الفكرة بالجرأة .. لمن الأنسان يتعلم يتجرأ على رب العالمين والرسول والأئمة والمؤمنين ويبدي يتجاوز باللسان اول شي وبعدها بالعمل.. ومن يبدي يحشي عقله بحشو يتخيل هالحشو يمثل الدين وبالتالي يلكه نفسه مماخذ من الدين بس قشور وهالقشور هم مكسرة بروايات كذب ومضعضعه ووصلتله رماد ..
لو فكرنا بأبن ملجم ..
جدا جرئ .. لمن بالمسجد وكدر يرفع السيف! هنا فعلا مو القدرة البدنية مطلوبة انما اسوداد القلب ووحشة الروح وكمية الضلال الجانت ماليه روحه بحيث كدر يطبر راس حبيب رسول الله وهو ديهوي للسجود!
الشغلة اللخ .. الأعلام المضلل اللي سبب بكتم الحقيقة بحيث وصلو لمرحلة يتسآءلون .. أيصلي علي!!
والجواب على كولتنا هالايام: لابلة!!
اذا ابو الحسن ما يصلي منو يصلي وهو اصلا اخ ورفيق ولصيق رسول الله والمؤمن الجدير بالحب ..

هنا ندرك خطورة : التضليل الإعلامي واشباع العقول بمبادئ ما انزل الله بها من سلطان وهذا هواي ديصير بأيامنا ..
والجرأة على الدين الحقيقي واهله وقلة الأحترام ..
هالنقطتين ممكن تخلي هواي من الناس نسخ حديثة من أبن ملجم ..
والذبح والقتل بالطائفية وبالتظاهرات وهسة والمعارك كلها دليل على وجود قاعدة لأبن ملجم على مر الزمان ..
لكن العلويون وكل من أحب علي ذوي القلوب المزهرة بالله تلك القلوب كزبر الحديد على اعداء الله .. يتصدون في كل وقت ..
اذن كل واحد بينه اله دور ..

مع علي .. ام مع ابن ملجم ..