معتز سامي الحمداني

باب //

( كنتُ أظنّهُ آخرَ الأبوابِ ولكن ....)

هواي ــ يا باب الحزن ــ كل هالمحبة

ردت أشَوفك غصن گلبي
شكثر بيه توديع ..، وشچم لون ندبه
ردت أشوفك ثوب گلبي ..
شكثر شال تراب من دروب غربه

واشتكيلك من فخاتيه التروح ..، وما تجي
وتنسه وتعذبه
ومن حلم عمره الــ إمتعبه

ردت أجي گبالك واگلك :
شمّـتَت بيّه الفلح موتة شَتِلتك
يا فشلتي ....، ويا فشلتك

عاندتني بكلشي ردته
وكلشي أحبه ..، وما أحبه

ردت أجي و اوگف وادگك ..
وشفت مامش بيك للحبّوك ..... عِتبه !