قناة الشاعره ام عراق الشمري

فزاعيه ميدانيه للعباس

صكار الزلم بطف لعب جوله

العايل لايجي لساحه كلوله

@@@@@@@@@@@@@
العايل لايجي ولايوكف اكبالي

وموبس راسي يجدح حته اخيالي

وغلطان الشمر من يدعي بخالي

منفيه الخوله // المنك

✍️عاشقه العباس ام عراق الشمري البصره
►✺┅●✥💠✥●┅✺◄
فنه الكابله وفنه التدناله

صال وجال بالطف تذكر افعاله

لعب بيهم لعب ميدان سواله


هوس بي اليوم الملعب

ام عــــــ✍️ـــراق الشمرية ( بغداد )

►✺┅●✥💠✥●┅✺◄
اشحده الكابل العباس ياويله

ابو فاضل شهم مانام عالعيله

وصاحت العده من اخياله ادخيله

صاح ادخيله من عنده الطف

✍عاشقه العباس ام عراق الشمري البصره

►✺┅●✥💠✥●┅✺◄
بسيفه من دخل عباس بجاها

وخله عداه كلها سايحه دماها

وبخزرت عيونه الويل راواها

يكص راسه اليكرب حده

ام عــــــ✍️ـــراق الشمرية( بغداد )
►✺┅●✥💠✥●┅✺◄
وجت بطفوف اليوم نيرانه

وخلاها بحيره تلوج عدوانه

والحومه يويلي غدت دخانه

مدخن بي اليوم الطف

✍️عاشقه العباس ام عراق الشمري البصره
►✺┅●✥💠✥●┅✺◄
برز عباس بيده شايل الرايه

توجه للفرات وماشرب مايه

يابحر الوفه يالداك الثايه

وارعد سيفه غيم بالطف

ام عــــــ✍️ـــراق الشمرية( بغداد )
►✺┅●✥💠✥●┅✺◄

تمت بقلم عاشقات العباس الشاعرة والملا ام عراق الشمري البصره صاحبة ديوان الرايه الخضراء
والشاعره والملا ام عراق الشمري بغداد
ولايجوز حذف الاسم شرعا وغير مبري الذمه لكل من ينسب الكلام لنفسه او يتلاعب بالمفردات
https://t.me/kEc5VGVP81k2Nzgy

فزاعيه لاولاد مسلم ع

حلوين المشو جاليش ماجوني
وانه بالحزن والنوح خلوني

حلوين المشو مارجعو اعليه

بالهيمه ادور حيل مابيه

مشدوهه عليهم شابجه ايديه

وعلى درب المسيب صحت دلوني

✍️عاشقه العباس ام عراق الشمري البصره
►✺┅●✥💠✥●┅✺◄
حلوين الجهامه وين الاكيهم

ينعاب الكلب لو مره ناسيهم

اخاف من الهوه هذا ليمر بيهم

مااحمل الفركه زين يدروني

ام عــــــ✍️ـــراق الشمرية(بغداد )
►✺┅●✥💠✥●┅✺◄
فركتكم جبيره اشلون احملنهه

وترد ايامنه الحلوه ماضنهه

امكم واليالي الفركه سلنهه

وموحكي عليكم يرحن اعيوني

✍️عاشقه العباس ام عراق الشمري البصره
►✺┅●✥💠✥●┅✺◄
ضيعت البزر منهو ليدليني

والصبيان ضاعو من عمت عيني

راح رباي ذاك وتعبي و سنيني

وانه الوحدي هليوم عافوني

ام عــــــ✍️ـــراق الشمرية( بغداد )
►✺┅●✥💠✥●┅✺◄
انه اعله مشو ضليت محتامه

واعله اولادي هذا اليل مانامه

وصاباني البين اليوم بسهامه

وشيطلبني هذا الوكت حاجوني

✍️عاشقه العباس ام عراق الشمري البصره
►✺┅●✥💠✥●┅✺◄
وين اركض ودور ونشد اعليهم

وشتاكيت لولادي ومعانيهم

محتام الكلب ويريد طاريهم

وبالهيمه اصيحن مايسمعوني

ام عــــــ✍️ـــراق الشمرية ( بغداد)
►✺┅●✥💠✥●┅✺◄

تمت بقلم✍️ عاشقات العباس ع
الشاعرة ام عراق الشمري البصره
صاحبةديوان الرايه الخضراء
والشاعره ام عراق الشمري بغداد
ولايجوز حذف لاسم شرعا وغير مبري الذمه لكل من ينسب الكلام لنفسه او يتلاعب بالمفردات

https://t.me/kEc5VGVP81k2Nzgy

قصيده فزاعية لمسلم ابن عقيل ع


شيلي بيرغ المسلم وهوسيله

هذا اول شهيد وحيل ونيله

►✺┅●✥💠✥●┅✺◄

هذا لضحه لجل الدين بفعاله

شجاع ولايهاب الجيش ورجاله

ابن عمه الحسين بزود حياله


(يحييله حسين بجفه )

ام عــــــ✍️ـــراق الشمرية( بغداد )
►✺┅●✥💠✥●┅✺◄
يااول شهيد الشاعت اعلومه

مسلم كلهه ضلت تحجي بيومه

مثل حيدر علي من دخل للحومه

بفعاله الكوفه تسولف

✍️عاشقه العباس ام عراق الشمري البصره
►✺┅●✥💠✥●┅✺◄
الكوفه تزلزلت لمن دخل ليها

لبو طاهر الونه حيل عليها

شجاع وبالمراجل زلم لاويها

(تشهد يومه / الكوفه اسال )
ام عــــــ✍️ـــراق الشمرية ( بغداد )
►✺┅●✥💠✥●┅✺◄
تشهدله الكوفه وكل ضواحيها

ورد صولات خيبر عاد ماضيها

وكالو هذا حيدر ضن دخل ليها

مخليها والكوفه تروج

✍️عاشقه العباس ام عراق الشمري البصره
►✺┅●✥💠✥●┅✺◄
ابو طاهر الملعب حجه بماضيه

لعب بيهم لعب ساعه الحربيه

لمسلم والطم خله بعد اليه

(نسولف بي / لضحه بدمه )


ام عــــــ✍️ـــراق الشمرية( بغداد
►✺┅●✥💠✥●┅✺◄
نسولف بي من شد على الخياله

وللكوفه دخل شرد العياله

ولمسلم يلوك السيف يحلاله

اعله القاده يلوك السيف

✍️عاشقه العباس ام عراق الشمري البصره
►✺┅●✥💠✥●┅✺◄
تمت بقلم عاشقات العباس
الشاعرة ام عراق الشمري البصره
والشاعره ام عراق الشمري بغداد
ولايجوز حذف لاسم شرعا وغير مبري الذمه لكل من ينسب الكلام لنفسه او يتلاعب بالمفردات
https://t.me/kEc5VGVP81k2Nzgy

( فزاعيه للعليله الحسين عليها السلام )
هاي الدار شايل وين راعيها

تبجي العليله اتريد اهاليها
►✺┅●✥💠✥●┅✺◄
مالومه اللعليله ابدارهم تنعه

شالو كل اهلنه ومابعد رجعه

اون بلدار صوتي محد يسمعه

يابويه المريضه المن مخليها
✍عاشقه العباس ام عراق الشمري ( البصره )
►✺┅●✥💠✥●┅✺◄
مريضه انه العليله من يباريني

اخذني وياك جاالمن مخليني

عكب اهل المحنه من يسليني

مر وانشد عليها ها يواليها

ام عــــــ✍️ـــراق الشمرية ( بغداد )
►✺┅●✥💠✥●┅✺◄
مر ونشد عليه وشوفني اشحالي

بويه فركتك صوبت دلالي

صدك ماتنحمل يافركة الغالي

وحك اعيوني اعله الشالو اعميها

✍️عاشقه العباس ام عراق الشمري البصره
►✺┅●✥💠✥●┅✺◄
عميه عيونه عكب اهل المروه

فركنه الوكت بحبابنه كوه

راحت ذيج اهلنه وكعدت الحلوه

باب الدار بنتك ماتمر بيها

ام عــــــ✍️ـــراق الشمرية(بغداد)

►✺┅●✥💠✥●┅✺◄
اباب الدار بتك كاعده وتبجي

وعكب يالابو المن بعد اشكي

جنه وياك بويه انسولف ونحجي

وهسه اهمومي عكبك المن اشكيها
عاشقه العباس ام عراق الشمري البصره
✍️

►✺┅●✥💠✥●┅✺◄
ثكل همي عليه الضيم ياحالي

عكب وجوهكم بويه النزل خالي

الحرمه تريد اهلها ولاالي والي


اذكرك لوجنت يحسين ناسيها

ام عــــــ✍️ـــراق الشمرية(بغداد )

تمت بقلم ✍️عاشقات العباس ع
الشاعرة ام عراق الشمري البصره
والشاعره ام عراق الشمري بغداد
ولايجوز حذف لاسم شرعا وغير مبري الذمه لكل من ينسب الكلام لنفسه او يتلاعب بالمفردات
https://t.me/kEc5VGVP81k2Nzgy

فزاغيه حماسيه مع هوسات للنزول

♕♕♕♕♕♕♕♕♕♕♕♕♕♕
بارضج كربله نزلت الخياله
وعباس اعله متنه العلم شاله

عباس اعله متنه نزل الحره
وطب الكربله برايته الخضره
وكال اليوصلنه ضهره انكسره

كضيناها واليوم الطف

✍️عاشقه العباس ام عراق الشمري البصره
►✺┅●✥💠✥●┅✺◄
كفو ونعمين من عباس والينه

نزلها المحامل بيده غالينه

ياويله يكول الي كرب لينه

( ياويله لصد / بعينه )

ام عــــــ✍️ـــراق الشمرية(بغداد )

►✺┅●✥💠✥●┅✺◄
ياويله يكول الصد على الحره

لخلي كربله من الدم ترى حمره

وهايه مدللهه بت فاطمه الزهره

المهيوبه بت حيدر هاي

✍️عاشقه العباس ام عراق الشمري البصره
►✺┅●✥💠✥●┅✺◄
مهيوبه يزينب بت علي هايه

تمشي بزود اهلها اليوم بحمايه

مامسها الهضم من طلعت ويايه

( تتباها الحره بزودي )

ام عــــــ✍️ـــراق الشمرية(بغداد )
►✺┅●✥💠✥●┅✺◄
من حكهه العقيله بيك تتباها

وانته الي جبتهه وشايل الواها

بوجودك فلا واحد تحداها

يحاجيهه والعايل فنه

✍️عاشقه العباس ام عراق الشمري البصره
►✺┅●✥💠✥●┅✺◄
يفنه لصد خيالج ها يمهيوبه

هاي خيام اخيج ليج منصوبه

لخليهه الطفوف اليوم مكلوبه

(العب جوله بطف اليوم )


ام عــــــ✍️ـــراق الشمرية( بغداد )
►✺┅●✥💠✥●┅✺◄تمت بقلم عاشقات العباس
الشاعرة ام عراق الشمري البصره صاحبة ديوان الرايه الخضراء
والشاعره ام عراق الشمريه بغداد
ولايجوز حذف لاسم شرعا وغير مبري الذمه لكل من ينسب الكلام لنفسه او يتلاعب بالمفردات
https://t.me/kEc5VGVP81k2Nzgy

موشح للمسير
حال لسان مولاتي ام البنين تخاطب الحسين ع

وين ماشي بهالضعون اليله
افراكم يحسين مالي حيله
►✺┅●✥💠✥●┅✺◄
افراكم يحسين يكتلني كتل

وانته تدري فركتك ماتنحمل

احسين يمه امروتك يمي دضل

وروحي اعليكم اليوم انحيله

✍️عاشقه العباس ام عراق الشمري البصره
►✺┅●✥💠✥●┅✺◄
يالطلعت من الوطن حاجيني

وياك ماخذ كل هلك و بنيني

جعفر وعباس وانته حسيني

بالضعن ماشين ويه العيله

ام عــــــ✍️ـــراق الشمرية ( بغداد )
►✺┅●✥💠✥●┅✺◄
بالضعن ماشين كلي لياكتر

وفركتك تسعر تضل مثل الجمر

منين اجيب اليوم يوليدي الصبر

وكلبي ذاب اعليك يمه ادليله

✍️عاشقه العباس ام عراق الشمري البصره
►✺┅●✥💠✥●┅✺◄
وين يحسين السفر يوليدي

اتروح كل بزري واضل وحيدي

اصبر بروحي واكلها هيدي

الحمل لو مال منو يشيله


ام عــــــ✍️ـــراق الشمرية( بغداد )
►✺┅●✥💠✥●┅✺◄
من يشيل الحمل عكبك يالولد


وانته لو حملت خافن ماترد

احسين يمه فركتك تمرد مرد

ومنهو غيرك جابعد اشكيله

✍️عاشقه العباس أم عراق الشمري البصره
►✺┅●✥💠✥●┅✺◄
اضل بديران والمدمع يهل

وخاف يبني بفركتك امك تسل

افراكم يهل النشامه موسهل

والدمع من دم عليك انسيله

ام عــــــ✍️ـــراق الشمرية*
►✺┅●✥💠✥●┅✺◄
تمت بقلم عاشقات العباس
الشاعرة ام عراق الشمري البصره
والشاعره ام عراق الشمريه بغداد
ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://t.me/kEc5VGVP81k2Nzgy

فزاعيه للهلال

يهلال الكدر لا لا تمر بينه
مانحمل مصايب زين تدرينه

يهلال الكدر لاتجبل اعليه
وانه اعله الهضم والنوح مابيه
شعندك مجبل بهاي المغربيه

محزم بالحزن مبين اعلينه

✍️عاشقه العباس ام عراق الشمري البصره
__///💔////__
مااحمل مصايب والهضم تدري

يهلال النوايب تيهت فكري

من تروح اهلنه ينسلب خدري

وابقه حايره العدوان تولينه

ام عــــــ✍️ـــراق الشمرية ( بغداد )
__///💔///____
ابقه حايره من بعد خواني
واهلالك يشهر الشوم بجاني
من هسه علي متلمله احزاني

ومن بعد الاهل بالهم تخلينه

✍️عاشقه العباس ام عراق الشمري البصره
__///💔////__
مهموم الكلب مايحمل اللوعه

بيك حسين عاري مكسره ضلوعه

يون مذبوح منه الونه مسموعه

اروحن وين بعد حسين والينه

ام عــــــ✍️ـــراق الشمرية(بغداد )
_///💔///___
اروحن وين كلي بعد ابو اليمه
لو ضل عالثره اوغارك بدمه
وميخلوني انه اعداه اضل يمه

ومن عكبه اخاف الشمر يسبينه
عاشقه العباس ام عراق الشمري البصره
✍️
__///💔///____
امشي ميسره والشمر يبرالي

ومن اهل الحميه مايضل والي

وعكب ذاك الدلال الحزن يصفالي

وسفه بالحبل تجتف ايدينه
ام عــــــ✍️ـــراق الشمرية(بغداد )
__///💔////_____
تمت بقلم عاشقات العباس
الشاعرة ام عراق الشمري البصره
والشاعره ام عراق الشمريه بغداد
ولايجوز حذف لاسم شرعا وغير مبري الذمه لكل من ينسب الكلام لنفسه او يتلاعب بالمفردات
https://t.me/kEc5VGVP81k2Nzgy

دارميات في حق الإمام علي عليه السلام
بمناسبة عيد الغدير الأغر وعيد الله الاكبر
🌹🌹🌹🌹🌹🌹🌹🌹🌹🌹🌹🌹🌹

خل تسمع الشمات واهل النواصب

بس لعلي الكرار تحله المناصب

🌹🌹🌹🌹🌹🌹🌹🌹🌹🌹🌹🌹🌹🌹

مو ياهو كلمن جان خلاله منصب

بس حيدر الكرار حك الله يخطب

🌹🌹🌹🌹🌹🌹🌹🌹🌹🌹🌹🌹🌹🌹

مايصح واحد زين يحجي ابداله

بس حيدر الكرار يحجي بعداله

🌹🌹🌹🌹🌹🌹🌹🌹🌹🌹🌹🌹🌹🌹

✍️بقلمي عاشقه العباس الشاعرة ام عراق الشمري البصره ولايجوز حذف الاسم شرعا وغير مبري الذمه لكل من ينسب الكلام لنفسه

https://t.me/kEc5VGVP81k2Nzgy

ابوذيات في حق الإمام علي ع بمناسبة
عيد الغدير الأغر عيد الله الأكبر
🌹🌹🌹🌹🌹🌹🌹🌹🌹🌹🌹

بزود الباري.وبزودك. علينه
لغيرك ماحله المنصب. علينه
نريدك ياعلي تعاين. علينه

بجاه احسين واخته الهاشميه 🌹 صلواااااااات
🌹🌹🌹🌹🌹🌹🌹🌹🌹🌹🌹
الغيرك ابد لاميلوك. . منصب
ودمع عيني فرح مولاي. منصب
يضل حبك علي بروح منصب

ونبض كلبي يدك حامي الحميه. 🌹صلوااااااات
🌹🌹🌹🌹🌹🌹🌹🌹🌹🌹🌹
علي ماعندي شي.غيرك. والاملاك
فقط هالتاج لايكلك والاملاك
تهنيك السمه كلهه. والاملاك

ومنصب جاك من رب البريه 🌹صلوااااااات
🌹🌹🌹🌹🌹🌹🌹🌹🌹🌹🌹🌹🌹🌹🌹
بقلمي ✍️خادمة ابو الحسن
وعاشقة ابنه العباس الشاعرة والملا ام عراق الشمري البصره ولايجوز حذف الاسم شرعا وغير مبري الذمه لكل من ينسب الكلام لنفسه
ونسألكم الدعاء

https://t.me/kEc5VGVP81k2Nzgy