Situ fide dhibee
Kan dawaansa dhibe
An maalan balleesse?
Sitoo na madeesse.

Jaalala ijoollummaa
Mi'ooftu akka dammaa
Summii itti naqxe
Karaarras ni maqxe.

Dhibeekeen wallaale
Maaltu akka si dhaane
Si tuqanii laata?
Moo suma maraata?

Qarshiidha hawwiinke?
Safuu! yaa qalbiike!
Utuun akkas beeke
Rakkina keessake
Waarsha birriin bana
Maaliifan siin dhabaa?

Naaf hin galle malee
Ati aramanee
Kan anaan doomsite
Jechaan gowwoomsite
Sin jaal'a siin du'a
Boollayyu siin bu'a
Jecha natti kuulte
Hallayyaa na buufte.

Anoo sin abdadhe
Yaaddookoo dagadhee
Akka dhala dhabaa
Harkarran si qaba
Naaf taatan si sa'e
Waan fedhes yoo ta'e
Ati silaa akkasi?
Murtuu akka maqasii.

Waan hundaa itti dhiise
Kaayyookoo gadhiisee
Biqiltuu jaalala
Kan onnee koo jalaa
Kunuunsuudhaf jedhee
Cabeen gadi jedhe
Hiriyaakoo biraa
Naafadheetan jira

Carraa baruumsakoo
Jireenya boruukoo
Siif jedheen gadhiise
Siin of abdachiisee
Akkas yooman se'e
Oduukee dhaga'e
Ergamaa fakkaatta
Silaa hirmii baatta.

Maatiin na barsiisu
Warri na guddisu
Boriikoo abdatu
Obsaan na eeggatu
Anoo kiyyoon lixee
Ergamakoos fixee
Daliilaa na nyaate
Garraamii fakkaate.
Imaana lammiikoo
Kan eegan firiikoo
Karaatti doomsite
Sammuukoos onsite.

Qoree dhoqqee keessa
Gantuu baakkoo keessa
Kan akkakee hin jiru
Kan na nyaatte tiruu
Quullaa na hambiste
Sammuu na dhiphiste
Waan gochaan wallaale
Maaltu akka na dhaane.

MAAL JETTE YAADATTA?

Waadaakee yaadatta?
Maal jeette hubatta?
"Haalli yoo jabaate
Dhabdes yoo qabaatte
Rawwadhe sin buusuu
Hamminas hin kuusu
Yoomiyyu sin ganu
Dubbiif adda hin baanu
Dhugaa sin jaalladha
Yoomu sin abdadha
Ati abbaakooti
Michuu lubbuukooti
Eenyuun sin qixxeessu
Dhugaadha sin dhiisu"

Jette waada galte
Kanafaa dagatte
Naafoo homaa miti
Kankoo harka rabbiiti
Naan hiyyeessa goote
Qoqqobbii nat goote?
Badhaadhummaaf jette
Waadakee dagatte.
Maqaa waaqa waamte
Inni ati kakatte
In naaf hafa seete?
Waaqan nama seetee?
Inni akkatti hin dhiisu
Nama itti ga'isu.

SILAAYYU NAA MALTU.

Silaayyu naan maltu
Namni waada haaltu
Bishaan gabateerra
Kan hin beekne seena
Birri faana dhoofti
Dubbii battee dhoofti
Dhaabbanna hin qabdu
Waan yaaddus hin qabdu
Garaamaaf jiraatti
Bakkee namaa laalti
Waan hin banneesete
Qabeenyi ati feete?
Innoo baayyee hin turu
Kan inni tortoru

Si jala qabanii
waan ati jaallattu
Isa kuftee kaate
ati iyyaafattu
Baga ittin si ga'e
waan fedha garaake
Eessan baatee badda
fakkattu abbaake
Kiyyoo qabeenyaatiin
bitintirtee kufte
Jaalala naaf qabdu
huute boolla buufte

Rabbi nama qaba
kan seerasa eegdu
Ulaaga jaalala
nama eegu beektu
Akka niiti looxii
kan hin laalle duuba
Kan jallisuu feene
yoomu seera uuma
Jaalalaf kan laattu
bakka olaanaasa
Dhagahuu hin feetuu
kan diina asaasa

Kan akkasitika
kanan fedhee hawwu
Gooftaan na gargaarran
an hammake hin dhabu
Guddaama of seete
ofimmo hin bokoksiin
Dhugaa jajalliste
dhukkamsite hin dhoksiin
Eenyuyyu hin hafu
hiyyummaa jalatti
Yeroo eega malee bor
akka harra miti.

Gantuu gantuun olii
kan bakkeen miidhagde
Keessan summii baatta
dammuma afaanke
Ishee akkakeeti
kan lammii gurguru
Nama wal nyaachise
dhiiga dhugaa oolu
Anaan ni ashoofta,
isa tokko hin shoomta
Akka ani hin barreef
ofiin fala dhoofta.

Akkuma daa'ima
afaaniin na sobde
Damma fakkeessite
dhoqqee natti dhoobde
Naan hiite na keesse
ofii bakkee oolta
Akkan kufee hafuuf
boolla meeqa qotta
Yaaliin ati goote
akkan maraadhuufii
Anaaf waaqni jira
ofumaa hin gugguufiin.

NAGAATTI.

Jedhi nagaan taa'i
yaa jaalallee duri
Chidhakoo osoon argiin hadaraammo hin du'iin
Garuummoo waan shakke
akkuma diingata
Hammattoo jaarsikee
du'innayyu laata?
Abbakeemo isa
eenyutu hangafaa?
#Koroonaan yoo qabe
danda'ee irra hafaa?
Dafii itti heerumi
si jalaa dadhaba
Waan qabu hundumaa
innuu siif farrama.


Gaaddisaaf hin ta'u
yoomu mukti laafto
Nagaatti naaf taa'i
Haannaa intala Daamxo.
Haadha fira birrii
kan hin beekne seena
Hundi akkakee hin ta'iin
dhaloonni si'anaa
Kankee nama miti
seexannuu hin odeessa
An homaa sin goone
kankeeti balleessaan.

By: YONAS NEME. Haannaf
Finfinneerra.
@jaalala_dhuga
@jaalala_dhuga


Via @lammiif