هلا بعباس محلى البيرق بچفه
محتار الوصف محتار شيوصفه
زمط عباس وگال الماي اجيبنه
العسكر شنهو ياسكنه وأهابنه
رفع سيفه لصوب المشرعه تعنه
ملا جوده الكفيل وللوعد وفه
غرف من الشريعه وهملت اعيونه
ذكر لحسين أخيه ونخطف لونه
منيده الماي ذبه وروحه محزونه
شلون اشرب واخويه يابس الشفه
شلون اشرب وخويه اشفافه ذبلانه
عساها الروح دونه تبقه عطشانه
منعده الوفه مستوحي عنوانه
وعليه يشهد وادي كربلا وطفه
عضيد حسين اله وگفات مشهوده
خاوه اعلى عساكرهم ترس جوده
ابن ام البنين الما جفه وعوده
عفيه أمه اذخرته الساعة الكلفه
كفو منه ابدمه ايوافي لحبابه
لبت حسين مچتوف النهر جابه
ضحى لجل اخوه وحامه اطنابه
ماهاب المنيا وجفنه مارفه
✍🏻 أم أباذر السكيني
https://t.me/rugeamajeed
محتار الوصف محتار شيوصفه
زمط عباس وگال الماي اجيبنه
العسكر شنهو ياسكنه وأهابنه
رفع سيفه لصوب المشرعه تعنه
ملا جوده الكفيل وللوعد وفه
غرف من الشريعه وهملت اعيونه
ذكر لحسين أخيه ونخطف لونه
منيده الماي ذبه وروحه محزونه
شلون اشرب واخويه يابس الشفه
شلون اشرب وخويه اشفافه ذبلانه
عساها الروح دونه تبقه عطشانه
منعده الوفه مستوحي عنوانه
وعليه يشهد وادي كربلا وطفه
عضيد حسين اله وگفات مشهوده
خاوه اعلى عساكرهم ترس جوده
ابن ام البنين الما جفه وعوده
عفيه أمه اذخرته الساعة الكلفه
كفو منه ابدمه ايوافي لحبابه
لبت حسين مچتوف النهر جابه
ضحى لجل اخوه وحامه اطنابه
ماهاب المنيا وجفنه مارفه
✍🏻 أم أباذر السكيني
https://t.me/rugeamajeed