☘🍃☘🍃
🍃☘
☘🍃
🍃
هره،هردورده ا٬وز،دورسین اویناتدی داداش
دسمالا مایل اولان مقصده تز چاتدی داداش
هیچ زآمان قالمیوب آواره،چاتیب،کام دیله
مصلحت حوکمونه ویجدانینی،کیم ساتدی داداش
ا٬وزونی،ا٬وزگیه سات ا٬وزگنی باش بیل ا٬وزونه
قوی دئسینلر،بوآقافارسی قیریلداتدی داداش
آنلاماز،آنلایانا باشچی اولان یئرده یقین
قانمایانلار،قانانین باغرینی چاتداتدی داداش
ظاهیرون حیفظ ائله باطنده چال اویناخلا،یه ایچ
قوری زاهیدلیگینه بیریوزی،یوزقاتدی داداش
باشووی عرشه اوجالدان گورجگسن سنی ده
آغزی اوستونده آخیر فرشه دیبیرراتدی داداش
شاعیر اولسانداچالیش شعریده دوشمه قاباغا
دئیه جکلرسنه دیوانه دی یا،لاتدی داداش
هامی اوستادیدی،یوخ شعریده شاگیرده باخان
بئله اوستادلاراحافیظ،ا٬وزی ده ماتدی داداش
غزله فاتحه وئرنوحده ایشله ت قلمی
شهرته چاتدی اوکی خلقی زیریلداتدی داداش
اوغریا دوغری دئنن باخ ایشوون رونقینه
دوغرونون دوره سی دان اولدوزی تک باتدی داداش
جوشماسا چشمه سو توکمکله مگر چشمه اولار
شهرته چاتماغا چوخلار اوزون آلاتدی داداش
#عباس_عبدی_اردبیلی
«نیسگیللی ناله»
(🌷🆔
@nisgili_nalah🕊)
☘🍃
🍃☘
☘🍃☘🍃
