‏ڕۆژێـک گوێم لە پێغەمبەری خودابووﷺ فەرمووی:
دوعایەک هەیە هەر پێغەمبەرێک بەوە پاڕابێتەوە
ئیللا خودا وەڵامی داوەتەوە،
هەر بەندەیەکیش بیکات خودا وەڵامی دەداتەوە...

دواتر کابرایەکی ئەعرابی هات و
پێغەمبەری خودای ﷺسەرقاڵ کرد و
فەرموودەکەی تەواو نەکرد...

کە ئەعرابیەکە تەواوبوو،
پێغەمبەری خوداﷺ بەرەو ماڵەوە بەرێکەوت.
منیش شوێنی کەوتم،
دەمویست بزانم ئەو دوعایە چییە؟!

ئاوڕی نەدایەوە و نەمدەتوانی بانگی بکەم،
هەربۆیە دەستم کردە تەپەتەپ کردن،
بۆ ئەوەی بزانێت من لەدواوەیم.
ئاوڕی دایەوە و فەرمووی: ئەبو ئیسحاق!
وتم بەڵێ ئەی پێغەمبەری خوداﷺ.
فەرمووی: چیتە؟
وتم: فەرمووت دوعایەک هەیە ڕەتناکرێتەوە،
دواتر ئەعرابیەکە سەرقاڵی کردیت.

فەرمووی: دوعاکەی یونسی برامـە،
﴿لا إلهَ إلَّا أنتَ سُبْحانَكَ، إنِّي كنتُ مِن الظالمينَ﴾♥

- سەعدی کوڕی ئەبی وەقاس
وەرگێڕانی: ئەیاد فەهمی