Husayn Buxoriy sharhlagan «Tibyan fi adabi hamalatil Qurʼan» kitobidan. 11-dars. 3-bob. Qur'on ahlini o'z o'rniga qo'yish

2-qism

*Islomda ilm, Qur'on va amal insonlarni boshqalardan ajratib turadi, ya'ni inson shular bilan afzal bo'ladi.

*Ibn Abbos roziyallohu anhu Zayd ibn Sobit roziyallohu anhudan ta'lim olganligi bois u kishining otlarini ushlab yurar ekanlar.

*Abu Hurayra roziyallohu anhudan rivoyat qilinadi : Nabiy alayhissalom Alloh taolodan hikoya qilib aytadilar : " Kim mening bir valiyimga* ozor bersa, unga urush e'lon qilaman. (Hadisi qudsiy) (Imom Buxoriy rivoyati)

*(*)⬆️ Qur'onga ahl bo'lganlar - o'shalar valiylardir.

*Abul Qosim ibn Asokir aytadilar : Ey birodarim, Alloh seni ham bizni ham O'zini roziligiga muvaffaq qilsin va bizlarni O'zidan qo'rqadigan, Unga haqiqiy taqvo qiladiganlardan qilsin. Bilgin, ulamolarning go'shtlari zaharlangandir.* (Go'shtdan murod uning sha'ni, obro'sidir. G'iybat qilish birovning go'shtini yeyishga tengdir)

*Kimki ulamolarga til cho'zsa, Alloh uni o'limidan oldin qalb o'limiga mubtalo qiladi. Qalbni o'limi bu iymonning qolmasligi, ixlosning yo'qolishidir.