قصيده للسيده الزهراء ع
بقلم خادمتكم الاقل
ام انور الذبحاوي


جدتنه الزجيه اليوم ماهيه
شوفتها عزيزه وعنت اعليه

دافع بابها الملعون كاسرها
لام حسين طفه بچفه ناظرها
صاحت ياعلي الكرار احضرها
اصحاب النبي خانوها الوصيه

جدتنه الزجيه اليوم ماهيه
ـــــــــــــــــــــــــــــ

اجاها الحيد واصرع للرجل بيده
لو ما اوصيت المرسول واعضيده
اخذ ثار الزجيه اومحسن اوليده
امقيد حيدرة عذري يعلويــــــــــه

جدتنه الزجيه اليوم ماهيه
ــــــــــــــــــــــــ
جدتنه الزجيه الماكو من عدها
الحجيه الاعله الاكوان خلدها
اشلون اتجاسر الملعون واضهدها
وكسر ضلعين لامي. اوجعن بيه

جدتنه الزجيه اليوم ماهيه
ـــــــــــــــــــــــــــــــــــ
يكسر اضلوعها يوجع بدلالي
شفت النار وامي وانمرد حالي
اصيحن لا يضالم والدمع هالي
هايه فاطمة الراضيه المرضيه

جدتنه الزجيه اليوم ماهيه
ــــــــــــــــــــــــــ
هايه فاطمة الزهراء والبضعه
عساها انشلت ايدك خدها التصفعه
لون فاطم تراها چفها الترفعه
تگلبها العوالي فوگ الوطيه

جدتنه الزجيه اليوم ماهيه

ام انور الذبحاوي



https://t.me/omanor