اشوف ذاك العلب بالـــشوك محفوف
ولا احـــسب ان اطيب عسل من ذنينه

والــيوم حيّـــيته ولــه عنـدي شفوف
والـــنــــوب يا حــيّه وحــيّا دنـــينه

اطيب عسـل موصوف ذي يبرد الجوف
إلا دواء كـــــل الجــــروح الـــدفينه

لو ما حصل لك تطعـمه يكفي الشوف
كم شــفت انا رجّال يــوكل بعـــينه

كـنت اجهله واصبحت انا فيه مشغوف
وغلــطتي ظــنِ البشـــر جاهلـــينه

أمــر العسل ما كان لي شيء مألوف
ولا اعرف ان النـاس متـــسابقيـــنه

وراحت القطفه وانا عنــدي ظـــروف
واستـــعجلو بياعــــته مشــــترينه

واللي عِـدم ذاك العسل يكمل حسوف
ويجر صـــــــــــوته بالندم والغبينه

لنّه عــســل نــادر ونــادر بالوصوف
ولا يلاقى في الحــضر و المـــــدينه

والعلب ذي منه حـــصل تاعب وقوف
قــد حـــتت أوراقــــه ونكّس جبينه

تحتـــاج مثلــه علب من ذاك مـقطوف
يشــرب من مـــياته ويغـــرس بطينه

تحــتاج لك فوق العمُر عــمر مردوف
لو قلــت تبغى مـــثل حلـــوه وزينه

يـا ســعـد منهـو يا عسل فيك ملهوف
وانــته معه. والله طابـــــت سنــينه

سـويت له معروف. بـل و إي معروف
اكـــملت له دنـــياه و اكمـــلت دينه.


✒: حاتم السقاف