoq

Vaqt - oqar suv, o'tar
Hech ortga qaytmas
Umr - kamalakdir
Mavhum, noma'lum
Qanday yashamoqni
Hech kim aytolmas
Inson bu jumboqni
Yechmoqqa mahkum
Kimdir sodda yo'lda
Kimdir qiyinroq
Lola, lolajonim
Lolaqizg'aldoq

Muhabbat bog'ini
Kezdik ko'p bora
Lekin undan to'yib
Nafas olmadik
Boshga ish tushsa ko'z
Ko'rar nachora
Sevdik devonavor
Erisholmadik
Dunyo shunday bo'lgan
Bo'ladi shundoq
Lola, lolajonim
Lolaqizg'aldoq

O'ylar bir xil yana
Kunlar ham bir xil
Kutmoq bir xil lekin
Visol boshqacha
Sabrga bardoshli
Jur'atsiz ko'ngil
Sukut saqlar ekan
Necha yoshgacha
Eh, so'nggi pushaymon
Bo'ladi kechroq
Lola, lolajonim
Lolaqizg'aldoq

SHOHRUX ARABJONOV

Osmon guvvillaydi raketa uchar,
Gumbirlaydi atrof gumbirlar olam.
Koʻzda yosh mazlumlar bolasin quchar,
Yoshiga toʻlmasdan hur ketgan bolam.

Yuzimdan oqadi tomchilab koʻz yosh,
Qalbim talpinadi Falastin tomon.
Oʻqlar yogʻdirardim mayli bolsin tosh,
Moʻljallab yaxudning yuragi tomon.

Yana ufq qizarar, yerlar titraydi,
Fazoga talpinar bu murgʻak ruhlar.
Muslimning dardini muslim bilmaydi,
Gar bilsa voy voylab qolar yaxudlar.

Oh deyman, ohimdan titraydi osmon
Oʻz fikrin aytolmay Jim qolgan gummiz.
Biz tinch. Lek ular vahmda har on,
Shamolda sochilgan bir siqim qummiz.

Birlashsak togʻni biz qilamiz talqon,
Mazlumlar dardiga boʻlardik davo.
Yaxud otgan oʻqqa boʻlib biz qalqon,
Yutgani g'am emas boʻlardi havo.

Muallifi noma'lum

She'r yozgani ham, ilmiy-ijodiy ishlarga ham ba'zan qo'l bormayapti. Bo'layotgan ishlar vijdonni kemiryapti, iymonni sinayapti, oxiratni o'ylashga majbur etyapti. Qandaydir pullar, hurlar, yo'llar haqida o'ylash ortiqchalik qilyapti.

Falastinlik boladan jurnalist so'rayapti.
-Katta bo'lsang kim bo'lishni istaysan?
Javob og'ir bo'ldi.
-Falastinlik bolalar katta bo'lmaydiku...

👉 @MrAbrorov

Ayni paytda sen his qilyotganni u ham his qilyotgan bo‘ladi...

SAODAT ASRIDAN KELIB QOLGAN HUR

So'zlari purma'no, nigohlari dur
Kavsarda yuvilgan yuzlarida nur
Notinch bu ko'ksimni sakinatga bur
Saodat asridan kelib qolgan hur

Ko'rdim-u qalbimga tushdi g'alayon
Seni topolmasam bo'ldim chalajon
Hayotimdan ketib borursan qayon
Saodat asridan kelib qolgan hur

Muhammad bo'lolmam sendek Oyshaga
Biroq bermog'im ham dushvor boshqaga
Iltimos qilaman ketma orqaga
Saodat asridan kelib qolgan hur

Sen bo'lsang yonimda dunyolar unut
Ruhimda sog'lomlik, vujudim burgut
Olib ketgum butkul, birozgina kut
Saodat asridan kelib qolgan hur

Yodimda ro'moling taratgan ifor
Sevgimni qilurman bir umr izhor
Yer ham ravza bo'lar sen kulsang bir bor
Saodat asridan kelib qolgan hur

Yelkamga boshingni qo'ygin, o'ylar sur
Yolg'izlab qo'ymagin sen yonimda tur
Jannat bog'i tomon qani, boshla, yur
Saodat asridan kelib qolgan hur

FIGORIYINGIZ

bugun shu she'rni tugatib joylayman

SAODAT ASRIDAN KELIB QOLGAN HUR

#PREMYERA

TEZ ORADA...

💜GULIM💜

Umrimning muhabbat faslisan gulim
Sevgimning qulamas qasrisan gulim
Men uchun saodat asrisan gulim
Seni birovlarga bermay sevaman

Zora tikoningni qalbimga eksang
G'unchangning iforin yuzimga sepsang
Qalbim titrab ketar labimga tegsang
O'zga bog'lardan gul termay sevaman

Ko'rmayman qahraton kelsa izlaring
So'rmayman ahvoling : nega muzlading
Yodimdan ketmaydi hecham hidlaring
Ba'zan o'zimni ham sezmay sevaman

Devona jununman, baxtiqaroman
Sensiz sayyorlikda qalbi yaroman
Kezib borgum ishqning dashti aro man
Senchalik hech kimni sevmay sevaman

FIGORIY