نعي لفقد الأحباب ويصلح لمناسبات أهل البيت ع




دمع العين عل الطيبين. ينسال
بجفاهم كل عظم ياريت. ينسال
يجاوب گلبي من مرات. ينسال

تون اشبيك گلهم گصوا بيه



گرب علينه العيد چنه
وغياب ياوسفه أهلنه
مابطل أعليهم دمعنه
وماتم بلگلب ليهم نصبنه
وعليهم مافتر لحظه حزنه
چانوا أبكل مصباح يمنه



ماينسون أعزاز الگلوب
التعودنه عليهم شالوا النوب
وغيابهم ماندري چم دوب
جفونه ولبسنه أسود الثوب
لو حل علينه وكت الغروب
نتنطر ألهم نلزم البوب



شيعودكم لينه وتردون
وردود ويانه تگعدون
وعن أدياركم لا ما تشيلون
وترد ضحكاتهه من عدهه العيون
أهلنه وماحسبنه أبساع يمشون
وجوا أتراب ياوسفه ينامون



بجفاكم گلبي اتراكم عليهم
بچيت وحومرت عيني عليهم
التراب بهيده لوهلته. عليهم
اعزاز وشعلو النيران بيه

****************************
بقلمي الشاعر ملا مهدي الكليباوي

26 ////////// 4 //////// 2020


اللهم لا تحرمني من خدمة الحسين
https://t.me/joinchat/AAAAAFPDsKYm96F82qowzA