صحيت البارحة والنار ترجف والمحاني جرد
‏وسكت كل المكان بلحظةٍ ما كنت هاقيها

‏على كثر الكلام اللي بصدري ماعرفت أرد
‏على صوتٍ سأل بارد ضلوعك من يدفيها

‏بدا ليلي ينادم كل حزنٍ قد رعاه البرد
‏ بدت كل القوافي تشعب الذكرى لطاريه

‏عثرت وعثرت العاشق كليفة يالسنين المرد
‏ووقفت بكل مافيني من اللهفة أناديه

‏تجرعت المواجع والملامة والهقاوي شرد
‏ وأنا يارب لا خابت ظنوني كيف أواسيها

‏عفت وأحلام عمري في رجاه والمناوي حرد
‏لك الله كل مازانت بوجهي كفّت يديه

وأنا اللي لو يطاولني تعبه ما يخون السرد
‏بعنّ له الرجاوي والرجاوي من يصاليها

‏بلغت أقسى مراقيب الغرام وفي يديني ورد
‏عليه حروفي الأربع وأحبك ما قراها .