#يسعد_اوقاتكم
مبارح نشرت حول خبر رفع حظر سوريا عن منصات ميتا انه مزيف
اليوم باديين الجماعة بانو تيك توك رفع الحظر عن سوريا
بعيدا عن نقطة انو ما بتقدر حتى لو تم رفع الحظر بسورية تشتغل بشكل مباشر مع تيك توك
لكن الحكومة السورية بالنظام المخلوع كانت حاظرة كل نطاقات المنصه وكرد فعل تيك توك حظرت البلد عن خدماتها بشكل مباشر
فحتى تفكر تيك توك انو ترفع الحظر ويصير متل منصات ميتا وتلغرام لازم الاتصالات عنا تبادر بالغاء الحجب عن المنصه
وبعدها ممكن نشهد تحديثات متسارعة لاستخدام الخدمات الخاصة بشركة بايت دانس صاحبة تيك توك
وبالإضافة انو تيك توك يعتبر حاليا شركة صينيه أمريكية وخاصة بعد تهديدها للمنصه بالحظر عن المتاجر الأمريكية
فممكن كمان تكون العقوبات عائق امام المنصة
رح اعطيكم ياها من الاخر قبل ٦-٩ اشهر مستحيل يتغير بواقع خدمات الانترنت شي مهم وجذري ابدا وبناءً على تقييم الدول للحكومات الي رح تتغير ضمن هي الفتره رح نشوف التغييرات
فيه تلت مراحل للحكومات لحتى يتولد النظام الجديد وهو حكومة الانقاذ "الطوارئ" الحالي - حكومة تكنوقراط "حكومة خبرات او بسموها حكومة انتقالية" وهي الي بتشتغل ما بين ما يتم انتخاب رئيس او يتم ترشيح الرؤساء المنتخبين - بعد انتخاب الرئيس بحط رئيس مجلس وزراء وبكلفه بانشاء حكومة جديدة
طبعا كل هاد بدو يكون قبله دستور
لهك مطولين كتير حتى نشهد تغيرات حقيقية على الارض او على الانترنت او إصلاحات على الارض
#جعفر_بدران
