وهاي هيه ليلك امعزب بواچيه سبيل
وهاي هيه ليل المفارگ غوالي شكد طويل
الليله من عده ابسنه
ماظگت طعم الهنه
هاي هيه
… ..
بروحك الماعدها روحك من تحملت الونين
وياسنين العشت بيها شلون حسبوها السنين
انته والسجان بلوه صنطه والمامش امين
وحشه وجروحك جزيره بيها مامر زائرين
وهاي هيه شماتطول ايامك اتخضر عذاب
وهاي هيه انته شايب من متت لو بالشباب
عمرك اشگد بيه منه
ماظگت طعم الهنه
وهاي هيه
……
انته والمحد قظيه مايحس بيها سواك
يختلف حته اعله شمته عركه تتنفس هواك
عايش ابزنزانه ظلمه وجهك الصاير ضواك
شتنسه والليل اعله طوله امچلب ويفتر وراك
وهاي هيه وحشة الموقف سچاچينه عمر
وهاي هيه منين ماعاين اشوفنك گبر
موتك ابصفك دنه
ماظكت طعم الهنه
وهاي هيه
… ..
علي الحاج الصبيحاوي
وهاي هيه ليل المفارگ غوالي شكد طويل
الليله من عده ابسنه
ماظگت طعم الهنه
هاي هيه
… ..
بروحك الماعدها روحك من تحملت الونين
وياسنين العشت بيها شلون حسبوها السنين
انته والسجان بلوه صنطه والمامش امين
وحشه وجروحك جزيره بيها مامر زائرين
وهاي هيه شماتطول ايامك اتخضر عذاب
وهاي هيه انته شايب من متت لو بالشباب
عمرك اشگد بيه منه
ماظگت طعم الهنه
وهاي هيه
……
انته والمحد قظيه مايحس بيها سواك
يختلف حته اعله شمته عركه تتنفس هواك
عايش ابزنزانه ظلمه وجهك الصاير ضواك
شتنسه والليل اعله طوله امچلب ويفتر وراك
وهاي هيه وحشة الموقف سچاچينه عمر
وهاي هيه منين ماعاين اشوفنك گبر
موتك ابصفك دنه
ماظكت طعم الهنه
وهاي هيه
… ..
علي الحاج الصبيحاوي