✔️قصائِد حُسينية🇮🇶

قصیدة(حیدر امیر)
#عید_الغدیر

حبیتک.. یاعلي
والیتک.. یاعلي
یاعلي یاعلي
یاعلي یاعلي
🍂🍂🍂🍂🍂🍂🍂🍂🍂

یاعلي حبک سفینـه المارکـب بیهه خسر
انته نعمــه وليبغضـك هاذه بلنعمـه كفَـر
لولـه حیدر هُمّا گالو، چاهلـک ولله عمــر
اللـــه نزلهــه الولايــه البيعتـك هوا اُمَـر

خاویتک.. یاعلي
والیتـک.. یاعلي
یاعلي یاعلي
یاعلي یاعلي
🍂🍂🍂🍂🍂🍂🍂🍂🍂🍂
انته نور وانته سور وانته نبراس السرور
ونتـــه اول تبقــا اول ، ماتهــم بینه النفور
ولیعــدک انته رابع ،خاسر ابیوم الحشــور
انته یابحر الشجاعه، النشف اریاگ البحور

داریتک.. یاعلي
والیتک.. یاعلي
یاعلي یاعلي
یاعلي یاعلي
🍂🍂🍂🍂🍂🍂🍂🍂🍂
یا علـــي مالک مثیــل ، ومثلـک ابــداً منوجد
انتـه میـــزان الحقیقــه ،ابقُـل هـو اللهُ احــد
علـي منهو الي یوصفک. قطره من وصفک وجد
علــي ابسوح الحرایــب ، مایهـــم مــن العدد

حییتک.. یاعلي
والیتک.. یاعلي
یاعلي یاعلي
یاعلي یاعلي
🍂🍂🍂🍂🍂🍂🍂🍂🍂

انته قرآن الــي ناطق. ناطـق ابکل الجیــول
حاظر ابکل الشدایـد تنهض اشیــل الحمول
ولوسام الي ملکتــه. اصبحت زوج البتول
الکعبه بیتک ونحلتک ، عرفتک بلحق عدول

نادیتک.. یاعلي
والیتک.. یاعلي
یاعلي یاعلي
یاعلي یاعلي
🍂🍂🍂🍂🍂🍂🍂🍂🍂

یاعلي اگلوب الاعادي امترسه الحقدک ترس
ولـي نکروک ابغضهـم. خضعو الفضلک امس
کذبوک و الهم انتــه. رجعـت حتـه الشمس
سیــف السلام الحملته. طوُعت جـن و أنس

عرفیتک.. یاعلي
والیتـک.. یاعلي
یاعلي یاعلي
یاعلي یاعلي

🍂🍂🍂🍂🍂🍂🍂🍂🍂

✍حمید خنفرﻱ


@hussainAltaa
#الناشرالحسيني_حسين_جاسم_الطائي

صلوات صلوات على الامام المرتضى
----
يحيدر يا امامي
الك ابعث سلامي
يحبي وكل غرامي
الك يبقى هيامي
صلوات صلوات صوت وملى كل الفضا
-----
الك يبقى ولائي
يحيدر وانتمائي
حسيني كربلائي
اوقّع بالدماءِ
صلوات صلوات يامن محبتك موعضه
-----
بغديرك ليك ابايع
يبو الحمله وأشايع
بدونك ابقى ضايع
يأوّل موش رابع
صلوات صلوات فاز الذي بحبك حضى
----
امد چفي وانادي
مع صوت المنادي
علي وارث الهادي
رغم كل الاعادي
صلوات صلوات كلمن يبغضك نرفضه
-----
علي تسري ابوريدي
غديرك هو عيدي
الك بس ارفع ايدي
علي اجمل نشيدي
صلوات صلوات نرددها رغم الما رضا
------
الشاعر محمد حسن ضیغم


@hussainAltaa
#الناشرالحسيني_حسين_جاسم_الطائي

فی حق مولد مولای الامام علی(ع)



یمحبوبی هله ابعیدک

علی انته امامی وگلبی الیریدک

یاتاج الصبر

افدیک العمر
____________

احبک من زغر یامعنه لجنونی

خادم افتخر والکل یسمونی

اصیحن والنواصب خل یسمعونی

ماعوفک قسم حت لویذبحونی


الک کاتب عهد للموت ماعوفک

فدوه الهیبتک من فدوه لحروفک

یمحبوبی هله ابعیدک

علی انته امامی وگلبی الیریدک

حدیوم الحشر

افدیک العمر
_____________

اجیت المولدک واحساسی جابانی

تضل انته حبیبی ومااحب ثانی

مابالغ اگولن انته قرآنی

کللحظه یزود ابحبک ایمانی


یافارس مضر یلبیک اشیل الراس

مجنون ابمحبتک یاابوالعباس

یمحبوبی هله ابعیدک

علی انته امامی وگلبی الیریدک

اسمک من یمر

افدیک العمر
__________

یاباب الکرم یمجنن الشیعه

بس امر علینه امرک انطیعه

دربک یاعلی منختم توقیعه

احبک والعشگ هیهات مابیعه


نذرونی الک من المهد خادم

والهاذه السبب بسمک صرت هایم

یمحبوبی هله ابعیدک

علی انته امامی وگلبی الیریدک

خادم وافتخر

افدیک العمر
___________

کریم انته الکرامه یمک الگاهه

انته الغیره انته وصرت معناهه

حاشه امحبتک فدیوم انساهه

علیت ابخدمتک وابدربک اتباهه


العنهه النواصب والعن العاداک

وحگ ام الحسن صدگنی ماانساک

یمحبوبی هله ابعیدک

علی انته حبیبی وگلبی الیریدک

الجیتک انتظر

افدیک العمر
___________

الله اختارک انته وگدهه یاحیدر

العافک نادم ویوم الحشر یخسر

مااگدراوصفک والله مااگدر

ابوالایتام انته وساقی الکوثر


تضل بس انته غالی ومایصح غیرک

بس الله ایعرف یلوالی تفسیرک

یمحبوبی هله ابعیدک

علی انته امامی وگلبی الیریدک

اتحده الکفر


خادم الزهرا(س)علی السیلاوی


@hussainAltaa
#الناشرالحسيني_حسين_جاسم_الطائي

يا صاحب الغدير
.......
يل نصبك رب العرش وأهوه اعرف ابتنصيبك
يا اول ابلا ثاني اله هالسر صفه ابترتيبك
كل عطر بالدنيه فرع يا بالحسن من طيبك
كَلبك فلا حد صار اله شال الوجود اكَليبك
يا صاحب الغدير
.......
من الله شايل شوكَ الك يل مالي كل دنياتي
بس الك يا صهر النبي اتلوكَ كل جلماتي
العيد عيد امحبّتك وباقي العمر بآهاتي
جي اسمك اعليهه انكتب ضلت ترف راياتي
يا صاحب الغدير
.......
البيعه بس لولايتك الغيرك حرام البيعه
ونتباهه مابين الامم جي صرنه احنه الشيعه
انبيع كلشي ولا تضن يوم الغدير انبيعه
من الله مو من البشر امرك صبح تشريعه
يا صاحب الغدير
.......
اول خليفه انت وابد لا ما يصحلك ثاني
والآمن بهذا الامر حكَ ينوصف عرفاني
آمنت بيك انت النهج وانت الولي وقراني
ايماني بيك انت وفزت جي انت سر ايماني
يا صاحب الغدير
.......
يبقى النشيد ابكل زمن .. والباري هوّه الشاهد
ماكو ولي الا علي .... وبس حيدر يضل قائد
الراكع الساجد نعم ... خلّصت عمرك عابد
منهو الّي مثلك بالبشر ... عن كلشي اصبح زاهد
ـــــــــــــــــــــ
الشاعر محمد حسن ضيغم


@hussainAltaa
#الناشرالحسيني_حسين_جاسم_الطائي

قصیدة:شیعي اهوازي
ـــــــــــــــــــــــــــــــــــــــــــــــ
طبعي غالي و أحب الغالي
غیر ابوحـسین فلا یحلالي

عشگه لا مـو عجب
عندي بالحب سبب
علـي هـوّه الـذهـب

علي غالي علي
ـــــــــــــــــــــــــــــــــــــــــــــــــــ
طبعي غالي و أسوم الذهب بعیوني
أبن الاهواز والاشواگ بنتلي اظنوني
آنه احبن حبیبي علي یدروني
ما اعـوفه اذا کلشـي بي ینطوني

علي اول مطلبي..علي ناصر مذهبي..علي سیف اللولبي..حیدر

علي لیث الطالبي..علي شدّة معصبي..علي اسوة ملعبي..حیدر

أمتاز ابعربیتي
حیدر شیخي و صیتي
أحـچـیـها ابـکل نـیـتي

المو ضایگ طعم الهیل..لایدناله
ـــــــــــــــــــــــــــــــــــــــــــــــــــ
الما یشم ریحة الله یموت احساسه
علي هـوّه الهـویٰ و الهویٰ بأنفاسه
کشخت الدین جمیله أبعلي و مقیاسه
علي هوّه الی یعرفها ربعه و ناسه

علي اسمه موطني..علي حبّه مسکني..علي مکّي و مدني..حیدر

علي صوته ابمأذني..علي لا ماینحني..علي حبّي أنني..حیدر

لـو أضـیـعن تـلگاني
ابحب حیدر متفاني
ما أحب واحـد ثاني

الما حب مثلي ابدنیاه..شلّه ابروحه
ـــــــــــــــــــــــــــــــــــــــــــــــــــ
طبعي عربي و ولائي بیان انجازي
وفوگ الغـیوم اشـاهد یحلـّق بازي
اویه الیضدني خصامي واضل متوازي
آنه شیعي وتـرابي تراب اهوازي

علي یبقیٰ الأولي..علي رغم الجاهلي..علي مولانا علي..حیدر

علي ناره تصطلي..علي زوده معتلي..علي بس نعم الولي..حیدر

احچـیها و مـا بـالي
ابـکیفه الـمایرضالي
غالي و اعشگ غالي

الغالي أیرید الشرّاي..وآنه اشتریته
ـــــــــــــــــــــــــــــــــــــــــــــــــــ
کلشي حیدر اشوفه صرت بسنیني
مـا اگـولن آلاهـي لـچن یکـفیني
یل تعاندني انظر جوابي ابعیني
آنه حیدر أمامي و صلاتي و دیني

علي غرة ناظري..علي مصدر ظاهری..علي فارس خیبري..حیدر

علي حقي و مصدري..علي روحي و مظهري..علي ساقي الکوثري..حیدر

اهوازي و غیراوي
من مای الشط راوي
نعرف یمته أنخاوي

ماخاوینه ألي باع..گاعه و دینه
ـــــــــــــــــــــــــــــــــــــــــــــــــــ
یبقیٰ حیدر ملاذي وشهادة عمري
دایم أمتاز أحـبن علي من صغري
عـلي لولاه أضـیعن ولا چن ادري
علي گلبي و مکانه یضل ابصدري

علي کاشف کربتي..علي راحم غربتي..علي زودي و هیبتي..حیدر

علي سیفي أبیمنتي..علي حاضر شدّتي..علي دیني و دنیتي..حیدر

مـا شـایف بالـطافه
واحد هیچ اوصافه
اتـحـدّه الـي شـافه

حیدر حگ ابمعناه..والحگ حیدر
ـــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري
الاهواز الغدیر1440


@hussainAltaa
#الناشرالحسيني_حسين_جاسم_الطائي

قصيده بمناسبة عيد الغدير من عدة أوزان

احنـــه بــــولايتنه مــــرفوعه رايتنــــه

منعـــوف حيــــدر للابد منعوفه هيهات منعــــوفه هيهات
بايعنه حيدر هالمسه ونطينه الأصوات ونطينه الأصوات
رب الجلالــه رشحـــــه مـــو بنتخابات مـــــو بنتخابــات
وقـــرآن يذكـــــر هالخبر مو آيه أيات مــــو ايايه ايات
حيـــدر يعـــزتنه مـــرفوعه رايتنـــه

بارينه هاليـــوم بعلـــي تمم نعمتـــه تــــمم نعمتـــــــه
وكمل الدين بحيدره جلّــت حكمتــــه جلّــــت حكمتــــه
والهادي گدام الملأ رافـــــــع يمنته رافــــع يمنتــــــه
ويانه أملاك السمه عقدت حفلتــــه عقــــدت حفلتـــه
ولعلي بيعتــنــه مــــــرفوعه رايتنه

حبنــه وعشگنــــه للأبـــد منعـوفه حبه منعـــوفه حبه
ودربه لــون مــوت وخطر نلتزمه دربه نلتـــزمه دربه
كعبة شرف حيدر علي وشالتــه الكعبه شالته الكعبه
والكــــوثر بچف الولي باچـــــر نشربه باچـــر نشربه
هـــــذي عقيدتنه مـــــرفوعه رايتنه



اول خــــلفه أعلى الخلگ مو رابع علي علي
ألمن تــــــــوالي يالمحب يالسامع علي علي
ياهو شفيعك بالحشــــــر والشافع علي علي
وياهو ألي غيره شما جره منبايع علي علي
تظل وحده كلمتنه مـــــرفوعه رايتنه
*
رغم اليضد رغم الحقود نــــــــوالي حيدر علي حيدر علي
بيمن يشيعي أنتـــــه راسك عالــــي حيدر علي حيدر علي
ياهـــــو عشگنه أول ومـــــــن تالي حيدر علي حيدر علي
ياهو ألي غالي واغلى من كل غالي حيدر علي حيدر علي
بيه تزهي دنيتنه مــرفوعه رايتنه
***
الشاعر
موسى البديري


@hussainAltaa
#الناشرالحسيني_حسين_جاسم_الطائي

بفرحه نادينه علي يا علي يا علي أنته والينه علي يا علي يا علي
أمبايعينك ....علي أمعاهدينك....علي
********************************************
اليوم عيد اليوم عيـــد الله الچبير
اليوم عالأسلام هـــــل عيد الغدير
اليوم نصب حيدر الهــادي البشير
بأمـــــــر رب الكون وبأمره نسير
ناده هادينه علي يا علي يا علي أنته والينه علي يا علي يا علي
أمبايعينك ....علي أمعاهدينك....علي
****************************
اليـــوم عالاسلام تمم نعمتـــــه
اليوم دين الله أكتمـل بولايتـــه
اليوم تربــح والله ناس الوالته
اليوم تخسر والله ناس العادته
من الله تعيينه علي يا علي يا علي أنته والينه علي يا علي يا علي
أمبايعينك ....علي أمعاهدينك....علي
**************************************
كل صحاح الكتب أنظرهه شتشوف
تروي يوم النصبو حيدر ألــــــوف
طه شال أيد الوصي بذيچ الچفوف
شمس صار وما تمر بيه الكسوف
أنته تحدينه علي يا علي يا علي أنته والينه علي يا علي يا علي
أمبايعينك ....علي أمعاهدينك....علي
**************************************
يا علي الكـــــرار يا عز يا منــار
ردوا أحفـــــاد الطبرهم ذو الفقار
ضنوا يردونه لــــــو صار أنفجار
أنوب تگصدلك علي حتى الزغار
أنته تحدينه علي يا علي يا علي أنته والينه علي يا علي يا علي
أمبايعينك ....علي أمعاهدينك....علي
********************************************
الشاعر
موسى البديري


@hussainAltaa
#الناشرالحسيني_حسين_جاسم_الطائي

هاليوم هالــــــيوم تنصيب الولي
للــــــدوم للــــدوم والينه علــــي
*************
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان مـــن ينادي هاليوم هاليوم تنصيب الولي
للناس أمره أصبح جلي
**************
نعلنهه هـــــــاي البيعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي
عالعالم أفخر بالولي
***************
الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي
غذوني بمحبته هلي
**************
بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي
من ينظر لوجهك علي
*************
أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمـــع هاليوم هاليوم تنصيب الوالي
حيدر شمس ما تنجلي
*********************************
الشاعر موسى البديري


@hussainAltaa
#الناشرالحسيني_حسين_جاسم_الطائي

‏طاري أسمك لهيب الروح بخ بخ
‏وغيرك مارضا المختار بخ بخ
‏تدري البايعك والگال بخ بخ
‏نكرهل البيعه أبن الجاهليه
❤️❤️❤️
‏⁧ #موسى_البديري ⁩

الثبات على الولايه ان شاءالله تعالى🌺🌺


@hussainAltaa
#الناشرالحسيني_حسين_جاسم_الطائي