ሰብህዎ በክህሎቱ (ሁሉም በችሎታው) ያገልግል☦☦

✞✞✞✝ በስመ አብ ወወልድ ወመንፈስ ቅዱስ ፩ አምላክ ፡፡ አሜን ፡፡ ✝✞✞✞

✞✝ እንኳን አደረሰን✝ ✞

=>ጥር 12 ቀን የሚከበሩ ዓመታዊ የቅዱሳን በዓላት

+ቃና ዘገሊላ+

=>'ቃና' የሚለው ቃል በሃገራችን ልሳን (በአማርኛ)
የምግብን: የመጠጥን ጥፍጥና ወይም በጐ መዓዛን
የሚያመለክት ነው::
ምንአልባትም ከዚህ በዓል ምሥጢር የተወሰደ ሳይሆን
አይቀርም::

+በቤተ ክርስቲያን ታሪክ ግን ቃና ከገሊላ አውራጃዎች
አንዷ ናት:: ለስም አጠራሩ ስግደት ይሁንና የክብር
ባለቤት
መድኃኒታችን ክርስቶስ በዚህች ሥፍራ ተገኝቶ በድንግል
እናቱ ምልጃ ታላቅ ተአምርን በዚህች ዕለት ሠርቷል::

+ተአምር የሚለውን ቃል በቁሙ 'ምልክት' ብሎ
መተርጐም ይቻላል:: መሠረታዊ መልዕክቱ ግን ነጮቹ
በልሳናቸው Miracle
የሚሉት ዓይነት ነው:: ከተፈጥሮ ሕግ ውጪ (በላይ):
ከፍጡራንም ችሎታ የላቀ ነገር ሲሠራ (ሲፈጸም) ተአምር
ይባላል::
ተአምር የእግዚአብሔር የባሕርይ ገንዘቡ ነው:: እርሱ
ዓለምን ከመፍጠሩ ጀምሮ እያንዳንዷ ተግባሩ ለእኛ
ተአምራት
ናቸው::

ስለዚህም ነው 'ኤልሻዳይ / ከሐሌ ኩሉ / ሁሉን
ቻይ' እያልን የምንጠራው::
እግዚአብሔር ፍጡራኑን ይወዳልና እርሱ ለወደዳቸውና
ደስ ላሰኙት ተአምራት ማድረግን ሰጥቷል:: በብሉይ ኪዳን
እነ ሙሴ
ባሕር ሲከፍሉ: መና ሲያዘንሙ: ውሃ ሲያፈልቁ (ኦሪትን
ተመልከት) እነ ኤልያስ ሰማይን ሲለጉሙ: እሳትን
ሲያዘንሙ:
ሙታንን ሲያስነሱ (1ነገሥትን ተመልከት) እንደ ነበር
ይታወቃል::

እንዲያውም በሙሉ መጽሐፍ ቅዱስ የተአምር መጽሐፍ
ነው ብሎ ለመናገርም ያስደፍራል:: በሐዲስ ኪዳንም
መድኃኒታችን ብዙ
ተአምራትን ሠርቶ ለሐዋርያቱ የተአምራት ጸጋውን
ሰጥቷቸዋል:: (ማቴ. 10:8, 17:20, ማር. 16:17, ሉቃ.
10:17, ዮሐ. 14:12)
+እነርሱም በተሰጣቸው ሥልጣን ብዙ ተአምራትን
ሠርተዋል:: (ሐዋ. 3:6, 5:1, 5:12, 8:6, 9:33-43,
14:8, 19:11)

+ቅዱስ ዮሐንስ ሐዋርያ በወንጌሉ ምዕራፍ 2 ላይ
እንዳስቀመጠው የቃና ዘገሊላው ተአምር የመጀመሪያው
ነው:: "ወዝንቱ
ቀዳሜ ተአምር ዘገብረ . . ." እንዲል:: (ዮሐ. 2:11) ያ
ማለት ግን ጌታ ከዚያ በፊት ተአምራትን አልሠራም ማለት
አይደለም::

ይልቁኑ ራሱን ከገለጠና ከተጠመቀ በኋላ የሠራው
የመጀመሪያው ተአምር ነው ሲል ነው እንጂ:: ምክንያቱም
መድኃኒታችን
እንደ ተጠመቀ ዕለቱኑ ገዳመ ቆረንቶስ ገብቷልና:: (ማቴ.
4:1) አንድም በቃና ሌሎች ተአምራትን የሚሠራ ነውና
ይህ
ተአምር በቃና የመጀመሪያው ሆነ::

+ትክክለኛው የቃና ዘገሊላ ቀን የካቲት 23 ነው:: ጥር
11 ተጠምቆ: የካቲት 21 ቀን ከጾም ተመልሷል::
ከዚያም
የካቲት 23 ቀን ደቀ መዛሙርቱን ሰብስቦ ሒዷል:: ነገር
ግን አበው መንፈስ ቅዱስ እንደ መራቸው የውሃ በዓል
ከውሃ
በዓል ጋር ይስማማል ብለው ጥር 12 ቀን አድርገውታል::

+በቃና ዘገሊላ ሙሽራው ዶኪማስ ሲሆን ባለ ሠርጉ
ደግሞ አባቱ ዮአኪን ነው:: ይህም ለሐዋርያው ቅዱስ
ናትናኤል አጐቱ
ነው:: የልጁ ጋብቻ የተቀደሰ ይሆን ዘንድም ጌታ
ክርስቶስን: ድንግል እናቱንና ባለሟሎቹ ሐዋርያትን ወደ
ሠርጉ ጠራ::

ምንም እንኳ መድኃኒታችንና እመቤታችን ከድግሱ
የማይበሉ ቢሆኑም (በትሕርምት ኗሪዎች ነበሩና)
ጠሪውን ደስ ለማሰኘት
ሠርጉን (ብቻውን) ለመቀደስና የጋብቻን ክቡርነት
ለማሳየት አብረው ታደሙ::

የሠርጉ ሥነ ሥርዓት ሲጀመር በድንኳኑ ውስጥ ጌታ
ከመካከል ተቀመጠ:: ድንግል በቀኙ: ዮሐንስ በግራው
ሲቀመጡ: ሌሎች
ሐዋርያት ግራና ቀኝ ከበው ተቀመጡ:: ሲበላና ሲጠጣ
ድንገት የተደገሰው ምግብና መጠጥ አለቀ::
ደጋሾቹ በጭንቅ ላይ ሳሉም አይጠና ሆዷ ድንግል እመ
ብርሃን የሆነውን አወቀች:: እንዴት አወቀች ቢሉ:- በጸጋ:
አንድም
'ከልጅሽ አማልጂን' ብለው ቢለምኗት ነው ይሏል::
እመቤታችን በዚያ ጊዜ ወደ ልጇ ቀርባ ቸር ልጇን
"ወይንኬ
አልቦሙ-ወይኑኮ አልቆባቸዋል" አለችው::

+ለጊዜው ወይኑም: ምግቡም ስላለቀባቸው እንዲህ
አለች:: በምሥጢሩ ግን ወይን ያለችው ፍቅርን: ቅዱስ
ቃሉንና ክቡር
ደሙን ነው:: ጌታም ይመልሳል:- "ምንት ብየ ምስሌኪ ኦ
ብእሲቶ: ዓዲ ኢበጽሐ ጊዜየ-አንቺ ሆይ! (እናቴ ሆይ!)
ያልሺኚን አላደርግ ዘንድ ካንቺ ጋር ምን ጠብ አለኝ? ነገር
ግን ጊዜው ገና አልደረሰም ብየ ነው እንጂ" አላት::
ምክንያቱም ጌታ:-

*የወይን ጋኖቹ እስኪያልቁ ይጠብቅ ነበር:: (አበረከተ
ይሉታልና)
*አንድም ይሁዳ ወጥቶ ነበርና እርሱ እስኪመለስ ነው::
(እኔ ስወጣ ጠብቆ ተአምር ሠራ ብሎ ለክፋቱ ምክንያት
እንዳያቀርብ)
አንድም "ወይን (ቅዱስ ደሜን) የምሰጠው በቀራንዮ አንባ
ነው" ሲል "ጊዜየ ገና ነው" ብሏታል:: አንዳንድ ልቡናቸው
የጠፋ ወገኖቻችን ጌታ እመቤታችንን እንዳቃለላት (ሎቱ
ስብሐት! ወላቲ ስብሐት!) አስመስለው ይናገራሉ::
ይህንን ስእንኅን ጌታ ባለጌዎቹ እነሱም አያደርጉት::
"አባትህንና እናትህን አክብር" (ዘጸ. 20) ያለ ጌታ እንዴት
ለእናቱ ክብርን ይነፍጋል?ልቡና ይስጠን!

ወደ ጉዳያችን ስንመለስ መድኃኒታችን እንዲህ ሲል
መለስላት:: ተግባብተዋልና እመ ብርሃን አሳላፊዎቹን
"ኩሎ ዘይቤለክሙ
ግበሩ-የሚላችሁን ሁሉ አድርጉ" አለቻቸው:: (ዮሐ. 2:5)
ጌታም በ6ቱ ጋኖች ውሃ አስሞልቶ በተአምራት ወይን
አደረጋቸው::

+እንጀራውን ወጡን በየሥፍራው ሞላው:: ታላቅ ደስታም
ሆነ:: የአሳላፊዎቹ አለቃም (ለአባታችን አብርሃም ምሳሌ
ነው)
ከወይኑ ጥፍጥና የተነሳ አደነቀ:: በዚህም የድንግል
ማርያም አማላጅነት: የመድኃኒታችን ከሃሊነት ታወቀ:
ተገለጠ::

✞✞ ቅዱስ ያዕቆብ ርዕሰ አበው ✞✞

+የአባቶች አለቃ የተሰኘ ቅዱስ ያዕቆብ ለ2ቱ ታላላቅ
አባቶቹ እርሱ 3ተኛቸው ነው:: እነርሱን መስሎ: እነርሱንም
አህሎ በጐዳናቸው ተጉዟል:: በፈቃደ እግዚአብሔር
ብኩርናን ከኤሳው ተቀብሎ ወደ ሶርያ ሲሸሽ ቤቴል (ፍኖተ
ሎዛ) ላይ
ድንጋይ ተንተርሶ በተኛበት ግሩም ራዕይን አይቷል::

*ይህችውም የወርቅ መሰላል የድንግል ማርያም ምሳሌ
ናት::
"አንቲ ውዕቱ ሰዋስው ዘርእየ ያዕቆብ" እንዳለ ቅዱስ
ኤፍሬም (ውዳሴ ማርያም ዘሠሉስ)
*ተነስቶም "ዛቲ ይእቲ ኈኅታ ለሰማይ: ዝየ ይትሐነጽ ቤተ
እግዚአብሔር - ይህች የሰማይ ደጅ ናት: ቤተ
እግዚአብሔርም
ይታነጽባታል" ብሎ ትንቢት ተናግሯል::

+ይህ ቅዱስ አባት ለድንግል ማርያም ቅድመ አያት
ከመሆኑ ባሻገር ነቢያትን: ካህናትን: ነገሥታትንና
መሣፍንትን
ወልዷል:: ከ2ቱ ሚስቶቹ (ልያና ራሔል) : ከ2ቱ
ደንገጥሮች 12 ልጆችን ወልዷል::
*ከአጐቱ ከላባ ዘንድ ለ21 ዓመታት አገልግሎ: ሃብት
ንብረቱን ጠቅልሎ ወደ ርስቱ ከነዓን ሲመለስ ለብቻው
ራቅ ብሎ
ይጸልይ ገባ:: በዚያም እግዚአብሔር ሲታገለው አደረ::

(ይኸውም የፍቅርና የምሥጢር ነው) ለጊዜው ጌታ
ያዕቆብን
"ልቀቀኝ" ቢለው "ካልባረከኝ አለቅህም" አለው:: ጌታም
ስሙን "እሥራኤል" ብሎ ባርኮታል::
*ቅዱስ ያዕቆብ በስተእርጅና ብዙ መከራ አግኝቶታል::
ልጁን ዮሴፍን ወንድሞቹ ሽጠው "አውሬ በላው"
ብለውታልና በለቅሶ
ዐይኑ ጠፋ::

በረሃብ ምክንያትም በ130 ዓመቱ ከ75
ያህል ቤተሰቦቹ ጋር ወደ ግብጽ ወረደ:: በዚያም ለ7
ዓመታት ኑሮ
በ137 ዓመቱ ዐርፏል:: ልጆቹም ቀብረውታል::

✞✞ ኃያል ቴዎድሮስ በናድሌዎስ ✞✞

@sebhhobekhlotu
@sebhhobekhlotu
@sebhhobekhlotu

☦ቃና_ዘገሊላ☦

ቃና' የሚለው ቃል በሃገራችን ልሳን (በአማርኛ)
የምግብን: የመጠጥን ጥፍጥና ወይም በጐ መዓዛን የሚያመለክት ነው:: ምንአልባትም ከዚህ በዓል ምሥጢር የተወሰደ ሳይሆን አይቀርም

በቤተ ክርስቲያን ታሪክ ግን ቃና ከገሊላ አውራጃዎች አንዷ ናት:: ለስም አጠራሩ ስግደት ይሁንና የክብር ባለቤት መድኃኒታችን ክርስቶስ በዚህች ሥፍራ ተገኝቶ በድንግል እናቱ ምልጃ ታላቅ ተአምርን በዚህች ዕለት ሠርቷል

ተአምር የሚለውን ቃል በቁሙ 'ምልክት' ብሎ
መተርጐም ይቻላል:: መሠረታዊ መልዕክቱ ግን ነጮቹ በልሳናቸው Miracle የሚሉት ዓይነት ነው:: ከተፈጥሮ ሕግ ውጪ (በላይ):
ከፍጡራንም ችሎታ የላቀ ነገር ሲሠራ (ሲፈጸም) ተአምር ይባላል:: ተአምር የእግዚአብሔር የባሕርይ ገንዘቡ ነው:: እርሱ ዓለምን ከመፍጠሩ ጀምሮ እያንዳንዷ ተግባሩ ለእኛ ተአምራት ናቸው

ስለዚህም ነው 'ኤልሻዳይ / ከሐሌ ኩሉ / ሁሉን
ቻይ' እያልን የምንጠራው:: እግዚአብሔር ፍጡራኑን ይወዳልና እርሱ ለወደዳቸውና ደስ ላሰኙት ተአምራት ማድረግን ሰጥቷል:: በብሉይ ኪዳን እነ ሙሴ ባሕር ሲከፍሉ: መና ሲያዘንሙ: ውሃ ሲያፈልቁ (ኦሪትን ተመልከት) እነ ኤልያስ ሰማይን ሲለጉሙ: እሳትን ሲያዘንሙ: ሙታንን ሲያስነሱ (1ነገሥትን ተመልከት) እንደ ነበር ይታወቃል

እንዲያውም በሙሉ መጽሐፍ ቅዱስ የተአምር መጽሐፍ ነው ብሎ ለመናገርም ያስደፍራል:: በሐዲስ ኪዳንም መድኃኒታችን ብዙ ተአምራትን ሠርቶ ለሐዋርያቱ የተአምራት ጸጋውን ሰጥቷቸዋል:: (ማቴ. 10:8, 17:20, ማር. 16:17, ሉቃ. 10:17, ዮሐ. 14:12) እነርሱም በተሰጣቸው ሥልጣን ብዙ ተአምራትን ሠርተዋል:: (ሐዋ. 3:6, 5:1, 5:12, 8:6, 9:33-43, 14:8, 19:11)

ቅዱስ ዮሐንስ ሐዋርያ በወንጌሉ ምዕራፍ 2 ላይ
እንዳስቀመጠው የቃና ዘገሊላው ተአምር የመጀመሪያው ነው:: "ወዝንቱ ቀዳሜ ተአምር ዘገብረ . . ." እንዲል:: (ዮሐ. 2:11) ያ ማለት ግን ጌታ ከዚያ በፊት ተአምራትን አልሠራም ማለት አይደለም

ይልቁኑ ራሱን ከገለጠና ከተጠመቀ በኋላ የሠራው
የመጀመሪያው ተአምር ነው ሲል ነው እንጂ:: ምክንያቱም መድኃኒታችን እንደ ተጠመቀ ዕለቱኑ ገዳመ ቆረንቶስ ገብቷልና:: (ማቴ. 4:1) አንድም በቃና ሌሎች ተአምራትን የሚሠራ ነውና ይህ ተአምር በቃና የመጀመሪያው ሆነ

+ትክክለኛው የቃና ዘገሊላ ቀን የካቲት 23 ነው:: ጥር 11 ተጠምቆ: የካቲት 21 ቀን ከጾም ተመልሷል:: ከዚያም የካቲት 23 ቀን ደቀ መዛሙርቱን ሰብስቦ ሒዷል:: ነገር ግን አበው መንፈስ ቅዱስ እንደ መራቸው የውሃ በዓል
ከውሃ በዓል ጋር ይስማማል ብለው ጥር 12 ቀን አድርገውታል

በቃና ዘገሊላ ሙሽራው ዶኪማስ ሲሆን ባለ ሠርጉ
ደግሞ አባቱ ዮአኪን ነው:: ይህም ለሐዋርያው ቅዱስ ናትናኤል አጐቱ ነው:: የልጁ ጋብቻ የተቀደሰ ይሆን ዘንድም ጌታ ክርስቶስን: ድንግል እናቱንና ባለሟሎቹ ሐዋርያትን ወደ ሠርጉ ጠራ

ምንም እንኳ መድኃኒታችንና እመቤታችን ከድግሱ
የማይበሉ ቢሆኑም (በትሕርምት ኗሪዎች ነበሩና)
ጠሪውን ደስ ለማሰኘት ሠርጉን (ብቻውን) ለመቀደስና የጋብቻን ክቡርነት ለማሳየት አብረው ታደሙ

የሠርጉ ሥነ ሥርዓት ሲጀመር በድንኳኑ ውስጥ ጌታ ከመካከል ተቀመጠ:: ድንግል በቀኙ: ዮሐንስ በግራው
ሲቀመጡ: ሌሎች ሐዋርያት ግራና ቀኝ ከበው ተቀመጡ:: ሲበላና ሲጠጣ ድንገት የተደገሰው ምግብና መጠጥ አለቀ:: ደጋሾቹ በጭንቅ ላይ ሳሉም አይጠና ሆዷ ድንግል እመ ብርሃን የሆነውን አወቀች:: እንዴት አወቀች ቢሉ:- በጸጋ: አንድም 'ከልጅሽ አማልጂን' ብለው ቢለምኗት ነው ይሏል:: እመቤታችን በዚያ ጊዜ ወደ ልጇ ቀርባ ቸር ልጇን "ወይንኬ አልቦሙ-ወይኑኮ አልቆባቸዋል" አለችው

+ለጊዜው ወይኑም: ምግቡም ስላለቀባቸው እንዲህ አለች:: በምሥጢሩ ግን ወይን ያለችው ፍቅርን: ቅዱስ ቃሉንና ክቡር ደሙን ነው:: ጌታም ይመልሳል:- "ምንት ብየ ምስሌኪ ኦ ብእሲቶ: ዓዲ ኢበጽሐ ጊዜየ-አንቺ ሆይ! (እናቴ ሆይ!) ያልሺኚን አላደርግ ዘንድ ካንቺ ጋር ምን ጠብ አለኝ? ነገር ግን ጊዜው ገና አልደረሰም ብየ ነው እንጂ " አላት::
ምክንያቱም ጌታ:-

የወይን ጋኖቹ እስኪያልቁ ይጠብቅ ነበር:: (አበረከተ ይሉታልና) አንድም ይሁዳ ወጥቶ ነበርና እርሱ እስኪመለስ ነው:: (እኔ ስወጣ ጠብቆ ተአምር ሠራ ብሎ ለክፋቱ ምክንያት እንዳያቀርብ) አንድም "ወይን (ቅዱስ ደሜን) የምሰጠው በቀራንዮ አንባ ነው" ሲል "ጊዜየ ገና ነው" ብሏታል:: አንዳንድ ልቡናቸው የጠፋ ወገኖቻችን ጌታ እመቤታችንን እንዳቃለላት (ሎቱ ስብሐት! ወላቲ ስብሐት!) አስመስለው ይናገራሉ:: ይህንን ስእንኅን ጌታ ባለጌዎቹ እነሱም አያደርጉት:: "አባትህንና እናትህን አክብር" (ዘጸ. 20) ያለ ጌታ እንዴት ለእናቱ ክብርን ይነፍጋል?ልቡና ይስጠን!

ወደ ጉዳያችን ስንመለስ መድኃኒታችን እንዲህ ሲል መለስላት:: ተግባብተዋልና እመ ብርሃን አሳላፊዎቹን "ኩሎ ዘይቤለክሙ ግበሩ-የሚላችሁን ሁሉ አድርጉ" አለቻቸው:: (ዮሐ. 2:5) ጌታም በ6ቱ ጋኖች ውሃ አስሞልቶ በተአምራት ወይን አደረጋቸው

+እንጀራውን ወጡን በየሥፍራው ሞላው:: ታላቅ ደስታም ሆነ:: የአሳላፊዎቹ አለቃም (ለአባታችን አብርሃም ምሳሌ ነው) ከወይኑ ጥፍጥና የተነሳ አደነቀ:: በዚህም የድንግል ማርያም አማላጅነት: የመድኃኒታችን ከሃሊነት ታወቀ: ተገለጠ

ወስብሐት ለእግዚአብሔር

@sebhhobekhlotu
@sebhhobekhlotu
@sebhhobekhlotu
@sebhhobekhlotu

ሰላም እንዴት ናችሁ እንኳን አደረሳችሁ በዓሉ የሰላም የፍቅር በዓል እንዲሆን እየተመኘሁ ዛሬ ደሞ ስለ ጥምቀት በጥቂቱ ላካፍላችሁ

ጥምቀት፦የሚለው ቃል አጥመቀ ከሚል ግስ የመጣ ሲሆን ትርጉሙ አጠመቀ ዘፈቀ ነከረ ነው በዚህኛው በርባታው ጥምቀት አጥምቀ ነው የዚህ ፍች መጠመቅ መነከር መዘፈቅ ከውሀ ገብቶ መዉጣት ማለት ነው ስርዓቱም በዘፈቀደ እና እንደተፈለገ ሳይሆን የራሱ የሆነ ስርዓተ ክዋኔ አለው።

አስፈላጊነቱ
👇👇👇👇👇
👉ድኅነት(ድህነት) በጥምቀት ነው።
👉ጌታችን መድኃኒታችን ኢየሱስ ክርስቶስ እንዳስተማረን ያልተጠመቀ አይድንም የተጠመቀ ይድናል።
👉ከውሀና ከመንፈስ ዳግም እንወለዳለን፣እውነት እውነት እልሀለሁ ሰው ከውሀና ከመንፈስ ዳግም ካልተወለደ ወደ እግዚአብሔር መንግስት አይገባም።
👉በጥምቀት የኃጢአት ስርየት ይገኛል።
👉እምነት መሰረት ነው ፍጹም የሚሆነው ደሞ በጥምቀት ነው።
👉በጥምቀት ከጌታችን ከመድኃኒታችን ከኢየሱስ ክርስቶስ ጋር እንሞታለን።
👉በጥምቀት ከጌታችን ከመድኃኒታችን ከኢየሱስ ክርስቶስ ጋር እንነሳለን።
👉በጥምቀት ከጌታችን ከመድኃኒታችን ከኢየሱስ ክርስቶስ ጋር አንድ እንሆናለን
👉በጥምቀት አዲስ ህይወት ይገኛል።
👉በጥምቀት የኦርቶዶክስ ቤተክርስቲያን አባል እንሆናለን።

👉ጥምቀትን የጀመረው ማን ነው❓፦ እውነተኛዋን ጥምቀት የጀመረው ወይም የመሰረተው ጌታችን መድኃኒታችን ኢየሱስ ክርስቶስ ነው።

👉ጌታችን እና መድኃኒታችን ኢየሱስ ክርስቶስ እውነተኛዋን ጥምቀት የመሰረተው መቼ ነው❓፦ጌታችን እና መድኃኒታችን ኢየሱስ ክርስቶስ ከቅድስት ድንግል ማርያም በድንግልና ተፀንሶ በድንግልና ተወልዶ እድሜው 30 ዓመት ያህል ሲሆን በፈለገ ዮርዳኖስ በእደ ዮሐንስ ተጠምቆ መሰረተው-(ሉቃ 3፥21-23)

👉ጌታችን ኢየሱስ ክርስቶስ ለምን በዮርዳኖስ ተጠመቀ❓፦
✝ቅዱስ ዳዊት ገረው ትንቢት ይፈጸም ዘንድ(መዝ113፥3)
✝ዮርዳኖስ ለጥምቀት ታሪካዊ ምሳሌ ያለው መሆኑ
✝ዮርዳኖስ ለምስጢረ ሥላሴ ምስጢራዊ ምሳሌ ያለው በመሆኑ
✝በመጽሐፈ ቀሌምንጦስ እንደሚገኘው ዲያብሎስ በዮርዳኖስ የደበቀውን የአዳምንና የሔዋንን የዕዳ የባርነት ደብዳቤ ይደመስስ ዘንድ
✝እኛ ኦርቶዶክሶች በጌታችን የጥምቀት እለት የምንጠመቀው ከክርስቶስ ጥምቀት እረድኤት በረከት እናገኝ ዘንድ ነው

የጌታችን የመድኃኒታችን የኢየሱስ ክርስቶስ ጥምቀት በአጭሩ እንዲህ ነው
✝ያን ጊዜ ኢየሱስ በዮሐንስ እጅ ሊጠመቅ ከገሊላ ወደ ዮርዳኖስ መጣ ዮሐንስ ግን እኔ በአንተ ልጠመቅ ይገባኛል አንተ ግን ወደ እኔ ትመጣለህ?ብሎ ከለከለው ኢየሱስም መልሶ አሁንስ ተው እንዲህ ጽድቅን ሁሉ መፈጸም ይገባልና አለው።ያን ጊዜም ፈቀደለት።ኢየሱስም ከተጠመቀ በኋላ ወዲያው ከውሀ ወጣ እነሆም ሰማያት ተከፈቱ የእግዚአብሔር መንፈስ እንደ ርግብ ሲወርድ በእርሱም ላይ ሲቀመጥ አየ እነሆም ድምፅ ከሰማይ መጥቶ በእርሱ ደስ የሚለኝ ልጄ ይህ ነው አለ "(ማቴ 3፥13-17) ማር 1፥9 ሉቃ 3፥21 ዮሐ 1፥32።

የተሳተውን የተረሳውን የነጠበውን የጎደለውን በቀና መንፈስ አቃንታችሁ አንብቡ።በተረፈ በአፈ መላእክት ያሟላልን
ወስብሐት ለእግዚአብሔር፣
ወለወላዲቱ ድንግል፣
ወለመስቀሉ ከቡር ይቆየን።

@sebhhobekhlotu
@sebhhobekhlotu
@sebhhobekhlotu
@sebhhobekhlotu

ጥምቀት_በኢትዮጵያ_የሚከበርባቸው_ጥንታውያን_ጥምቀተ_ባሕራት፡፡

፠ በኢትዮጵያ ለጨዠመጀመሪያ ጊዜ የተጠመቀውና ሥርዐተ ጥምቀት የተጀመረው የንግሥት ሕንደኬ በጅሮንድ አቤላክ(ባኮስ) ‹‹እነሆ ውኃ አለ!፣ ታድያ መጠመቅን ማን ይከለክለኛል?›› /የሐዋ. ፷፥፳፱-፴፮/ ብሎ በሐዋርያው ፊልጶስ በተጠመቀ ጊዜ ነው፡፡
፠ ይህ ሥርዐት ግን ተስፋፍቶ የቀጠለው በነገሥታቱ በአብርሃ ወአጽብሐ (315-351ዓ.ም.) ለቤተ መንግሥቱ ቅርብ በነበረውና ኋላ ጳጳስ በሆነው በፍሬምናጦስ(አባ ሰላማ) ዘመን ነው፡፡
፠ በዓሉ ግን አሁን በምናከብረው ዓይነት ስዕላዊ በሆነ መልኩ መከበር የጀመረው ከማኅሌታዊው ቅዱስ ያሬድ ዜማ መስፋፋት ጋራ በዐፄ ገብረ መስቀል ዘመነ መንግሥት (530-544ዓ.ም.) እንደሆነ ይነገራል፡፡

፠ ገዳማቱና አድባራቱም በአቅራቢያቸው ወደሚገኙ የውኃ ምንጮች በተናጥል በመውረድ በዓለ ጥምቀትን ያከብሩ ነበር፡፡
፠ ተቀራርበው የሚገኙ አብያተ ክርስቲያናት ታቦታቸውን በአንድ ቦታ እንዲያሳድሩ ዐዋጅ የታወጀው፥ ትእዛዝ የተላለፈው በጻድቁና በጠቢቡ ንጉሥ #ላልይብላ (1140-1180ዓ.ም.) ዘመነ መንግሥት ነው፡፡ በዚሁ ዘመን የነበሩት አቡነ ገብረ መንፈስ ቅዱስ በአኵሱም በመቀለና በመርጡለ ማርያም ያሉ ጥምቀተ ባሕሮችን ባርከዋል፤ በዐፄ ይኩኖ አምላክ ዘመን ደግሞ በአቡነ ተክለሃይማኖት አሳሳቢነት ሥርዐተ ጥምቀቱ ተጠናክሮ እንዲቀጥል ዐዋጅ ታውጇል፡፡
፠ እስከ ዐፄ ዘርዐ ያዕቆብ ድረስም ታቦታቱ ዕለቱን ጠዋት ወጥተው ማታ ይመለሱ ነበር፤ ዐፄ ዘርዐ ያዕቆብ ግን ታቦታቱ በዋዜማው ጥር 10 ከሰዐት በኋላ ወደ ትምቀተ ባሕር ወርደው እንዲያድሩ፤ አገሩንም በኪደተ እግር እንዲባርኩ፤ በሄዱበት መንገድም እንዳይመለሱ በዐዋጅ ወሰኑ፡፡
፠ ቀጥሎም ዐፄ ናዖድ ሕዝቡ ታቦታቱን አጅቦ ወደ ጥምቀተ ባሕር እንዲሄድ በዐዋጅ አስነገሩ፡፡ ይህ ሥርዐትም እስካሁን ከኛ ዘንድ ደርሷል፡፡

፠ በዘመናት ውስጥም በሃገራችንና በዓለም አቀፍ ደረጃ የጥምቀት በዓል ሲከበርባቸው ከነበሩ ቦታዎች ዐበይቶቹን ለመጥቀስ ያህል፤
#እስራኤል_ጋዛ_ጃንደረባው_የተጠመቀበት_ቦታ
#በአኵሱም_የንግሥተ_ሳባ_መዋኛ_ ‹‹#ማይ_ሹም››
#በቅዱስ_ላሊበላ_የዮርዳኖስ_ወንዝ
#በዝዋይ ገዳማት
#በሸዋ_የአፄ_ዘርዐ_ያዕቆብ_ፍርድ_መስጫ_ዐደባባይ
#41ድ #ታቦታት_የሚያድሩበት_የሸንኮራ_ሜዳ ‹‹#ኢራንቡቴ_ጥምቀተ_ባሕር››
#በጎንደር_የአፄ_ፋሲል_መዋኛ_ገንዳ
#በአዲስ_አበባ_የእንጦጦ_ማርያምና_ቅዱስ_ራጕኤል_ታቦት_ማደሪያ #ኀሙስ_ገበያ_ሜዳ
#በአዲስ_አበባ_የጃንሆይ_ሜዳ_ (ጃንሜዳ) ዐበይቶቹ ናቸው፡፡

ከላይ ከተዘረዘሩት መካከል 2ቱን እንመልከት፤
ሀ) #ጥምቀት_በኢራንቡቲ_
#ኢራንቡቲ_ጥምቀተ_ባሕር (#ሸንኮራ_ወንዝ_ዳርቻ) ፥ ምንጃር፡፡ #41_ታቦታት_ወደ_ጥምቀተ_ባሕር_የሚወርዱበት፡፡
ከ600 ዓመታት በላይ ያስቈጠረው፤ በአፄ ዘርዐ ያዕቆብ የተጀመረውና ታሪክ፣ ባህል፣ እምነትና የሀገር ወግ የሚንጸባረቁበት፤ የኢራንቡቲ ጥምቀተ ባሕር እስከዛሬም ድረስ በሃገራችን በኢትዮጵያ የጥምቀት በዓል በደማቅ ከሚከበርባቸው ቦታዎች በግንባር ቀደምትነት ይጠቀሳል፡፡ በበዓሉ ላይም እናቶች በእልልታ የታላቁን የደብረ ኤረር ተራርን አልፎ እስከሚያስተጋባ ድረስ ያደምቁታል፡፡
ከ41ዱ ታቦታት መካከል ጥቂቶቹ፤
፠ ሸንኮራ ዮሐንስ
፠ ባልጪ አማኑኤል
፠ በሳ ሚካኤል
፠ ጅማ ገብርኤል
፠ ኢቲቻ ተክለ ሃይማኖት
፠ አረካ ዋርካ ይልፋታ ሥላሴ
፠ አክላል ኪዳነ ምህረት
፠ እንጆረራ አማኑኤል
፠ ወረቀት ሀገር ቅዱስ ጊዮርጊስ
፠ ውሪ ጊዮርጊስ
፠ ክርሥቶስ ሠምራ
፠ ክራርጌ አቦ
፠ እግዚአብሔር አብ …. ይገኙበታል፡፡


ለ) #ጥምቀት_በጎንደር_
ከ44ቱ_ #ታቦታተ_ጎንደር_መካከል_ወደ_ፈጥምቀተ_ባሕር_የሚወርዱት_የሚከተሉት_8ት #ታቦታት_ናቸው፡፡
/ታቦታቱ የሚወጡት በጥር 10፣ 11፣ 12፣ 18 (ስባረ ዓፅሙ)፣ 21 (አስተርዕዮ)፣ 22 (ዑርኤል) ናቸው፡፡)
#፩ኛ) #በጥር_10፣ 11ና 12 #በጎንደር_ፋሲለደስ_መዋኛ_ገንዳ (#ቀድሞ_የሰማዕቱ_ቅዱስ_ፋሲለደስ_ቤተ_ክርስቲያን_በነበረበት ቦታ ላይ) የሚወጡ ታቦታት፤
1ኛ. ቀሃ ኢየሱስ
2ኛ. ደብረ ጽጌ ቅዱስ ዮሐንስ መጥምቅ
3ኛ. ዕልፍኝ ቅዱስ ጊዮርጊስ
4ኛ. ሰማዕቱ ቅዱስ ፋሲለደስ (አብሮ ከቀሃ ኢየሱስ ጋር ይወጣል)
5ኛ. መንበረ መንግሥት መድኀኔ ዓለም (መ.መ.መ)
6ኛ. አባ ጃሌ ተክለ ሃይማኖት
7ኛ. ፊት ሚካኤል
8ኛ. አጣጣሚ ሚካኤል፡፡ ናቸው

#፪ኛ) #በጥር 10፣ 11 #በልደታ_ሜዳ_(ኮሌጅ አጠገብ) (ከአፄ ፋሲል መዋኛ ገንዳ በፊት በጥንቱ የታቦታት ማደርያ)
፠ መካነ ስብሐት ልደታ ለማርያም

#፫ኛ) #በጥር_18 #ጎንደር_የመምህራን_ኮሌጅ_ወደ_ጊዮርጊስ_መሄጃ_ጋር (የጥር 18 ስባረ ዓፅሙ ለቅዱስ ጊዮርጊስ ዕለት)
፠ ርዕሰ አድባራት አበራ ጊዮርጊስ

#፬ኛ) #በጥር_21 #በአዘዞ_ድማዛ_ወንዝ_አጠገብ_ (የጥር 21 የአስተርዕዮ ዕለት)
አዘዞ ሎዛ ማርያም (ድፍን ጎንደር ተሰባስቦ የአስተርእዮ ዕለት የሚያከብርበት)

#፭ኛ) #በጥር_22 #በበዓታ_ጠበል_ቤት (ጥር 22 የቅዱስ ዑርኤል ዕለት)
ደብረ ኀይል ወደብረ ጥበብ ዑር(ራ)ኤልና በዐታ፡፡

@sebhhobekhlotu
@sebhhobekhlotu
@sebhhobekhlotu


"ኢየሱስም ከተጠመቀ በኋላ ወዲያው ከውኃ ወጣ፤ እነሆም፥ ሰማያት ተከፈቱ" ማቴ 3፥16

ጌታችን እንደ አይሁድ ሕግ በአደባባይ የሚያስተምርበትና አገልግሎቱን የሚጀምርበት እድሜው ሲደርስ (በ30 ዓመቱ) ከገሊላ ወደ ዮርዳኖስ ሊጠመቅ መጣ። የጽድቅ ፀሐዩ ክርስቶስ ለጥቂት ጊዜ እያበራ እና እየነደደ ሕዝቡን ደስ ያሰኝ ወደ ነበረው የአጥቢያው ኮከብ ዮሐንስ ዘንድ ሊጠመቅ በትሕትና መጣ።(ዮሐ 5፥35) ቅዱስ ዮሐንስ ግን እኔ በአንተ ልጠመቅ ያስፈልገኛል እንጂ አንተ ወደ እኔ ለመጠመቅ ትመጣ ዘንድ አይገባም? በጎ ሥጦታዎች ሁሉ ፍጹምም በረከት የብርሃናት አባት ከሆንከው ከአንተ ወደ እኛ ይወርዳሉ እንጂ እንዴት ከምድር ወደ ሰማይ ይወጣሉ? ይህስ አይሆንም ብሎ ይከለክለው ነበር። ጌታም ዮሐንስን "አጥምቀኝ እኮ ነው የምልህ?!" ሲል አልተቆጣውም። ይልቅስ ጽድቅን ሁሉ መፈጸም ይገባናልና "አሁንስ ፍቀድልኝ" ሲል ሊነገር በማይችል ትሕትና  ለመነው። ይህን ታላቅ አምላካዊ ተማጽኖ ሰምቶ እንዴት የዮሐንስ ልብ ሊጸና ይችላል?! ያን ጊዜ ሎሌው ዮሐንስ ፈቀደና ጌታውን አጠመቀ።(ማቴ 3፥15)

ጌታችን ኢየሱስም ተጠምቆ ከውኃ ሲወጣ እነሆ ሰማያት ተከፈቱ። ወንጌላዊው "ሰማያት ተከፈቱ" እንጂ "ሰማያት ተከፈቱለት" ብሎ አልጻፈም። ምክንያቱም እርሱ እኛን ለመቤዠት ሰው ቢሆንና በባሕር መካከል ቆሞ ቢታይም በሰማይ ካለው መንበሩ ስላልጎደለ በሰማያትም ለሚኖረው ለእርሱ "ሰማያት ተከፈቱለት" አይባልም። ይልቅስ "ሰማያት ተከፈቱ" የሚለው ቃል ለእኛ በጌታ ጥምቀት ያገኘናቸውን ሰማያዊ በረከቶች የሚያሳይ ነው።

ጌታችን ተጠምቆ ወዲያው ከውኃው እንደ ወጣ ሰማያት ተከፈቱ ማለቱ፣ መድኃኒታችን በሰማይ ወዳለው መንግሥቱ እንድንገባ ተዘግቶ የነበረውን በር በጥምቀቱ እንደ ከፈተልን ለማስረዳት ነው። የማዳን ሥራውን ሲጀምር ተጠምቆ የሰማዩን ደጅ እንደከፈተልን፣ ማዳኑን ሲፈጽም ደግሞ ተሰቅሎ በመሞት የሲዖልን ደጆች ሰባብሮልናል።

ሌላው ከጥምቀቱ በኋላ ሰማያት መከፈታቸው፣ ተዘግቶ የቆየ ቤት በሩ በተከፈተ ጊዜ በውስጥ ያሉ ነገሮች እንዲታዩ በዘመነ ብሉይ ተሰውሮ የነበረው በሰማያት የሚኖረው የእግዚአብሔር የሦስትነቱ ምሥጢር አሁን ግልጥ ሆኖ መታየቱን ያመለክታል። ይኸውም ወልድ እግዚአብሔር በባሕረ ዮርዳኖስ ቆሞ በመታየቱ፣ አብ በደመና "የምወደው ልጄ ይህ ነው" ብሎ በመናገሩ እና መንፈስ ቅዱስ ደግሞ በርግብ አምሳል በመውረዱ ነው።

ሁላችንም እንደምናውቀው ሰማይ ለሚያምንም ሆነ ለሚጠራጠር  ሁሉ የሚታይ ነገር ነው። ይሁን እንጂ ሁሉም የሚያዩት ሰማይ ግን "ሲከፈት" ለመመልከት መጠመቅ ያስፈልጋል። ልክ እንደዚህ ሰማይ በሚያምነውም በማያምነውም እጅ የሚገኝ እና ሁሉም የሚያየው (የሚያነበው) መጽሐፍ "መጽሐፍ ቅዱስ" ነው። ሆኖም መጽሐፍ ቅዱስን ሁሉም ያንብቡት እንጂ የምሥጢር በሩ እንዲከፈትና ውሳጣዊ መልእክቱን ለመረዳት ግን መጠመቅ ያስፈልጋል።  

እንኳን ለበዓለ ጥምቀቱ በሰላም አደረሰን!!!

ዲያቆን አቤል ካሳሁን


@sebhhobekhlotu
@sebhhobekhlotu
@sebhhobekhlotu

@sebhhobekhlotu

​​የዓለምን በደል

የዓለምን በደል የሰውን ግፍ አይቶ
ዘጠና ዘጠኙን መላእክትን ትቶ
ፅድቅን ለመፈፀም በደልን አጥፍቶ

የሰላሙ መሪ የሰላሙ ዳኛ
አምላክ ተወለደ ተጠመቀ ለኛ

የሰማዮች ሰማይ የማይችለው ንጉስ
ተወልዶ ሲጠመቅ እኛን ለመቀደስ
ተራሮች ደንግጠው ዘለሉ እንደ ፈረስ

አዝ = = = = =

ባህር ተጨነቀች ጠበባት መሬቱ
ዮርዳኖስም ሸሸ አልቆመም ከፊቱ
እንደተናገረ ዳዊት በትንቢቱ

አዝ = = = = =

ልጁ በዮርዳኖስ ፅድቅን ሲመሰርት
መጣ በደመና ሰማያዊው አባት
እየመሰከረ የልጁን ጌትነት

አዝ = = = = =

እንደምናነበው በወንጌል ተጽፎ
መንፈስ ቅዱስ ታየ በራሱ ላይ አርፎ
በእርግብ ምሳሌነት ክንፉን አሰይፎ

አዝ = = = = =

ባህር ስትጨነቅ ተራራው ሲጨፍር
ሰማዩ ሲከፈት ደመናው ሲናገር
አለም በዛሬው ቀን አየች ይንን ምስጢር

መዝሙር
በማህበረ ቅዱሳን

" ባሕር አየች ሸሸችም፥
ዮርዳኖስም ወደ ኋላው ተመለሰ
ተራሮች እንደ ኮርማዎች ኮረብቶችም
እንደ ጠቦቶች ዘለሉ "

መዝ፲፵፬፥፩-፮