society problems

في بنت حبت ولد من اولي ثانوي لحد اولي كليه وكلم بنات كتير وهو معاها هو كان اول حب ليها وبعدين هي عرفت انو بيكلم بنات وسابيتو وبعدين جه ولد تاني وهي طبعا كانت متدمره ف حبيتو وهو قال ليها انو بيحبها وبعدين الحب الاول رجع ليها وقال ليها انو هيتقدم بعد سنه وكدا وانو بطل يكلم بنات بردو ف هي مش عارفه تعمل اي وساعات التاني بيطنشها وكدا والأول عمل كدا كتير وكان بيرجع الاول ١٠ سنين والتاني اقل من شهر تعمل اي؟

من رسائلكم:
انا عندي 22 سنه وكنت بحب واحد اوي كنا مع بع ليل ونهار وبنتكلم كل دقيقه وقعدنا مع بعض تلت سنين واتعلقت بيه وحبيتو جداا بقتش اعرف اعيش من غيره ولا استغنه عنه فجأه اتغير واسلوبه اتغير وبقاش يكلمني ولا يرد عليا وقالي هبعد كنت بموت وقتها بمعني الكلمه وحياتي وقفت لان كان هو كل حياتي دا حب عمري وبعدين رجع بعد فتره وبقي كلامه قليل وبقي يسيبني ويرجع ويسبني ويرجع وكل مره كان بيرجع يشوف انا لسه بحبو ولا لا ويمشي وانا كنت بفرح اوي لما يرجع ويكلمني حاولت انساه بكل الطرق معرفتش كنت بعيط ليل ونهار في بعاده بصحا في عز نومي اعيط مش عارفه انساه ولا عارفه اعيش من غيره عملي بلوكات علي كل حاجه مش عارفه اوصله عملت صفحه علشان ادخل علي صفحته بلاقيه في البوستات بتاعته وتعليقاته مع اصحابه عادي طب ليه علقني بيه اوي كدا ليه سابني انا عمري مازعلته وكنت دايما بخاف علي زعله وبتمناله الرضا انا عمري ما حبيت غيره دا الإنسان الوحيد اللي لمس قلبي ضعفت وهزني الشوق ودخلت كلمته قالي فكك مني انا في واحده تانيه في حياتي انا بجد بموت من ساعتها ولا عارفه اعيش ودموعي نشفت وقلبي اتكسر واتقهرت انا حبيتو اوي بجد ومش عارفه انساه وجعني اوي وكسرني انا كل حاجه حاجه ماتت بالنسبالي وكل حاجه حلوه راحت معاه خلاص اللي كان سبب ضحكتي وفرحتي راح كل حاجه انتهت وهموت من الوجع والكسره 💔

صاحبتي بتحكي بكل بساطه عايزه علاج للشك
جوزي كلم بنات قبل كدا وعرفت واطلقنا ورجعنا والشك مش بيروح عن بالي اعمل ايه

مع العلم كمان ان ابويا غني ومعاه فلوس ويقدر يكفي حق بلد ويجوز عيالهاوبناتها

مع العلم ان واحد بيشتغل وبيحاول يدفع حق علاج امي وواحد عاطل ومش عارف يلاقي شغل والتاني هيتجوز بعد اسبوع ومستلف من الدنيا كلها

بص حضرتك انا ابويا راجل مش عادل وظالم نفسه قبل اللي حواليه المهم سيبنا من ده هو تجوز ع امي وحصل اللي حصل احنا كنا عايشين برا مصر وجابنا وقت م الدنيا شدت وغليت والسبب مراته وضاعت عليا سنه برضو م علينا م ده كله اللي حاصل دلوقتي انه عمال يهدد بطرد امي من بيتها ومبقاش يصرف علينا خالص و بيقول اتصرفو خلي اخواتكو يصرفو عليكم

والله انا بحب وحده وهيا كمان بتحبني ف جه ف مره شوفتها بشعرها ف اديقت وغرت عليها ف نبهت عليها متطلعش م البلكونه كدا تاني ووعدتني انها مش هتطلع كدا تاتي ف جيت اول امبارح كونت بكلمها عادي ف قلتلي انا بطلع م البلكونه عادي اي فيها وانتي ملكش كلمه عليا واستفزتني وكدا ف انا مستحملش ف انا قولتها انك وسخه ومتربيتيش ومش نضبفه والكلام ده ف هيا سمعتو وزعلت مني جدا وغملتلي بلوك ف كل حته وقلتي انا وسخه الوسخه دي مش هترجعلك لو السما اطربقت ع لارض وانا قولت الكلام ده غصب عني والله وبحبها ومش عارف اعمل

عندما تخلو بنفسك.. وتعيد أحداثك تتذكر كل ما هو سيئ وهناك أيضا الأشياء المبهجه ولكن هل أحد ينظر الي هذه الأشياء؟.. هل أحد يعلم هذا؟ لا أعرف فقط اجلس كثيرا أتحدث مع نفسي أجد نفسي خاطئا في كثير من الأشياء.. ولكن هذا ليس مهما ولكن لابد أن اعرف متي واين ولماذا أخطأت؟ عندما أسال هذا لنفسي أجد الكثير من الاجابات ولكن لا أستطيع الحراك فقط أجلس أبكي علي هؤلاء ولكن هذا طريقا غير صحيح... عندما تريد أن تتحدث لأحد تريده وبشده ودائما ما تكون هناك لهفه... ولكن ي صديقي ما المغري في هذه الأمور... أنت لست سيئ بمقدار هؤلاء أنت فقط طيب.. حسن النيه.. لا تاخذ الامور بجديه مثل هؤلاء الذين يعتقدون انهم يملكون العالم ولكن عندما يأتي شيئ صغير بحجم النمله يقع علي الأرض ويسأل نفسه ماذا فعلت كي أقع هكذا... عليك دائما أن تعيد حساباتك وتعرف ما عليك... وفي الركن الهادئ هناك من يتعلق بأمل ما ويصبح الأمل غير موجودا... وهناك من يعمل في الليل.. كل هؤلاء من يستحقون الشكر والتقدير.. ولكن أنت ماذا فعلت كي تقرر أنك أصبحت مشهورا.. أنت لا تنظر الي الناس.. الحياة ي صديقي دائما عليك أن تعافر من أجلها.. لا تنظر الي الوراء فقط أمضي قدما.. كي تستطيع تحقق كل ما تريده وعندما تنظر الي الوراء نظرة واحده كل شيئ سوف يصبح دمارا... عليك أن توصل للسلام النفسي ي صديقي واعترف انك أخطأت عندما تصبح كل الأمور أمامك وتعيد حساباتك يصبح كل شيئ علي ما يرام..

كتاباتي+ رأيكم

كنت مرطبته بواحد هوا اللي علقني بيه جداا انا مكنتش اعرفه بس هوا اللي قالي انو بيحبني وكدا وتعلقت بيه جامد جداا كان كل حاجه في حياتي بالنسبه ليا وكنت بتمن لحظه بس اني اشوف فيها وفضلنا نتكلم فتره وكنا بنسيب بعض بس هوا عمرو ما جه كلمني لما سبنا بعض (ودايما انا كنت بسيبه علشان عارفه انو حرام الكلام بين ولد وبنت في علاقه غير شرعية) وانا دايما اللي كنت برجعله عشان مكنتش بقدر اعيش لحظه كدا منغير ما اسمع صوته هوا كان عامل زي اللي بيتحكم في جهازي التنفسي عن بعد بس لما كنت بتعب جامد كنت برجعلو بس هوا مكانش فارق معاه اسيبه أو لا وكنا رجعنا لبعض عادي بس هوا اتغير جامد وسابني وفضل فتره بيكلمني غير عامله ايه عامل ايه تمام وخلاص كنت بعد ابعتله حاجات كتير اوي تفرح كان بيرد بإيموجي بس ومكنش مهتم خالص لدرجه انو غالبا نساني مع اني مكنتش بنام غير لما اسمع صوته وكنت بهتم بكل تفاصيله وبحبه حب جنون يعني بس هوا جه في مره طلب رقم صحبتي انا اتجننت كان بيقولي ان صاحبه بيحبها بس انا مكنتش مصدقه وطبعا رفضت اعطيه الرقم وبعدها اكلمه ميردش عليا ابعتله رسايل ميردش عليا ومره يقولي كلام مش كويس خالص ويكسر بجد وكنت بهري الدنيا عيااط عالكلام دا بس هوا مكنش بيقدر ابدا وخلاص دلوقتي مبيردش على ولا ماسدج مني فضل كل اللي بينا انو يشوف الاستوري بتاعتي وبس وبعدين واحده واحده مبقاش يظهر الاستوري بتاعته ولا بيشوف الاستوري بتاعي فا انا عرفت من كدا انو مسح الرقم وبتاع...
انا حرفيا مدمرة لا عارفه انساه ولا عارفه ابطل افكر فيه لحظه بقالي غالبا ٥ شهور بحاول انساه وعمري ما نسيته لحظه دايما بفضل مستنيه يبقى اونلاين واقعد في الشات لحد ما يقفل بجد انا نفسيتي بقت تحت الصفر انا حبيته أويي اووييي لدرجه لا توصف انا لسا فاكره كل كلمة اتقالت وصوته دايما في وداني بيتردد وشايفه صورته في كل شخص اودامي ولسا بعد كل اللي عملو فيا بحبو لو طلب نن عيوني هعطيهولو وربي انا لو أطول احضن كل مكان بيقعد فيه كنت حضنته وربي ما قادره انساه ابداا وقلبي كل يوم يموت مالوجع عليه و بيجيلي أوقات مش بقدر اتنفس وبحس بخنقه غير طبيعيه ولما اقعد افكر كدا انو مش هيكلمني تاني بجد يعني انا بقعد اعيط بالربع خمس ساعات متواصلين وتعبانه جداا لا عارفه ارجعله ولا عارفه انساه وعارفه أن أي حد هيقولي بطلي تراقبه بطلي تفكري فيه بس الكلام سهلل جداا حرفيا انا مدمرة نفسياا بقيت طول الوقت مرهقه ومش قادره وتعبانه و مفيش حد معايا انا لوحدي في كل خطوه وبنام على صورته وبقعد احضن الصور بتاعته واكلمها اسفه عالاطاله انصحوني 💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔

هو عادي ان خطيبي يجيبلي العزال كله علشان أبويا متوفي وأمي بتجهز أختي معايا عشان هندخل ورا بعض علي طول ولا احنا كدا حرام علينا بس هو للي بيجيبلي كل حاجه ولكا اجي اتكلم يقولي انتي ملزومه مني من يوم ما خطبتك أي حاجه تنقصك أنا للي هكون ملزوم بيها مش أمك هو الحاجات دي ممكن تأثر عليا بعد الجواز ولا عادي احنا الاتنين واحد!

لو سمحت هو فرق السن بين الولد والبنت بيفرق في الجواز أنا واحد متقدملي عنده ٣٢ سنه وانا عندي ٢٠ سنه بس تعامله معايا ميقولش أنه ٣٢ سنه خالص حساه مقارب ليا شبه بعض في حاجات كتير حساه محتويني أعمل اي أهله رافضينه علشان كبير عليا بس هو حقيقي دماغه مش كدا هو عايش حياته كأنه شاب عشريني جدا ورايق وبيحب الخروجان والفسح ومع ذلك شغال كويس يعني يخلص شغل ويحب يتفسح ويلف بعربيته پاغاني وكلام وبيحب يخترع نكت علشان يضحك للي قدامه بيحب يفتح مواضيع، ويتكلم فرفوش كدا حساه عنده روح أعمل اي انصحوني هل السن فعلا هيفرق بعدين هو بحكم انه ظابط بيسافر كتير وبيتنقل لمحافظات كتير أهلي بيقولو هتتبهدلي في التنقل لكن انا مش شايفه كدا من رأيكو اعمل اي؟ للعلم هو من قبلي وأنا من بحري يعني احنا بعيد عن بعض بس هو مش عايش مع أهله عايش لوحده هنا قريب مني ياريت تفيدوني؟

عندي مشكله عكس ناس أنا متزوجه وعندي بنت الكبيره وولد وحماتي متعلقه بالبنت جدا وبتعامل الولد معاملة جافه ودايما بتتهمني اني مقصرة في حق البنت واني مدلعه الولد أكتر وتقعد تقول ل جوزي مش معني انها جابت الواد هتتمرقع علينا وانا لا بتمرقع ولا حاجه ولو الولد كركب حاجه في بيتها بتضربه انما البنت حبيبتها لدرجه الولد بقي بيكره جدته ابني ٤ سنين وكل شويه تقوله انت ابن أمك أنت هتطلع عيل مايع مش راجل أمك مدلعاك أنا مش برد عليها لاني مش عايزة مشاكل أي الحل

أنا مطلقه وعندي طفلين اتعرفت علي شخص مش متجوز واتعلقت بيه وهو كمان ووقفت جمبه واخد فلوس مني عمل مشروع بيها وقال علشان أعرف أستقل بحياتي ونتجوز وكده أخدت سنتين لو طلب فلوس مش بتأخر عليه وهو معايه كان كويس لو احتجت فلوس مش بيتاخر عرض الجواز العرفي الأول علشان طليقي مياخدش أولادي وتاني حاجه عشان أهله وكدا وهو من بلد تاني اتجوزنا واخدت ١٥ يوم معاه كانت طريقته ومعاملته معايا وحشه وبعد ما سافر قالي انه مش مستريح معايه وعايز اسيبك وكلام جارح كتير أعمل اي

من يومين أكتشفت أنا وخطيبي ان بابا متجوز ومعاه طفل واتاكدنا من الموضوع صح ومحدش يعرف خالص ودايما كان بيغيب عشان شغله دلوقتي احنا مش عارفين نعمل اي وبقوله هقول لوالدتي قالي بلاش هي مريضه قلب وسكر ف المفروض نسكت ولا نعمل اي؟!

أنا متجوزه بقالي سنتين الا حاجه بسيطه مشكلتي أن انا بحس ان زوجي مش بيعجبه حاجه أو بمعني أصح مش بيدي رأيه في حاجه فبالتالي أنا معرفش هو بيحب ايه أو اي بيسعده وواجهته وقولتله أنا بحس بكذا فقالي أنا أي حاجه بتعمليها بتعجبني مش لازم أقول وللي مش بيعجبني أكيد بعلق عليه بنظرة أو بكلمه مش شرط أقول بشكل واضح أنها مش عجباني فأنا عايزة أعرف أي عموما بيعجب الراجل وايه ممكن يضايقه او ميعجبهوش
اسفه للاطاله

انا بحب واحده وكان عندها فرح من كام يوم كدا فقالتلي كنت عايزه اتصور وابعتلك كل الصور بس معرفتش خالص قولتلها مش مشكلة تتعوض فـ جت بعد شوية بتقول بعد ما خلصنا الفرح فضلنا نتصور قولتلها امال ازاي بتقولي متصورتش قالتلي لا دي بكاميرا بتاع واحد والواحد ده انا مش بطيقه ولا بقبله خالص وهي عارفه كده كويس ف انا اتعصبت جامد بس بحدود مغلطتش طبعا
ف اتفاجئت بأنها بتقولي (وانت مالك ) انا طبعا بعد الرد ده جاتلي حالة من الذهول مبقتش مستوعب ف روحت قولتلها خلاص انا مالي فعلا مش من حقي
راحت قالت (لتاني مرة اه انت مالك)
قولتلها خلاص فلقيتها بتقول اني غلطت فيها وده محصلش خالص كل كلامي كان تزعيق بس بحدود وكل زعلي كان على أساس أن ازاي صورك تبقى معاه. ومش عايزاني ازعل
المهم انها قالت لاخويا بردو اني غلطت قولتلها خلاص انا اسف جدا لو انتي شايفه اني غلطت وقفلت معاها على كده وهي جايه تقول إن كلمة انت مالك دي جت بالغلط مع انها كررتها مرتين المهم انها بعدها جت تكلمني وانا مردتش عليها والكلام ده من يومين ومعبرتنيش تاني ياريت بقى حد يقولي انا عندي حق اني ازعل ولا لا بسبب اللي قالته
مع العلم اننا في بلد مينفعش صور البنات تبقى منتشرة فيها لان دي تبقى مصيبة كبيرة

أنا كنت بحب خطيبي واتخطبنا بعد حب ٣ سنين لكن هو عصبي وبيعلي صوته عليا انما ولا بيشتم ولا حاجه وكنت خايفه يكون المرحلة للي بعد كدا أنه يشتم ويمد أيده وحاولت أغيره بعد خطوبه سنة لكن مقدرتش خالص وفسخنا الخطوبه لأني حسيت مش هقدر أكمل بجد معاه هو كان بيحبني أوي وبيعمل كل حاجه عشان يسعدني وليه حاجات حلوة كتير معايا وحاول يرجع كذا مرة وأنا رفضت أقابله وأتكلم معاه خصوصا اننا كنا بنجهز في شقتنا وأنا للي مختارة كل حاجه فيها وكان شرط بابا أنه يستناني لما أخلص دراسه وهو وافق وأستني مع انه مخلص جيش ودراسه وشغال من يوم ما جه اتقدملي..
هل كدا أنا ظلمته؟

انا فعلا كنت معجب بيها وكنت شايف شكلها وشخصيتها وعجباني بس لما اتقابلنا حسيت انه لا وبعدين البنت الي خطبتها دي حسيت انها مناسبه اكتر

جماعه انا اتعرفت ع واحده من السوشيال ميديا، الصراحه هي محترمه جدا، ومكنتش راضيه تتكلم معاها غير لما عرفتها انه قصدي شريف، هي حاطه صورها فا عجبتني، طلبت منها بس نتعرف ع بعض وفعلا اتعرفنا وتعلقت بيها جدا وحبيتها وقولتلها دا، وهي كمان اتعلقت بيا، اتفقنا نتقابل بس بشرط اختها وفعلا اتقابلنا بس انا في المقابله محستش بقبول، ومكلمتهاش تاني بعدها، ولا كنت برد عليها ولا عرفتها حاجه سبتها كدا وخلاص، واعترفت ع واحده تانيه وخطبتها في أقل من شهر من مقبلتي للبنت دي، وفضلت بردو مطنشها ومش موضحلها حاجه، هي حاولت تكلمني كتير وكانت عاوزه تفهم، وكانت حاسه انه في حد في حياتي اكيد وسألتني كذا مره بس كذبت وقولت لا مخطبتش، انا كنت حاسس بالذنب ومش عاوز اجرحها خصوصا أنها قالتلي انا حبيتك، هي عرفت بالصدفه اني خطبت وبعتتلي تدعي عليا، بس مكلمتش خطبتي ولا عاملت حاجه، انا مبسوط مع خطبتي بس حاسس اني ظلمتها😞

أنا زوجي اتجوز عليا بعد ١١ سنه جواز وضربني وطلقني ورجعنا تاني وجاب ضرتي معايا في نفس البيت وقالي ان مكنش عاجبك اطلقك ومعايا ٣ أولاد وأنا واقفه معاه من الصفر لحد ما اتغني وبقا معاه فلوس وساعدته كتير والاخر دا جزاتي وأهلي رافضين اني اتطلق بيقولو عيشي وربي العيال طب وأنا تعبانه وهو ظالمني أنا عندي ٣٠ سنه وضرتي شايفها هي وهو مع بعض مين يستحمل كدا قولو لي اعمل اي مع العلم أنا عندي ورث من والدي وحالتي الماديه ميسورة وكنت شغاله مدرسه وجوزي قعدني من الشغل من الاخر دمرني