ســـاࢪه ،

اللهم تول قلبي بلطفك وأغفر لي وأرحمني

ڪـل شي في الدنيا تتمنـاه وما خذيتـاش لعند توا ح يڪـون لسبب من السببـين هذين اولاً انه مالـڪـش فيه خير نهائيـاً و مش ح يجيك منه إلا الضرر و السـبب الثانـي انك مش جاهز انك تمتلك الشي هذا و لو ڪـان عندك في الوقت هذا ح يڪـون شر لك مثلاً شاب في سن مراهقـة وعنـده ملاييـن

ديمـا لما تصعـب عليك حاجة حطـها في ميزان الدنيـا والاخرة شوف الشيء هذا شن ح تستفيـد منه في اخرتـك و شن ح يصيرلك لو ما خذيتـه في دنيتك ح تلقـي كل شي في عيونك تافهه لأن فعلاً كل امور الدنيـا تافهة بعد تموت تطلع لربـك لا فلوس ولا اولاد لا وظيفـة ولا اصحاب شيء انت واعمالك بس

ايش منظـرك و انتِ مضيعة ڪـل وقتـك وجـهدك تحڪـي ؏ الناس وتقيمـي فيهم؟

خلقك الله عزيز ، عظيـم اقسم بنفسـك خلقك في احسن تقويم كرمك من بين كل المخلوقـات خلقك بيده الكريمـه يحبك ويسامح فيـك على كل اخطاءك مع انه عزيز ذو انتقام لكـن لطيف بعباده ويحبهـم ، حتى البشر الّي كيفـك ما فضلهـمش عليك إلا بالتقـوى أمر الملائكة وكل المخلوقات انهـا تسجدلك ، تجـي انت في نهاية تخـلي انسان كيفه كيفك يهينك ويزعلك ويقلل من قيمتك ويشوف نفسه عليك بعقليته المريضه معقوله بعد ما كرمك الله تسمح بالإهانة ؟

لا بأس خُلقت خطـاء

قوية جداً عندما يتعلـق الامر بمـن تحـب

في لحظة تضيـق الأرض بمـا رحبت تشعر بالاستياء اتجاه ڪـل شيء ، تڪـون على حافة الانهيـار فيصلـح الله ڪـل شي .

قيل ان اڪـبر عدو للانسان افڪـاره

لا احد يؤذيك ڪـما تفعل انت

دائماً هناك بصيـص أمل في تلك الاشـياء المستحـيلة

علِمتُ انَّ المُبالغة و الاسـراف في حُب الذات واجب

اود لڪـن ضريبة الافصائح باهضة جداً .

-

مافي حد يتضـايق لما حـد يطلب منه طلـب بإحـترام وذوق و اسلوب كويـس ، (لو سمحت معليـش لو تـقدر) مستحيل يتضايق منك ، لڪـن لما تقعد تطلـب لا اسـلوبك كويـس و لا تقول شڪـراً و فوق من هذا ڪـله ڪـأن الشخص الّي تطلب منه ملزوم بيك مش متفضـل عليك و ياخـذ منك في أوامـر لا هنـا نأكدلـك حـ تزعل من الاسلوب والطريقـة الّي حـ تنرفض بيهـا .

قيل لا يخشى الغريق بللاً .

﷽ " فَإِنَّمَا عَلَيْكَ آلْبَلَـٰغُ وَعَلَيـْنَا الْحِسَابُ "

الآيه هذي اللهَ سُبحانـه وتعالىٰ يقـصد بيها سيـدنا مُحمد فإذا ڪـان الرسول في حد ذَاته مالهش الحق في مُحاسبة النـاس أنت مَن عشـان تحاسبـهم؟

مع كم شخص بتتواجه في القنطرة

القنطرة، هي مكان بعد الصراط وقبل الجنة، مكان يتقص فيها المظلوم من الظالم، وكل ضعيف مسكين، من قوي جبّار.

في المكان هذك، حتواجه الجميع، مع اللي زعلك زعلة بسيطة، للي أذاك وظلمك ظلم عظيم.

مش بس اللي سرقك، واللي نصب عليك، ولا شوه سمعتك.
حتى هذك الشخص اللي سبك في سيارته وعدا في حاله، حتلقاه بعد الصراط !

ومش بس اللي قرماتك، ولا اللي نمت عليك، ولا خربت عليك حياتك ولا خطوبتك، حتى هذك اللي كتبت لك تعليق شين، وكسرت قلبك، حتلقيها بعد الصراط !

بس في حاجة تخوف !
مش أنت/ أنتِ بس اللي حتقتصوا من الناس، مرات في ناس ترجى فيكم !! وتبي تاخذ حقها منكم !!

المخيف في الأمر، في القنطرة مافيش وسيلة ترد بيها الحق، إلا أنك تدفع أغلى ما عندك!

حسناتك !
يعني أنت اللحظة هذي طالع من الحساب مع الله عزّ وجل، والله غفر لك، ومشيت على الصراط اللي تحته جهنم !
ومع هذا فتت الصراط والحمد لله وتبي تخش للجنة، مافي بينك وبين النعيم الأبدي شيء.

بس للأسف تلقى العشرات ولا المئات ولا الألاف، قاعدين يرجوا فيك في القنطرة، وتعطي هذا من حسناتك، وهذك من حسناتك لدرجة مرات حسناتك تكمل !! بعدها تحساب الموضوع كمل ؟ لا.

المظلوم حيقعد يعطي فيك من سيئاته حق ظلمك له في الدنيا، وتقعد تشيل من هذا، ومن هذا، لعند آخر شخص أذيته في حياتك كلها.

تعرف شنو مصيرك توا ؟
عرفت جهنم اللي تحساب روحك نجيت منها، وبعد ربي غفر لك طرت من الفرحة ؟
تسحب لها سحباً !!

البوست مش تخويف، بالعكس، لو أنت مظلوم، يافرحتك وياسعادتك، حتاخذ حقك منهم واحد واحد.
ولو أنت ظالم، مازال عندك فرصة ترد للناس حقها وتعتذر منهم عشان تنجو من الحسرة في القنطرة يوم القيامة.

قال صلى الله عليه وسلم"يَخْلُصُ الْمُؤْمِنُونَ مِنَ النَّارِ فَيُحْبَسُونَ عَلَى قَنْطَرَةٍ بَيْنَ الْجَنَّةِ وَالنَّارِ، فَيُقَصُّ لِبَعْضِهِمْ مِنْ بَعْضٍ مَظَالِمُ كَانَتْ بَيْنَهُمْ فِي الدُّنْيَا، حَتَّى إِذَا هُذِّبُوا وَنُقُّوا أُذِنَ لَهُمْ فِي دُخُولِ الْجَنَّةِ"

"عفَى الله عن بُلهاء قومٍ ظنوا أن الناس تحسدهم ، وهمْ بالنسبة لنا في حضيضَ القاعَ ، وإنَ مروّا بجانبنا منْ صغرهمَ لا نُبصرهم"

قد يڪـون احد اسـباب خلق الانسان ان الله اراد مخلوقات تعبـده بإرادتـها واختيارها دون إڪـره

- احمد الشقيـري