Ijtimoiy himoyani rivojlantirish instituti

Oziq-ovqat inson hayotining asosiy ehtiyoj manbayi. Uning tanqisligi esa dunyo rivojlanish tamadduniga juda koʻp tomonlardan zarar yetkazadi.

😐 Ijtimoiy himoyani rivojlantirish instituti tomonidan o‘tkazilgan tadqiqotlarga koʻra, oziq-ovqat tanqisligi
o‘lim darajasining oshishi,
salomatlikning yomonlashishi,
jismoniy va aqliy rivojlanishning sustlashishi, shuningdek,
mehnat bozorida ayollar sonining qisqarishiga olib kelishi ma’lum boʻldi.

📌 Ozuqa tanqisligi tufayli oʻlim sonining ortishi insonlarda ko‘payishga bo‘lgan ishtiyoqning oshishiga sabab bo‘ladi. Natijada iqtisodiy faol onalarning homiladorlik va tug‘ish ta’tiliga chiqish holatlari ham keskin koʻpayadi. Bu esa mehnat bozorida inson kapitali yetishmovchiligini yuzaga keltiradi.

👫 Tadqiqotlarga koʻra 45 foiz bolalar o‘limi noto‘g‘ri ovqatlanish tufayli yuzaga keladi, bu esa ayollarning bolalar parvarishiga ko‘proq vaqt ajratishlariga sabab boʻladi.

😮 Umuman aytganda, oziq-ovqat tanqisligi ayollarning iqtisodiy samaradorligini pasaytirib, ularning mehnat bozoridagi ulushini kamaytiradi.

😐 Mutaxassislar mazkur muammolarni hal etish uchun oziq-ovqat xavfsizligini ta’minlash va yaxshilashga qaratilgan chora-tadbirlar ko‘rish zarur, degan xulosaga kelishdi.

📝 Telegram 📝 Facebook
😄 Linkedin 🐧 X

Davlat rahbari boshchiligida o’tkazilgan kambag’allikni qisqartirishga bag’ishlangan yig’ilishda Ijtimoiy himoya milliy agentligiga kambag’al oilalar reestrini yuritish vazifasi topshirildi.

Bugun Institut xodimlari Sirdaryo viloyatida bo’lib, kambag’allikni aniqlash bo’yicha yangi savolnomani sinovdan o’tkazdi.

📝 Telegram 📝 Facebook
😄 Linkedin 🐧 X

🫥 Bizning jamoa

Tanishing: Diydor Berdiklichev
Ijtimoiy himoyani rivojlantirish instituti
Dasturiy tadqiqotlar bo‘limi boshlig‘i

😐 Tajribali loyihalar menejeri, ijtimoiy siyosat, iqtisodiy boshqaruv, siyosiy dizayn, ijtimoiy ta’minot, ekonometrika yo‘nalishlarida tadqiqot olib boruvchi yosh mutaxassis o‘z sohasida ko‘plab yutuqlarga erishdi.

Ma’lumoti
Iqtisodiy boshqaruv va rivojlanish yo‘nalishi magistri (MA) – Bishkekdagi YXHT akademiyasi
Xalqaro iqtisodiyot yo‘nalishi bakalavri (BSc) – Jahon iqtisodiyoti va diplomatiya universiteti

Ish tajribasi
Makroiqtisodiy va hududiy tadqiqotlar instituti katta ilmiy xodimi
Xalqaro qishloq xo‘jaligi universiteti (Ekonometrika) o‘qituvchisi Toshkent davlat iqtisodiyot universiteti (Ekonometrika) o‘qituvchisi

Sertifikatlar va mukofotlar
MIT – Ma’lumotlar, iqtisodiyot va siyosat dizayni bo‘yicha Mikromaster dasturi
Chikago universiteti – Kabir Banerjee predoktorlik stipendiyasi
O‘zbekiston Markaziy Banki stipendiyasi
Xalqaro valyuta fondi – Moliyaviy dasturlash va siyosat dasturi
Oksford kambagʼallikka qarshi kurashish va inson kapitalini rivojlantirish tashabbusi – Ko‘p o‘lchamli kambag‘allikni o‘lchash dasturi ishtirokchisi

📝 Telegram 😄 LinkedIn
📝 Facebook 🐧 X

Global muammolar va mahalliy yechimlar: O‘zbekistonning oziq-ovqat xavfsizligi

🫥 Dunyoda surunkali ochlikdan aziyat chekayotgan aholi sonining ortib borishi insoniyat oldiga oziq-ovqat xavfsizligini ta’minlashdek muhim vazifani qo‘ymoqda. Kambag‘allik sharoitida esa oziq-ovqat tanqisligi va hayotiy muhim bo‘lgan vitaminlar hamda minerallar yetishmasligi xavfi ortadi, bu esa aholi salomatligining yomonlashishiga olib keladi.

😐 2022-yilgi Global oziq-ovqat xavfsizligi indeksiga ko‘ra, O‘zbekiston 57,5 ball to‘plab, 113 ta mamlakat orasida 73-o‘rinni egalladi.

🏃 Ijtimoiy himoyani rivojlantirish instituti tomonidan o‘tkazilgan dastlabki tadqiqotlar natijalari, ijtimoiy yordam olish aholi orasida jon boshiga qabul qilingan kunlik kaloriya miqdorini 81 kkalga oshirishini ko'rsatdi. O'zbekistonda bunday nafaqa oluvchi oilalar soni bugungi kunda 1 milliondan oshmoqda.

💻 5-6-sentyabr kunlari Toshkentda bo‘lib o‘tayotgan “Dengizga chiqish imkoni bo‘lmagan rivojlanayotgan davlatlar oziq-ovqat xavfsizligi va barqaror rivojlanish maqsadlari” mavzusidagi xalqaro forumda ushbu tadqiqotning dastlabki natijalari e'lon qilindi.

📝 Telegram 📝 Facebook
😄 Linkedin 🐧 X

Kambag‘al va ehtiyojmand oilalar uchun ijtimoiy xizmatlarni qanday takomillashtirish mumkin?

🫥 Markaziy Osiyoda barqaror hamjamiyatlarni shakllantirish – ijtimoiy ish va ijtimoiy xizmatlar orqali bolalar, yoshlar, ayollar va oila farovonligiga ko‘maklashishga qaratilgan mintaqaviy forum doirasida Ijtimoiy himoyani rivojlantirish instituti direktori Xurshid Zafariy inson kapitalini rivojlantirish, qiyinchiliklar va istiqboldagi rejalar yuzasidan taqdimot o’tkazdi.

💻 Mazkur sub sessiya davomida ijtimoiy muammolar mavzusida quyidagi masalalar muhokama qilindi:

🏃 Markaziy Osiyoda kam taʻminlangan va ijtimoiy himoyaga muhtoj oilalarga ijtimoiy xizmat koʻrsatishni yaxshilash boʻyicha tavsiyalar;

🎖 Hamjamiyatlarni mustahkamlash va ijtimoiy farovonlikni rivojlantirishni oshirish boʻyicha Oʻzbekiston-Kolumbiya markazining roli va uning ushbu muammoni hal qilishda boshqa manfaatdor tomonlar bilan hamkorligini oʻrganishga alohida e’tibor qaratildi.

📝Telegram 📝Facebook
😄Linkedin 🐧X

Tahlillarimiz O‘zbekistonda turli ijtimoiy-iqtisodiy guruhlar o‘rtasida ta’lim darajasi va asosiy xizmatlardan foydalanish imkoniyatlarida sezilarli tafovutlar mavjudligini ko‘rsatdi.

😐Kambag‘al bo‘lmagan oilalarning har uch a’zosidan biri oliy ma’lumotli bo‘lsa, kambag‘al xonadonlarda bu ko‘rsatkich o‘ndan birni tashkil etadi.

Bundan tashqari, ichimlik suvi kabi eng muhim xizmatlardan foydalanish imkoniyati ham sezilarli darajada farq qiladi: kambag‘allik darajasi yuqori bo‘lgan mahallalarning atigi 58 foizi suv bilan ta’minlangan bo‘lsa, farovonroq mahallalarda bu ko‘rsatkich 73 foizga yetadi.

Ushbu ma’lumotlar kambag‘allik - nafaqat moddiy yetishmovchilik, balki hayotning turli jabhalariga ta’sir ko‘rsatadigan murakkab, ko‘p qirrali masala ekanligini yaqqol ko‘rsatib turibdi.

📝Telegram|📝Facebook|😄linkedin|🐧X

Biz haqimizda
🖋Ijtimoiy himoya milliy agentligi huzuridagi Ijtimoiy himoyani rivojlantirish instituti O‘zbekiston Respublikasi Vazirlar Mahkamasining 2023-yil 30-sentyabrdagi 518-son qarori bilan tashkil etildi.

🫥Ijtimoiy himoyani rivojlantirish instituti – aholini ijtimoiy himoya qilish sohasidagi ilmiy tadqiqotlar o‘tkazish, ijtimoiy himoyaga muhtojlikning birlamchi sabablarini tahlil qilish, ijtimoiy himoya tizimini takomillashtirish bo‘yicha ilmiy asoslantirilgan samarali va istiqbolli takliflar ishlab chiqish bo‘yicha muassasa hisoblanadi.

📌Institutning ustuvor maqsadi – adolatli va inklyuziv jamiyatni shakllantiruvchi va aholining ijtimoiy farovonligiga ta’sir qiluvchi jarayonlarni yaxshiroq tushunishdan iborat.

🧮Institutning asosiy vazifalari:
ijtimoiy himoya sohasida amalga oshirilayotgan islohotlarning ilmiy asoslarini yaratish;
ijtimoiy soha dasturlarining samaradorligini baholash asosida ularni yanada takomillashtirish bo‘yicha tegishli xulosalar ishlab chiqish;
ijtimoiy sohadagi jarayonlar bo‘yicha fundamental va amaliy tadqiqotlar olib borish;
respublikada ijtimoiy tadqiqotlarni ommalashtirish va ilmiy salohiyatni oshirishga hissa qo‘shish.

🤝Xalqaro hamkorlik:
Respublika va xorijiy yetakchi ilmiy muassasa va xalqaro tashkilotlar bilan hamkorlikni mustahkamlash.


📝Telegram|📝Facebook|😄Linkedin|🐧X