Assalomu Alaykum!
Qayerga kelib qolganingizni bilishingiz uchun kanal haqida ba'zi ma'lumotlarni bildirmoqchiman. Men matematika ishqiboziman. Uni turli domain'larda (
sohalarda) tatbiq qilish ustida ishlayapman va o'rganyapman. Ammo siz bu yerda matematik formulalarni ko'rmaysiz (
deyarli). Men
Computer Science'ning "Computational Geometry" bo'limiga doir muammolar, yechimlar va imkoniyatlar haqidagi bilim va tajribalarimni ulashmoqchiman. Diqqatingizni asosan geometrik algoritmlarga qaratmoqchiman.
Computational Geometry (endi kanalda
CGT deymiz) atamasi siz uchun notanish bo'lsa,
bu yerdan to'liqroq ma'lumot olishingiz mumkin. Shuningdek quyidagi savollarga geometrik algoritmlar yordamida javob topish mumkin:
Motion Planing
Robot it (🦮) talofatdan zarar ko'rgan hududda biror kimni qutqarib chiqish uchun u yerda to'siqlar bor yoki yo'qligini qanday aniqlaydi?
Mission Planing & GIS
Masalan orbitadagi kosmik kema qanday qilib bir vaqtda 3 o'q (axis) bo'ylab burila oladi?
Yandex taksi haqida o'ylab ko'ring. Siz belgilagan joyga eltuvchi eng yaqin masofa qanday aniqlanadi?
Computer Graphics
Masalan video o'yinlar, undagi obyektlar va ularning harakat rejalari. GTA'ni eslang. O'yin sahnasida devorga urilish qanday yuz beradi? (Ha, bu yerda fizika ham bor.)
CAD / CAM / CAE
3D Max dasturi murakkab 3d obkeylarni yasash jarayonida qanday algoritmlardan foydalanadi?
Sanoat muhandisligida maxsulotning tashqi olamga ta'siri qanday simulyatsiya qilinadi?
That sounds awesome.
Bular ajoyib eshitiladi. Balki uddalab bo'lmas topshiriqdek qiyin tuyular. Ammo ishonavering maktab va kollejda faqat 2 va ba'zan 3 baho olgan men tushunyapman, siz albatta tushunasiz! Faqat unutmang har qanday murakkab algoritmlar ham oddiy (
primitive) amallar ketma-ketligidan tashkil topadi. Shunday ekan algoritmlarni o'rganishda fundamental asoslarga va oddiy tuyulgan
matematik hisob-kitoblarga befarq bo'lmang. Shuni ham unutmangki, men havaskorman, professional emasman. Matematikada siz bilgan xatto oddiy narsalarni ham bilmasligim mumkin. Bu yerda katta ilmiy maqolalar bo'ladi ham demayapman. Savollaringizga javob berolmasam, demak javobni bilmayman, ammo izlanib ko'rishim mumkin. Biror narsani tushunganimda, siz bilan bog'lanaman yoki boshqalarga ham foydasi tegishiga ko'zim yetsa va eplay olsam, maqola ko'rinishida javob beraman. Aks holda meni kechiring.
Time ≠ Time
Balki 10 daqiqada biror maqolani o'qib, o'zingiz uchun katta narsani kashf qilarsiz. Har holda men shunga umid qilaman. Biroq ularni yozish, tajriba qilib ko'rish, tushunish va sizga ulashish uchun menga 10 soat, 10 kun, yoki 10+ oylar ketishi mumkin. Shunday qilib men o'z tajribalarimni sizga sotyapman. Imkoningiz bo'lsa qo'llab quvvatlang. Aks holda haqqim sizga halol. 😊
Qo'llab quvvatlash uchun:
https://www.buymeacoffee.com/3dlyra©
Aleph Nought
