#مشاركه اسكه اتركوني

سلام 👋

بحكي لكم عن مواقف متشابهه حصلت ب ايام الدراسه طبعاً كنت شلة بنات ست واحنا الوحيدات اللي من المنطقه نفسها اللي فيها المدرسه يعني اصلنا منها ونعرف بعض وعائلتنا وكذا فكنا مانجلس الا جنب بعض من واحنا صف سابع والماسات الاخيره اللي وكنا نلاصق ثنتن ماسات عشان مانتفرق وكنا احيان في اي صف نخرج عن سيطرتنا بالحصص ونضحك ونتليقف ع البنات او ع الاستاذ ونضحك بصف تاسع خلتنا استاذه العلوم نوقف ونرفع ايدينا لنهاية الحصه كااانت شديده قوي بس احنا ماكنا نتمسخر عليها المهم قد احنا بكل صف مشهورات في الاداره ومن شكى مننا من المدرسين يعرفونا ع طول يقلو علينا العصابه المهم جلسنا كذا لما كملنا الثانويه بس ثنتين مننا نقصين واحده تزوجت وواحده بطلت وحصل معانا موقفين متاشبهين ومع نفس المدرس حق الكيمياء😢😨كااان شديد قوي وقوي شخصيه وذكي وهيبه مجرد مانبسره ماشي تجاه فصلنا كلنا 🤐سيلنت ونحل واجباته بالحرف ومانقدر حتى نلتفت التفات ب امتحانته الموقف الاول حصل واحنا في ثاني ثانوي كنا الاربع جالسات كالعاده في الاخير وملاصقات الماسات الاستاذ بيشرح كان ذيك اليوم الدرس حق المعادلات كيف نطلع ناتج المعادله السبوره ملان معادلات وحل باقي نص حل المعادله ماعاد فيش مكان اين يكتبها قلنا بسرعه نكتب عشان يمسح يكمل كتبنا بس مسح علينا جزاء وماقد كملنا لانو كالعاده زبج ولقافه وه ع الاستاذ طبعاً كنا نقول غبني ع اهله وجهاله وطبعه هكذا واصل بيتقارح شكله بيتفاعل مع تفاعلات الكيمائيه والمعادلات 😢😂وهات من كلام وهو كان يتشاقر من الطاقه كيف كنا نضحك طبعا دخل مسح حناك لنا بعدين رجع يكمل الشرح طبعاً عينه علينا كانت واحنا قدحنا مفتجعات فواحده قالت قلت لكن غبني ع مرته وجهاله كيف بيقع بهم هذا لا ماقدهم مثله ومسخهم من طبعه واصل تفاعلات كيمائيه واحنا ضحكنا 😩😂😂😂وهو سمعنا قلنا اوقفين😐😂وقفنا قال مالكن بتضحكين ولا تجراءنا نتكلم اللي قالت كذا كانت تمكنا قبص لانقلش من الاحراج😩قال ماعتقولين واحنا ساكتات طرح. قلم السبوره وقال الوحدتين مشروحه😳😳😳😭والبنات صاحين وانا وواحده قلنا حرام نقله ويقع ماوقع😂😂حرام نظلم الكل خرجنا وقلنا له واعتذرنا طبعاً كان غيرر لما قلنا له ضحك وقال ماتريحلكن من اللقافه انتن عصابه لازم نفرقكن كل واحده بماسه المهم سامحنا ورجع شرح الوحدتين ورجع حصلنا موقف مع نفس الاستاذ بصف ثالث ثانوي بس هاذي المره بنت خال تيه البنت اللي تليقفت بصف ثاني ثانوي 😂😂وطبعا كانت الوحده مهمه والدرس كان كلها مسائل تحتاج شرح مفصل وبينما كان الاستاذ بيشرح رن تلفونه وخرج يجاوب جلس كثير واحنا كالعاده تليقفنا عليه اللي تقول مرته بالتلفون واللي تقول امه واللي تقول عمتة ام مرته😂😂المهم طول بعدين شفناه كمل مسكنا انفسنا من الضحك فواحده من مجرى الموضوع ماقدرت تتحكم بكلامها تشتي تقله كملت الحصه وانت تجابر التلفون قالت له منهي تيه اللي كملت الحصه وانت بتحاكيها😳😱😂😂هانا كلنا خفنا خلاص كان الفصل هادئ جداً حتى صوت ذباب مابش😭😂والاستاذ جلس يبسرها ولا بعد عينه عليها لمدة اكثر من خمس دقائق مطنن قدو قنبله ب اي وقت عتنفحر☹️قال الوحده مشروحه وخرج ولا تحاولوش معي والقافه هذه بوصلها للاداره يشوفو حل لي ولكن واحنا ماهمينا الوحده همينا الاداره وبهذلة الوكيله وبالطابور😳😭خرجنا لعند الاستاذ ساعه نراشيه يتراجع طبعاً بعد كرهن هدا قال خلاص مابقول وبشرح الوحده لكن بشرط البنت هاذي ماتكون موجوده بحصصي تخرج قبلما ادخل ووافقت وجلست اسبوعين كذا تخرج بحصصه ليوم دخل قال سيرو ادعو فلانه تحظر سامحتها لكن ماعاد تعيدها وكذا سامحها ورجعت وكملت الدراسه وجت السنه الثانيه الاساتذه اعترفو للدفعه اللي بعدنا انو دفعتنا كانت مميزه جداً من كل النواحي ولو لقنات بس روحنا رياضيه وبنات مجتهدات بكل شي ومساهمات وانهم افتقدونا☹️وليت ايام المدرسه تعود ولو شهر بس اشتي اعيشها ليت وماكملت💔