𝐍𝐢𝐠𝐡𝐭𝐢𝐧𝐠𝐚𝐥𝐞 𝐂𝐡𝐚𝐧𝐧𝐞𝐥

ရှမ်းမြောက်ပြန် PLA ရဲဘော်များ အညာဒေသတွင် မဟာမိတ်များနှင့် စစ်ဆင်ရေးဖော်ဆောင် သွားမည်

အောက်တိုဘာ ‌၂၅၊ ၂၀၂၄

ရှမ်းပြည်နယ်မြောက်ပိုင်း သန္နီ၊ လားရှိုးနှင့် မိုးမိတ် မြို့သိမ်းတိုက်ပွဲများတွင် အောင်ပွဲ ရရှိခဲ့သော PLA ရဲဘော်များသည် အညာဒေသ၌ မဟာမိတ်အဖွဲ့များနှင့် စစ်ဆင်ရေးဖော်ဆောင် သွားမည် ဖြစ်ကြောင်းသိရသည်။

၁၀၂၇ စစ်ဆင်ရေး ပထမပိုင်းနှင့် ဒုတိယပိုင်းတွင် ယင်းမြို့များ၌ တာဝန်ကျေပွန်စွာ ထမ်းဆောင်ခဲ့ သော PLA ရဲဘော်များကို အညာဒေသတစ်နေရာတွင် ပြည်သူလူထုက လှိုက်လှဲစွာ ကြိုဆိုခဲ့ကြ ကြောင်း ပြည်သူ့လွတ်မြောက်ရေးတပ်မတော် PLA ထံက သိရသည်။

"PLA တပ်ဖွဲ့တွေ တချို့တစ်ဝက်လည်း အညာဒေသကို ပြန်ရောက်ပြီဆိုတော့ အညာမှာရှိတဲ့ တခြားမဟာမိတ်တပ်ပေါင်းစုတွေ၊ PDF ၊ Local PDF ၊ ပက‌ဖတွေပါမယ်။ တခြားအဖွဲ့ပေါင်းစုံပေါ့နော်။ အားလုံးနဲ့ပူးပေါင်းပြီး စစ်ဆင်ရေးဖော်ဆောင်ဖို့ရှိပါတယ် " ဟု ပြည်သူ့လွတ်မြောက်ရေးတပ်မတော် ( PLA ) ၏ အထွေထွေအတွင်းရေးမှူး ရဲဘော်နီနီကျော်က MPA ကို ပြောသည်။

ဆက်လက်ဖတ်ရှုရန် 👇👇

ပျူများကို စစ်မှုထမ်းရန် ဌားပြီး သင်တန်းကျောင်းရောက်လျှင် ပြန်ပြေးစေခြင်းနည်းဖြင့် စစ်တပ် လုပ်စားနေ

အောက်တိုဘာ ‌၂၅၊ ၂၀၂၄

စစ်တပ်က ဒေသခံများထံမှ ကောက်ယူထားသည့်ငွေဖြင့် ပျူစောထီးများကို စစ်မှုထမ်းရန် ငှားရမ်းပြီး သင်တန်းကျောင်းရောက်လျှင် ပြန်ထွက်ပြေးစေခြင်းနည်းဖြင့် လုပ်စားနေကြကြောင်း ဒေသခံများထံမှ စုံစမ်းသိရှိရသည်။

မွန်ပြည်နယ်၊ ချောင်းဆုံမြို့နယ်အတွင်းရှိ စစ်တပ်သည် စစ်မှုထမ်းဆောင်လိုချင်းမရှိသူများထံမှ ငွေကြေးကောက်ခံပြီး အစားထိုးစစ်မှုထမ်းမည့်သည်များကို ရှာဖွေပေးကာ သံဖြူဇရပ်မြို့နယ်၊ ဝဲကလိရွာရှိ အမှတ်လေး တန်းမြင့်လေ့ကျင့်ရေးကျောင်းသို့ရောက်လျင် ပြန်လည်ထွက်ပြေးနိုင်ရန် လေ့ကျင့်ရေးကျောင်းတာဝန်ရှိသူများကို ငွေပေးကာ ညှိနှိုင်းထားကြောင်း ချောင်းဆုံမြို့နယ်ရှိ သတင်းရင်းမြစ်ထံမှ သိရသည်။

ဆက်လက်ဖတ်ရှုရန် 👇👇

မြောက်ခင်ရမ်းကပျူစောထီးများပစ်ခတ်လိုက်တဲ့လက်နက်ကြီးထိမှန်လို့တောင်ခင်ရမ်းက အရပ်သားနှစ်ဦးထိခိုက်ဒဏ်ရာရ

အောက်တိုဘာ ‌၂၅၊ ၂၀၂၄

မကွေးတိုင်းဒေသကြီး၊ဂန့်ဂေါမြို့နယ်၊ မြောက်ခင်ရမ်းရွာတွင်နေထိုင်နေကြတဲ့ ပျူစောထီးတပ်ဖွဲ့၀င်များက ဒီကနေ့ညနေ ၂ နရီခွဲ၀န်းကျင်မှာ တောင်ခင်ရမ်းရွာဘက်ကိုလက် နက်ကြီးတွေအကြောင်းမဲ့ပစ်ခတ်ခဲ့တယ်လို့သတင်းရရှိပါတယ်။

အဆိုပါလက်နက်ကြီးထိမှန်မှုကြောင့်တောင်ခင်ရမ်းရွာက အမျိုးသား တစ်ဦး၊အမျိုးသမီးတစ်ဦး ခြေထောက်ကျည်ထိမှန်လို့ထိခိုက်ဒဏ်ရာရရှိခဲ့ပြီးအမျိုးသမီးတစ်ဦးကတော့ စိုးရိမ်ရတယ်လို့ ဒေသခံတွေထံကသိရပါတယ်။

ဒေသခံတစ်ဦးက" ‌ညနေနှစ်နာရီခွဲလောက်မှာပစ်တာပါ။ လက်နက်ကြီးကျည်ကရွာထဲကို ၃ လုံးကျတာပါ၊အခု ထိတာလဲ နှမ်းအိတ်တွေဖောက်ပြီး မှလူထိသွားလို့ပါဗျ၊မဟုတ်ရင်တော့ အခြေအနေဒီထက်ဆိုးနိုင်ပါတယ်၊အမျိုးသားတစ်ဦးကတော့သိပ်မစိုးရိမ်ရဘူး၊အမျိုးသမီးတစ်ဦးကတော့ ခြေထောက်မှာဒဏ်ရာကြီးတယ်ဗျ၊အခုလက်နက်အသစ်တွေလေယာဉ်နဲ့လာပို့တာမကြာသေးဘူး၊အဲဒါတွေနဲ့ရမ်းပစ်ကြတာပါ"လို့ Zalen ကိုပြောပါတယ်။

ဆက်လက်ဖတ်ရှုရန် 👇👇

ရေဘေးသင့် ဒေသများအတွက် အမေရိကန်က ဒေါ်လာ ၃ သန်းထပ်မံထောက်ပံ့မည်

အောက်တိုဘာ ‌၂၅၊ ၂၀၂၄

မြန်မာနိုင်ငံတွင် ၂၀၂၄ခုနှစ် စက်တင်ဘာလက ရေကြီး၊ ရေလျှံမှုကြောင့် ပျက်စီးဆုံးရှုံးခဲ့ရသည့် ရပ်ရွာများကို အမေရိကန်နိုင်ငံက လူသားချင်းစာနာမှုဆိုင်ရာ အထောက်အပံ့အဖြစ် အမေရိကန်ဒေါ်လာ (၃)သန်း ထပ်မံထောက်ပံ့မည်ဖြစ်ကြောင်း အမေရိကန်သံရုံးက ယနေ့၂၀၂၄ ခုနှစ် အောက်တိုဘာလ (၂၅)ရက်နေ့တွင် ထုတ်ပြန်သည်။

ရေကြီးရေလျှံမှုကြောင့် လူပေါင်းတစ်သန်းကျော် ရေဘေးဒုက္ခ ခံစားခဲ့ရသဖြင့် အမေရိကန်၏ နိုင်ငံတကာဖွံ့ဖြိုးတိုးတက်ရေးအေဂျင်စီ (USAID)က မြန်မာနိုင်ငံရှိ ရေဘေးသင့် ရပ်ရွာများတွင် နေထိုင်သူများအား ဒေါ်လာ(၃)သန်း ထပ်မံ ထောက်ပံ့မည်ဟု ဆိုသည်။

ဆက်လက်ဖတ်ရှုရန် 👇👇

ဇီးကုန်း၊ ဒိုးနွယ်ရွာတွင် တပ်စွဲထားသော စစ်တပ်က အနီးအနားရွာများကို စစ်ကြောင်းထိုးနေ၍ တိုက်ပွဲပြင်းထန်နေပြီး စစ်တပ်ဘက်မှ လက်နက်ကြီးများဖြင့် ရွာထဲကို ပစ်ခတ်သောကြောင့် ထောင်နှင့်ချီသော ပြည်သူများ တိမ်းရှောင်နေရ

အောက်တိုဘာ ‌၂၅၊ ၂၀၂၄

ပဲခူးတိုင်း၊ ဇီးကုန်းမြို့နယ်၊ ဒိုးနွယ်ရွာတွင် တပ်စွဲထားသော အကြမ်းဖက် စစ်တပ်က အနီးအနားရွာများကို စစ်ကြောင်းထိုးနေ၍ တိုက်ပွဲပြင်းထန်နေပြီး စစ်တပ်ဘက်မှ လက်နက်ကြီးများဖြင့် ရွာထဲကို ပစ်ခတ်သောကြောင့် ထောင်နှင့်ချီသော ပြည်သူများ တိမ်းရှောင်နေရကြောင်း ဒေသတွင်း တော်လှန်ရေး သတင်းရင်းမြစ်များက ရန်ကုန်ခေတ်သစ် မီဒီယာသို့ ပြောဆိုသည်။

အောက်တိုဘာလ ၂၃ ရက်နေ့က စတင်ပြီး ဇီးကုန်းမြို့နယ်၊ ဒိုးနွယ်ရွာတွင် တပ်စွဲထားသော အကြမ်းဖက် စစ်ကောင်စီ တပ်သားများသည် အနီးအနားရှိ ကျေးရွာများကို စစ်ကြောင်းထိုး စီးနင်းနေ၍ ဒေသ တော်လှန်ရေး တပ်ဖွဲ့များနှင့် တိုက်ပွဲပြင်းထန်နေခြင်းဖြစ်ကြောင်း သိရသည်။

ဆက်လက်ဖတ်ရှုရန် 👇👇

လှိုင်မှာ ရွှေဆိုင်သိမ်းပြီး ပြန်လာတဲ့ကား လုယက်သူ သုံးယောက်ကို ဖမ်းမိ

အောက်တိုဘာ ‌၂၅၊ ၂၀၂၄

ရန်ကုန်တိုင်း၊ လှိုင်မြို့နယ်မှာ ရွှေဆိုင်သိမ်းပြီး ပြန်လာတဲ့ကားကို ရွှေဆိုင်ပိုင်ရှင် အိမ်ရှေ့မှာ လူလေးယောက်က လုယက်ခဲ့ပြီးနောက် အဲဒီ လေးယောက်ထဲက သုံးယောက်ကို သက်သေခံတွေနဲ့အတူ ဖမ်းဆီးလိုက်ပြီ ဖြစ်တယ်လို့ အောက်တိုဘာ ၂၄ ရက်နေ့မှာ စစ်ကောင်စီက ထုတ်ပြန်ပါတယ်။

လုယက်မှုဟာ အောက်တိုဘာ ၂၁ ရက်နေ့မှာ ဖြစ်ပွားခဲ့ကာ လှိုင်မြို့နယ် အမှတ် ၄ ရပ်ကွက် အေးရိပ်မွန်လမ်းမကြီပေါ်က ခြံအမှတ် ၂ ရှေ့မှာ လုယက်ခဲ့ကြတာဖြစ်ပြီး တစ်ယောက်မှာ လွတ်မြောက်နေဆဲ ဖြစ်တယ်လို့ ဆိုပါတယ်။

လုယက်သူတွေထဲပါဝင်တဲ့ ထက်အောင်ခိုင် ရဲ့ ဇနီးဖြစ်သူ မသက်ထားခိုင် (ခ) ရည်မွန်အေးကို တောင်ဥက္ကလာ ၅ ရပ်ကွက် ပါရမီလမ်းနဲ့ သုမင်္ဂလာလမ်းဆုံမှာ စစ်ဆေးခဲ့ရာကနေ ဘေးလွယ်အတွင်း ပလက်တီနမ် ရွှေဖြူဆွဲကြိုး ရှစ်ကုံးနဲ့အတူ ငွေ ၁၀ သိန်းကျပ်တို့ကို တွေ့ရှိခဲ့တယ်လို့ သိရပါတယ်။

ဆက်လက် စုံစမ်းမေးမြန်းခဲ့ရာမှာတော့ ခင်ပွန်းဖြစ်သူက ရောင်းချခိုင်းတယ်လို့ ထွက်ဆိုပြီး အဲဒီနောက် ထက်အောင်ခိုင် (၃၆) နှစ် (ဘ) ဦးအေးချိုကို စတင်ဖမ်းမိနိုင်ခဲ့တယ်လို့ ဆိုပါတယ်။

ဆက်လက်ဖတ်ရှုရန် 👇👇

ဂွမြို့ တိုက်ပွဲမှာ စစ်ကောင်စီဘက်က ဆုတ်ခွာနေရ

အောက်တိုဘာ ‌၂၅၊ ၂၀၂၄

ရခိုင်ပြည်ရဲ့ တောင်ဘက်အစွန်ဆုံးဖြစ်တဲ့ ဂွမြို့နယ်မှာ စစ်ကောင်စီ စစ်ကြောင်းနဲ့ အာရက္ခတပ်တော် ( AA) တို့ ဒီကနေ့ အောက်တိုဘာလ ၂၅ ရက်၊ နံနက် ၅ နာရီခန့်မှာ တိုက်ပွဲဖြစ်ပွားခဲ့ပြီး စစ်ကောင်စီတပ်က ထိခိုက်သေဆုံးမှုတွေနဲ့ ဆုတ်ခွာထွက်ပြေးရတာတွေရှိတယ်လို့ စစ်ရေးသတင်းအရင်းအမြစ်တစ်ဦးက CJ Platform ကို ပြောပါတယ်။

ဂွမြို့နယ်၊ ကြွေချိုင်ရွာထိပ်ရှိ တောင်ပိန္နဲရိပ် စားသောက်ဆိုင်အနီး စစ်ကောင်စီတပ် စစ်ကြောင်းကို AA က အလစ်အငိုက် ဝင်ရောက်တိုက်ခိုက်ခဲ့တာဖြစ်တယ်လို့ စုံစမ်းသိရှိရပါတယ်။

“မနက်အစောကြီးရှိသေးတယ်။ အပြန်အလှန်ပစ်နေတာ တော်တော်ကြာတယ်။ စစ်တပ်က အငိုက်မိသွားတာ။ သေတဲ့လူလည်း အတော်များတယ်။ ပြန်မဆွဲနိုင်ဘူး။ လက်နက်တွေလည်းထားခဲ့ပြီး ထွက်ပြေးသွားတယ်”လို့ CJ Platform ရဲ့ စစ်ရေးသတင်းအရင်းအမြစ်က ပြောပါတယ်။

စစ်ကောင်စီနဲ့ AA တို့ကြား တစ်နာရီခွဲကြာ တိုက်ပွဲဖြစ်ပွားခဲ့ပြီး စစ်ကောင်စီဘက်က လက်နက်တချို့ကို AA က သိမ်းဆည်း ရရှိခဲ့တယ်လို့ သူက ဆက်ပြောပါတယ်။

ဆက်လက်ဖတ်ရှုရန် 👇👇

ယင်းမာပင်မြို့နယ်တွင် သံအမတ်ကြီး ဦးကျော်မိုးထွန်းကို ထောက်ခံကြောင်း ချီတက် ဆန္ဒထုတ်ဖော်

အောက်တိုဘာ ‌၂၅၊ ၂၀၂၄

ယင်းမာပင်မြို့နယ်တွင် ယင်းမာပင်မြောက်ခြမ်း နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက သံအ မတ်ကြီးဦးကျော်မိုးထွန်းကို ထောက်ခံကြောင်း၊ ‘’Our Ambassador Myanmar’s Voice” “ငါတို့သံအမတ်ကြီးသည် ငါတို့မြန်မာပြည်ရဲ့အသံ ဖြစ်သည်‘’ စာသားကိုင်ဆောင်ပြီး အောက်တိုဘာလ ၂၅ ရက်နေ့တွင် ဆန္ဒထုတ်ဖော်ခဲ့ကြကြောင်း သိရှိရသည်။

KTM
𝐍𝐢𝐠𝐡𝐭𝐢𝐧𝐠𝐚𝐥𝐞 𝐂𝐡𝐚𝐧𝐧𝐞𝐥 🕊

အငြင်းပွားရေပိုင်နက်မှ တရုတ် ကမ်းခြေစောင့်တပ်ဖွဲ့သင်္ဘောကို မောင်းထုတ်ခဲ့ဟု အင်ဒိုနီးရှား ပြော

အောက်တိုဘာ ‌၂၅၊ ၂၀၂၄

ပြီးခဲ့တဲ့ရက်ပိုင်းအတွင်း တောင်တရုတ်ပင်လယ်ရှိ အငြင်းပွားရေပိုင်နက်မှ တရုတ်ကမ်းခြေစောင့် တပ်ဖွဲ့ပိုင် ရေယာဉ်တစ်စင်းကို နှစ်ကြိမ် မောင်းထုတ်ခဲ့ရတယ်လို့ အင်ဒိုနီးရှားနိုင်ငံက အောက်တိုဘာလ ၂၄ ရက်မှာ ပြောကြားခဲ့ပါတယ်။

တရုတ်သင်္ဘောတွေဟာ တောင်တရုတ်ပင်လယ်ရဲ့တောင်ဘက်စွန်း မြောက်နာတူညာပင်လယ်ရှိ အင်ဒိုနီးရှားပိုင်နက်အတွင်း ရံဖန်ရံခါ ဝင်ရောက်ခဲ့တာကြောင့် အင်ဒိုနီးရှားနိုင်ငံက ကန့်ကွက်မှုတွေ ပြု လုပ်ခဲ့ပါတယ်။

အင်ဒိုနီးရှား ကမ်းခြေစောင့်တပ်ဖွဲ့မှ စစ်သင်္ဘောတစ်စင်းက တရုတ်ရေယာဉ်ကို ဟန့်တားကာ အဆိုပါဧရိယာမှ မောင်းထုတ်ခဲ့တယ်လို့ အင်ဒိုနီးရှား ပင်လယ်ရေကြောင်း လုံခြုံရေးအေဂျင်စီက ပြောပါ တယ်။

တရုတ်ရေယာဉ်ဟာ တနင်္လာနေ့က အငြင်းပွား ရေပိုင်နက်အတွင်း ဝင်ရောက်ခဲ့ပြီး အင်ဒိုနီးရှား သင်္ဘောက ရေဒီယိုမှတစ်ဆင့် ဆက်သွယ်ဖို့ကြိုးစားချိန်မှာ အဆိုပါဧရိယာဟာ တရုတ်ရဲ့ပိုင်နက်လို့ တ ရုတ်ရေယာဉ်က ပြောကြားခဲ့ပါတယ်။

ဆက်လက်ဖတ်ရှုရန် 👇👇