MIKRE AIMRO | ምክረ-አዕምሮ™

ማብቂያ አብጅለት!
➡️➡️➡️🗣️🗣️
በድለውህ ይከሱሃል፤ አቁስለውህ ሸንጎ ፊት ያቆሙሃል፤ ጎድተውህ ተጎጂ ለመሆን ይጥራሉ፣ አሰቃይተውህ ሲያበቁ አዛኝ ተንከባካቢ ለመምሰል ይሞክራሉ። ዝምታህ ሞኝነት፣ ትዕግሥትህም ቂልነት ሊመስላቸው ይችላል። ፈቅደህ በተዋሃደህ ማንነት ቢዘባበቱብህ፣ በየዋህነትህ ምክንያት ጥለው ሊሻገሩህ ቢሞክሩ፣ በዝምታህ ምክንያት ሴራ ቢያሴሩብ እስኪያጠፉህ ግን አትጠብቅም፤ እስኪጫወቱብህ ግን ዝም አትልም።

አዎ! ጀግናዬ..! አስመሳይነታቸውን ግታው፣ በደላቸውን አስቁም፤ እያየህ እንዳለየ፣ እያወክ እንዳለወክ ማለፉን ተው። እርምጃ መውሰድህ እራስህን ለመከላከል፣ እራስህን ለማዳን ብቻ አይደለም የእነርሱንም እውነተኛ ማንነት ለማጋለጥ ነው። መብትህን ሲጋፉ፣ ነፃነትህን ሲገፉ፣ አንተነትህን ሲያዋርዱ፣ ማንነትህን ሲያንቋሸሹ፣ ክብርህን ሲያረክሱ፣ ስብዕናህን ሲያሳንሱ ትዕግስትህ መፈተኑ፣ ስሜትህም መነካቱ አይቀርም። ነገር ግን እያንደንዱ ተግባር የእራሱ ገደብና ልኬት አለው። ከቀይ መስመርህ ባሻገር የሚመጣብህን ጫናና በደል የመጋፈጥ፣ የመመለስ የውዴታ ግዴታ አለብህ። ሚዛናዊ መሆንህ ቢያስከብርህ እንጂ አያዋርድህም፣ ቢያስሞግስህ እንጂ አያሳንስህም። እያወቁ አለማወቅም ገደብ አለው፣ በእራስ ማንነት ሲቀለድ ዝም ማለት አንድ ቀን ዋጋ ማስከፈሉ አይቀርም።

አዎ! ማብቂያ አብጅለት፤ ለሚደርስብህ የትኛውም አይነት እንግልትና ነቀፋ፣ ለሚወረወርብህ ክብረ ነክ ተግባር ፍፃሜ ስጠው። እራስህን ባታስከብር የሚያከብርህ አይኖርም፣ ለእራሰህ ባታስብ የሚያስብልህ የለም። ዋጋ የምትከፍለው ለእራስህ ብለህ ነው፤ ከወዳጅ መሳይ ተጣቶችህ የምትርቀው ለክብርህ፣ ለደህንነትህ ብለህ ነው። ከአስመሳዮች ተነጠል፣ የሚጠቅሙህ መስለው ዋጋህን ከሚያሳንሱ፣ ጥቅምህን ፈልገው ከተቆራኙህ፣ በወዳጅነት ሰበብ ከሚጫወቱብህ፣ በበግ ለምድ ከተሸፈኑ አታላዮች እራስህን አድን። በየዋህነትህ መጎዳት፣ በቅንነትህ መሰበር ይብቃህ፤ በልበሙሉነት ቀና ብለህ እራስህን ማስከበር፣ ለእራስህም ተገን መሆን ጀምር።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

ወደኋላ አትመልከቱ!
➡️➡️➡️🗣️🗣️🗣️
አንዴ አይደለም ሁለት ሶስቴና ከዛ በላይ በተደጋጋሚ ተጎድታችኋል፣ እየታመማችሁ የህመማችሁ ምክንያት ከሆነ ሰው ጋር ለረጅም ጊዜ ቆይታችኋል፣ የኔ በምትሉት ሰው ስቃይ ተደራርቦባችኋል፣ ግንኙነታችሁን ለማስተካከል ብዙ ጥራችኋል። ነገር ግን ነገሮች ሁሉ ከአቅማችሁ በላይ እንደሆኑ ከተሰማችሁ አንድ ልታደርጉት የሚገባ ወሳኝ ነገር አለ። መልካሙን ሁሉ ተመኙላቸው፣ ጀርባችሁን ስጧቸው፣ ፊታችሁን አዙሩ ከዛም እነርሱን ትታችሁ ወደፊት ተጓዙ። ህይወታችሁ የስቃይና የመከራ ይሆን ዘንድ የፈረደባችሁ አካል የለም። የሚበጃችሁን እያወቃችሁ የማይበጃችሁ መርዛማ ከባቢ ውስጥ አትቆዩ። ከዚህ ከባቢ ለመውጣት ከወሰናችሁ በፍፁም ወደኋላ እንዳትመለሱ። ልፍስፍስነት ማንንም አስከብሮና ነፃ አውጥቶ አያውቅም። ሰውን ሰው የሚያደርገው ከባዱ ውሳኔው ነው። ከምትወዱት ሰው ለመለየት መወሰነ ከባድ ነው፤ ነገር ግን የጋራ ጥቅም ካለው ከማድረግ ውጪ ሌላ አማራጭ የላችሁም። ውሳኔው ለጊዜው መራር ነው ለዘላቂው ግን ፈውስና ጣፋጭ ነው።

አዎ! ወደኋላ አትመልከቱ! ያለፈ ጠባሳችሁ እንዲሽር፣ ሰላማችሁ እንዲመለስ፣ ውስጣችሁ እንዲታደስ፣ ነፃ መሆንንና መረጋጋትን ከፈለጋችሁ በፍፁም ጥላችሁ የመጣችሁትን ሰውም ሆነ ሁኔታ ወደኋላ አትመልከቱ። በማይበጃችሁ የትኛውም ነገር ላይ ጨካኝ መሆንን ልመዱ፣ ከየትኛውም ጎጂ ነገር ውስጥ ለመውጣት ቆራጥ ሁኑ። ፈውስ ያለው በባዶ ምኞት ወይም በባዶ ፍላጎት ውስጥ አይደለም። ይልቅ ፈውስ ያለው በቆራጥ ውሳኔና በተጨባጭ ተግባር ውስጥ ነው። ምንም ነገር አስቀድሞ የእናንተ አልነበረም ዘላለምም የእናንተ  ሆኖ አይቆይም። ዋናው ጉዳይ ህመም አልባ ወይም ነፃ ህይወት መኖር ሳይሆን በህመምና በስቃይ ውስጥ ወደሚበጀው አቅጣጫ በፅናት መጓዝ ነው። ወደዳችሁም ጠላችሁም እውነታውን ፊትለፊት እስካልተጋፈጣችሁ ድረስ ምንም ነገር አያበቃም። ግንኙነቱ አልሰራላችሁም? ስራችሁ በፈለጋችሁት መንገድ አልሔደም? ህይወታችሁ አልሰመረም? እውነታው የማትፈልጉት ቢሆንም በሚገባ ተቀበሉት፣ አዲስ የተለየ መንገድን ጀምሩ፣ ወደኋላ አትዙሩ፣ በፊት ለጣላችሁ መሰናክል ዳግም ራሳችሁን አሳልፋችሁ አትስጡ።

አዎ! ጀግናዬ..! አሁን እየሆነብህ ያለውን ታውቃለህ፣ ታያለህ፣ ትሰማለህ ስለወደፊቱ ግን እርግጠኛ አይደለህም። የሚያጠግብ እንጀራ ከምጣዱ ያስታውቃል ነውና አባባሉ የትኛውም ነገር እንደሚሆንህና እንደሚሳካልህ ከሁኔታዎች ያስታውቃል። የምታየው ነገር ካላማረህ ውጤቱ ሊያምር እንደማይችል ተገንዘብ። የነገሮች ፍፃሜ ስቃይ ሊመስል ይችላል፣ ከለመዱት ሰውም ሆነ ሁኔታ መለየት ከባድ ሊመስል ይችላል ነገር ግን ስቃዩም ሆነ ክብደቱ ጊዜያዊ እንጂ ዘላቂ አይደለም። ጊዜያዊው ስቃይ የዘላቂው ፈውስ በር ከፋች ነው፣ ጊዜያዊው ህመም ለነፃነት መንገድ ጠቋሚ ነው። ከባድ ውሳኔዎችን ወስን፣ የሚያስፈራህን ነገር አድርግ፣ የተውከው ቦታ አትመለስ፣ ራስህን ከማንም በላይ ውደድ። መሔድ ያለበት ይሒድ ማንንም እንዲቆይ አትለምን፣ መምጣት የሚፈልግም ይምጣ ማንንም እንዲመጣ አታስገድደው። ለራስህ ነፃነት ስጥ፣ የልብ መሻትህን አዳምጥ፣ በከባባድ ውሳኔዎች ራስህን አሳድግ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

ቀና በሉ!
➡️➡️🗣️
ካቀረቀራችሁበት፣ አንገታችሁን ከደፋችሁበት፣ ከተሰበራችሁበት ነገር ላይ ቀና በሉ፤ በስህተታችሁ ደጋግማችሁ ከመጎዳት፣ እራሳችሁን ባላንጣ አድርጎ መኖርን፣ እራሳቹን ችላ ማለትን አቁሙ፣ በምትኩ ቀና ብላችሁ ለእራሳችሁ ፈውስ ሁኑ፣ ቀና ብላችሁ ማንነታችሁ ላይ ስሩ፣ ዋጋችሁን ጨምሩ፣ ወደፊታችሁን አስተካክሉ፣ ስህተታችሁን አርሙ፣ ለክብራችሁ ቦታ ይኑራችሁ። ፈርቶ ያቀረቀረ፣ ለእራሱ የሚሰጠውን ዋጋ አሳንሶ አንገቱን የደፋ፣ ለእራሱ መብት መሟገት የማይችል፣ ደጋግሞ እራሱን በተመሳሳይ አዙሪት ውስጥ የሚከት ሰው ሁሌም እንደተጎዳ፣ ሁሌም እንደተጨቆነና አብዝቶ ዋጋ እንደከፈለ ነው። ለስሜታችሁ በመገዛት የህመማችሁ ምክንያት እራሳችሁ ከመሆን ተቆጠቡ፣ ለሰዎች ቅድሚያ በመስጠት እራሳችሁ እራሳችሁን መሰበርና ማጎሳቆል አቁሙ።

አዎ! ጀግናዬ..! ለእራስ መቆም፣ እራስን መጠበቅ፣ ለእራስ መወገን መብት ቢሆንም ግዴታዎችም እንደሚያካትት አስተውል። የምትፈልገውን ህይወት ለመኖር ከሁሉ የሚቀድመው ተግባር እራስን መጠበቅ፣ እራስን ማዳንና ለእራስ መቆም መቻል ነው። ተሰብረህ ስብራትህን ለማከው ሌላ ሰው እንዲመጣልህ አትጠብቅ፣ አቀርቅረህ፣ አንገትህን ደፍተህ፣ እራስህ ላይ ጨክነህ፣ ህይወትህ ላይ ጥላ አጥልተህ፣ ስህተቶችህ ላይ አተኩረህ፣ ከችግሮችህ ጋር ተዳብለህና ከፈተናዎችህ ጋር ተዋህደህ እየኖርክ ማንም አንተን ከዚህ ሁሉ አጣብቂኝ ውስጥ ቀና ሊያደርግህ አይመጣም፣ ማንም አንተን ሊታደግ ዋጋ አይከፍልም። ቀና ብለህ መፋለም ላለብህ ነገር ተፋለም፣ እራስህን ሰተህ ለእራስህ ቁም፣ መብትህን ለማስከበር እራስህን አጠንክር፣ ውስጥህን አበርታ።

አዎ! ቀና በሉ፣ ዙሪያችሁን ተመልከቱ፣ አካባቢያችሁን ቃኙ። ከሚጎዳችሁ፣ አላስፈላጊ ዋጋ ከሚያስከፍላችሁ፣ ደጋግሞ ከሚያሳምማችሁ ከባቢ እራሳችሁን ነጥሉ፣ ገለል በሉ፣ ወደ እራሳችሁ ተመለሱ። ቀና ማለት እስራትን ይፈታል፣ ቀና ማለት በእራስመተማመንን ይጨምራል፣ ቀና ማለት አካባቢያችንን እንድንቃኝ ያደርገናል፣ ቀና ማለት ፈተናዎችን ተሻግሮ ለማለፍ ያዘጋጀናል። ቀና ብላችሁ ለእራሳችሁ ተፋለሙ፣ ቀና ብላችሁ ወደፊት ተራመዱ፣ ቀና ብላችሁ ለእራሳችሁ ችግር መፍትሔ ፈልጉ። ማብቃት ያለበት ጉዳይ እንዲያበቃ፣ መጀመር ያለበትም ጉዳይ እንዲጀመር ቀና ብላቹ ፊት ለፊት ተጋፈጡ፣ ውስጥ ውስጡን እራሳችሁን መጉዳታችሁን አቁሙ። ቀና በሉ ለመብታችሁ ቁሙ፣ ለእራሳችሁም ከለላ ሁኑ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

ውሎህ ምርጫ ነው!
➡️➡️➡️🗣️🗣️
ዛሬ ምርጫህ ሳትሆን ስጦታህ ነች። ስጦታህን የመጠቀምና የማባከን ምርጫው ግን ያንተ ነው። እንደ ስጦታ የምንጠቀመውና እንደምርጫ የምናልፍበት የህይወት መንገድ አለ። መረጥክም አልመረጥክም የመረጥከውን ትኖራለህ፤ ወደድክም ጠላህም በወደድከው መንገድ፣ ሚዛን በደፋልህ ጎዳና ትጓዛለህ። ሳልፈልገው አረኩት፣ ሳይመቸኝ መረጥኩት የሚባል ነገር የለም። ለፍላጎትህ መክፈል የሚገባህን ዋጋ ስላልከፈልክ የማትፈልገውን እያደረክ ትኖራለህ፤ ስላልተመቸህ ሌላ አማራጭ ለመሞከር ዝግጁ አልነበርክምና ባልተመቸህና ስሜት በማይሰጥ ሁኔታ ውስጥ እራስህን ታገኛለህ።

አዎ! ጀግናዬ..! ውሎህ ምርጫ ነው። ማድረግ የሚገባህን ለማድረግ፣ መተው፣ መሻገር፣ ማለፍ የሚገባህን ለማለፍ ሁሌም ነፃ ነህ። ምንም እንኳን ቀንህ ስጦታ ብትሆንም የምታሳልፍባት መንገድ ግን ምርጫ ነው። በሚጠቅምህ ተግባር ማሳለፍ፣ በወደድከው ምርጫ መኖር፣ በሚመችህ አኳሃን ትርፋማ ማድረግ ያንተ ምርጫ ነው። ህልምህን እንደምትኖር የምታረጋግጠው በቀናት በሚደጋገሙ ተግባራትህ ነው። አንተ ዋጋ ሳትሰጠው፣ ትኩረት ሳታደርግበት፣ ጊዜ እንኳን ሳትመድብለት፣ ወደ ተግባር ሳትገባ የሚቀይርህ፣ የሚያሳድግህ፣ የሚያነሳህ በፍቃዱ የሚሰራለህ ቀን፣ ላንተ ብሎ የሚኖር ሃሳብም ሆነ ምኞት የለም።

አዎ! ለቀንህ ስሜት ይኑርህ፤ ለውሎህ ተጠንቀቅ። የተሻለ ነገን ማለምህን ቀጥል ስራህን ግን ዛሬ ጀምር፤ ብሩህ ወደፊት ማለምህን ቀጥል እርምጃህን ግን አሁን አሃዱ በል። ዋጋ ያልተሰጣት ቀን በምንም ተዓምር ዋጋዋን ማሳደግ፣ ትርፋማ መሆንና ለውጤት መብቃት አትችልም። ዛሬ ህልምህ ላይ የምትዘምትበት መሳሪያህ ነው፤ አሁን የነገህን በር የምትከፍትበት ሁነኛ ቁልፍ ነው። ባለቤቱ ያላከበረውን ስጦታ አካባሪ አይላክለትምና ቀንህ ያንተ እንደሆነች አስብ፤ ትርጉም በመስጠት አክብራት፤ በቻልከው ልክ ጣርባት፤ እንዳስፈላጊነቱ እረፍባት፣ ፋታ ውሰድባት። ነገር ግን ሁሌም የትርፋማነትህ ግብዓት አድርጋት።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

የመረጠችህን ምረጥ!
➡️➡️➡️🗣️🗣️🗣️
ብዙ ሴት ታውቃለህ፣ ከብዙዎቹ ጋርም የተለያየ ግንኙነት ይኖርሃል። ከነዚህ መሃል ግን አንዲት ሴት ፈልጋና ወዳህ ወደ ህይወትህ ትገባለች። ይህቺ ሴት በተለየ መንገድ ከጎንህ ትቆማለች፣ እሴትን ትጨምርብሃለች፣ ዋጋህን ከፍ ታደርጋለች፣ ከማንም በተለየ ትረዳሃለች ታግዝሃለች፣ በእርሷ ካንተ ጋር መሆን ነገሮች ሁሉ ምንያህል መቀየር እንደቻሉ ታስተውላለህ። ይህቺ ሴት ልቧን ትሰጥሃለች፣ ክብሯን፣ መዓረጓን፣ ማንነቷን፣ ሁለመናዋን አሳልፋ ትሰጥሃለች፣ ታምንብሃለች። ምንም በሌለህ ሰዓት አብራህ ነች፣ የምትፈልገው አንተን እንጂ አንተ ያፈራሀውን ንብረት ወይም የተሰጠህን ዝና አይደለም። ይህቺ ሴት እውነተኛዋ ሴት ነች፣ ይህቺ ሴት ያንተ ሴት ነች፣ ይህቺ ሴት መርጣህ መጥታለችና ብታቆያት ታተርፋለህ ከተለየሃት ግን ብዙ ነገር ታጣለህ። ከመረጠችህና ከመረጥካት ሴት የትኛዋ ህይወትህን ልታጣፍጥ እንደምትችል አስቀድመህ ተረዳ። ምናልባትም ያንተ ምርጫ የማትፈልግህ ሴት ላይ ወድቆ ሊሆን ይችላል። እርሱ ደግሞ ምንያህል ከባድ ሁኔታ ውስጥ እንደሚከትህ አንተ ታውቃለህ።

አዎ! ጀግናዬ..! ብልጥ ሁን፣ ወዳጅህን በጥበብ ምረጥ። ወዳጅ ሲባል የአጭር ጊዜ ወዳጅ አይደለም፣ ወዳጅ ሲባል ዛሬ አግኝተህ ነገ የምትተወው ወዳጅ አይደለም። እውነተኛዋን የህይወት ዘመን ወዳጅህን በጥንቃቄ ምረጥ። ብዙ ሰው ልታውቅ ትችላለህ ብዙ ሰው ሊቀርብህ ይፈልግ ይሆናል ነገር ግን ሁሉም ፈላጊህ የልብ ወዳጅህ አይደለም፣ ሁሉም ጠላትህም የህይወት ዘመን አሳዳጅህ አይደለም። ሰው መቼ እንደሚቀየር አታውቅምና የመረጠችህን ምረጥ፣ ከወደደችህ ተጠጋ፣ ከፈለገችህ ጋር አንድ ሁን። ጊዜያዊ ደስታህን ብቻ ለማርካት እዚም እዛም አትበል። ህይወትህ የተገደበ ነው፣ በጊዜው ቁብነገር ያስፈልገዋል። ያየሀው ቢያምርህ አንዱንም ሳታገኝ ልትቀር እንደምትችል እወቅ። ጉጉትህን ገድበው፣ ስሜትህን ሁሉ አትስማ፣ የመረጥካትን ስታሳድድ የመረጠችህን እንዳታጣ ተጠንቀቅ። ቁብነገረኛ መሆን በሚኖርብህ ጉዳይ ስትቀልድ ብትገኝ ህንወትም በተራዋ ስትቀልድብህ ትመለከታታለህ። የህይወት ዘመን አጋርህ የህይወት አቅጣጫህን የመቀየር ትልቅ አቅም እንዳላት አስተውል። ነገሮችን ዛሬ ላይ ማስተካከል እየቻልክ ለነገ ቁጪት ራስህን አታመቻች።

አዎ! ጀግኒት..! ብዙ ምርጫ ቢኖርሽም መሆን የምትችይው ግን ከአንድ ሰው ጋር ነው፤ ብዙ ሰው ብታውቂም ያንቺ ብቻ ሊሆን የሚችለው አንዱ ብቻ ነው። ደጋግሞ የሚያስብሽ፣ የተለየ ቦታ የሰጠሽ፣ በልቡ ላይ ያነገሰሽ ሰው እያለ የማያስታውስሽን፣ በንቀት አይን የሚመለከትሽን አይንሽን ለአፈር ያለሽን ሰው እየተለማመጥሽ ጊዜሽን አታባክኚ። ሰው ወዶ እንጂ ተገዶ በፍቅር ሊወድቅ አይችልም፣ መርጦ እንጂ ተመርጦ ደስታን ሊሰጠን አይችልም። ራስሽን አታሳዝኚ፣ ውስጥሽን አታውኪ፣ ልብሽን አታድክሚ። ዓለም እንጂ ህይወት ዘጠኝ አይደለችም። ያንቺ ሰው እያለ ሌላ ሰው ጋር አትሂጂ፣ እንደ ልዕልት የሚንከባከብሽ እያለ እንደ ባሪያ የሚያሰቃይሽ ጋር አትሂጂ። ህይወትሽ ሲዖልንም ሆነ ገነት ይሆን ዘንድ ወሳኟ አንቺ እንደሆንሽ አስተውይ። ለህይወትሽ የሚሆን ትክክለኛ ሰው ምረጪ፣ በምርጫሽም የመረጠሽን ምረጪ። ከገዛ ስሜትሽ ቀደም በይ፣ በአስተውሎት ተራመጂ፣ ወሳኝ ውሳኔዎችን በአንክሮ አሳልፊ።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪

ረፍዶ አያውቅም!
➡️➡️➡️🗣️🗣️
ራሳችሁን ከልክ በላይ አታስጨንቁ፣ አዕምሯችሁን አትወጥሩት፣ "የኔ ጊዜ አልፏል፣ አብቅቷልኛል፣ ከዚህ ቦሃላ ምንም ባደርግ አይሳካልኝም፣ አቅሜን ጨርሼአለሁ፣ የቀደመ ተነሳሽነቴ ተመልሶ አይመጣም።" ብላችሁ ራሳችሁን አሳስራችሁ አታስቀምጡ። በህይወት እስካላችሁ ድረስ የፈለጋችሁትን የማድረግ ጊዜ እንዳላችሁ አስቡ፣ እየተንቀሳቀሳችሁ እስከሆነ ድረስ በመረጣችሁት መንገድ የመጓዝ አቅሙ እንዳላችሁ እመኑ። በገዛ ፍቃዳችሁ ነገሮችን አታወሳስቡ፣ ፈልጋችሁ ለዝንጉነት ቦታ አትስጡ። በቀን ውስጥ ሁሉም ሰው 24 ሰዓት አለው፣ ይህ 24 ሰዓት ግን ለሁሉም እኩል ውጤትን አያመጣም። የጊዜያቸው ውድነት የገባቸው ሰዎች ጊዜን በገንዘብ ይገዛሉ፣ የጊዜያቸው ውድነት ያልገባቸው ሰዎች ደግሞ እንዲሁ በቀላሉ ያባክኑታል። ትናንት በየትኛውም አልባሌ ነገር ውስጥ አሳልፉ፣ ጊዜያችሁ እንዴትም ይባክን፣ ፍላጎታችሁም ሳይሳካ ይቅር አሁንም ግን በቂ ጊዜ አላችሁ። ያለፈ ጊዜ ውስጥ ምንም ተመላሽ ጊዜ የለም፣ በትናንተ ላይ አንዳች የሚፈፀም ተግባር አይኖርም። ለሁሉም እኩል በተሰጠው ጊዜ ምክንያት ተስፋ አትቁረጡ።

አዎ! ረፍዶ አያውቅም፤ እንደ ጨለመ ቀርቶ አያውቅም፣ ጀምበሯ እንዳዘቀዘች፣ ብረሃኗን እንደነፈገች፣ ዓለምም ፊቷን እንዳዞረች አትቀርም። በአምላኩ ድንቅ አድራጊነት ለሚያምን ሰው ሁሌም የበረከት በሮች ክፍት ናቸው። ዕዴሜው ጨመረ፣ ሰውነቱ ዛለ፣ ተነሳሽነቱ ቀነሰ፣ አቅመቢስ ሆነ፣ ሱስ አደከመው የሚባሉ ነገሮች አይሰሩም። ልባችሁ ብረሃን፣ ውስጣችሁ ንቁ፣ በፈጣሪ ስራ የምታምኑ ከሆነ ባለፈ ታሪክ ምክንያት ወደፊታችሁን ጨለማ አድርጋችሁ አትመለከቱም። ማድረግ ያለባችሁን ነገር አሁን አድርጉት፣ መጀመር ያለባችሁን ጉዳይ አሁን ጀምሩ። ለዓመታት ቀጠሮ ማብዛታችሁ ዛሬ እንደ ረፈደባችሁ እንድታስቡ አድርጓችኋል፣ ትናንተ ላይ ቸልተኛ መሆናችሁ ዛሬ ደካማና ልፍስፍስ አድርጓችኋል፣ ባለፈ ጊዜ አላማቢስ መሆናችሁ ዛሬ እጅጉን የተመሰቃቀለ ህይወት እንድትኖሩ አድርጓችኋል። ነገር ግን አሁንም አልረፈደም፣ ወደ ትክክለኛው መንገድ ለመመለስ፣ ጥፋታችሁን ለማረም፣ ቀና ብሎ ለመራመድ፣ የህይወት አላማን አግኝቶ ለመኖር በፍፁም አልረፈደም። "ረፍዶብኛል፣ ጊዜው የእኔ አይደለም።" ብላችሁ ከምትጨነቁ "ጊዜው የእኔ ነው፣ አሁንም በራሴ ላይ ስልጣን አለኝ፣ እርሱንም የምፈልገውን በማድረግ አሳያለሁ።" ብላችሁ ተግባሩን ጀመሩት።

አዎ! ጀግናዬ..! ያለፈን እድል እያሰቡ መቆዘም እድሉን አይመልስም። አባባሉ እንደሚለው "በድሮ በሬ ያረሰ የለም።" ማረስ ከፈለክ አዲስ በሬ ጠምደህ እረስ፣ የምርም ወደፊት መጓዝ ከፈለክ ትናንትህን ሽረህ ዛሬህ ላይ ተደገፍ። ታሪክህ በብዙ አስከፊ ነገሮች ተበላሽቶ ይሆናል አዲስ የተለየ ታሪክ የመፃፍ አድልህ ግን በእጅህ ነው። ነገሮችን በራስህ ላይ ማዳፈን አቁም፣ የነካሀው ሁሉ እንደሚሰበር፣ ያሰብከው ሁሉ እንደማይሳካ ማመን አቁም። በትናንት ማንነትህ ራስህን ወቀስክ አልወቀስክ፣ ጥፋትህን አጎላህ አላጎላህ፣ በራስህ ተበሳጨህ አልተበሳችሁ  ካንተና ከፈጣሪ በቀር ማንም ስላንተ ሃሳብና ጭንቀት ግድ እንደሌለው አስታውስ። ከራስህ ጋር ሰላም ፍጠር፣ በቀላሉ የሚረበሽ ሰው አትሁን፣ ተስፋህን አርቀህ ስቀለው፣ ስሜትህን ለማንም አታሳይ፣ የግል ዓለምህን ከልለው። አንተ ራስህ ላይ ከጨከንክ ማንም ሊያዝንልህ አይችልም፣ አንተ ልብህን ካስጨነካት ማንም ሊያዳምጣት አይችልም። ውጥረትህን ቀንስ፣ ጭንቀትህን ግዛ፣ ብዙዎች ረፍዷል ብለው በተዘናጉበት ወቅት አንተ ካለፈው ጊዜ በላይ በዛሬውና በነገው ተማምነህ ያለህን ጊዜ በስስት ተጠቀም።
ግሩም ድንቅ ቀን ይሁንልን! 🏞🌞🌅
✍️ (Epha A.)
ምክረ-አዕምሮ ለተሻለ ነገ! 🦋
#SHARE እንዳይረሳ ቤተሰቦች!

በYouTube አማራጭ ይቀላቀሉን!
🔺🔻 SUBSCRIBE NOW
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @mikre_aimro 😊 💪