قصيدة ثكيله بحق فقد الاحباب
يا موت ريض يالخذيت اعزازي
جا ليش كلي بموتهم متوازي
بهيده يموت اعليهم
خليني اشوف شبيهم
جا ليش كلي بموتهم متوازي
هوايه خذيت اعزاز ماشوفنهم
وبيدي يموت انه الاروح ادفنهم
نيران تسعر بالكلب فركتهم
مابقت بس الذكره
وبالروح ميت كسره
جا ليش كلي بموتهم متوازي
خلينه نتوادع ونكعد ساعه
اعلينه يصعب كل عزيز وداعه
ويانه مره الوكت حيل اطباعه
يختار بس الزينين
يتعمد ايبجي العين
جا ليش كلي بموتهم متوازي
مايطفه جمر فراكهم ضل يسعر
اركض وراهم من مشوا وتعثر
منين اجيبنه الصبر و تصبر
والموت شال اضعونه
وحالي تغير لونه
جا ليش كلي بموتهم متوازي
كوطر ضعنهم وانه عيني اعليهم
مارضه يتانيني ابد حاديهم
بالروح كتله سومهم وشريهم
ماريض وتاناني
اصرخ و ون خلاني
جا ليش كلي بموتهم متوازي
هملت ادموعي وكلبي تلهب ناره
دمعات عيني من مشوا تتجاره
ليش النحبه اتضيع عنه اخباره
اصرخ وصيح بهمه
خربت هذيج اللمه
جا ليش كلي بموتهم متوازي
لمتنه خربت والرحل شيرده
عشرتنه طشت مثل ماي اتبده
سيفه الوكت بالروح كام ايحده
اصبر وضل اتأمل
مابيه حيل اتحمل
جا ليش كلي بموتهم متوازي
بقلم الشاعرة سحر ام كرار الساعدي
غير مبري الذمه من يحذف اسم الشاعر
الشاعره سحر الساعدي:
https://t.me/amer5000
