#متابعه_للحساب

🌻تعايشوا علشان تعرفوا تعيشوا🌻

ناس كتير بيسالونى هو انتى ازاى قويه

يا جماعه انا لا قوة و لا بتاع

كل الموضوع انى مرة زمان و انا صغيره

حصل لى موقف شديد فى حياتى موت جدتى إللى كانت غاليه عليا جدا
كانت صحبتى بجد نخرج مع بعض و ناكل ابس كريم كانت ست جميله بكل معانى الكلمه

معتنيه بنفسها واخده بالها من صحتها
تاكل احسن حاجه و تلبس احسن حاجه

و فجأه مرضت و أصبحت طربحه الفراش
و شهر و تاتى توفاها الله

فبالنسبه ليا الجمال و الثقه و حاجات حلوة كتير ماتت معاها

و عرفت ساعتها أن مافيش حاجه دايمه
و بالرغم من حبي الكبير ليها لازم اعيش و اكمل
و هى بس سافرت بعيد و انا حروح ليها بعد شويه

اتعلمت انى مش حقدر اغير الواقع ده لأنه مش بايدى

اتعلمت انى إللى مقدرش اغيره اتعايش معاه

بحلوه ..بمره

لازم اتعايش بالعكس إللى مش بيعرف يتعايش مع الواقع إللى مش بيعرف يغيره بيكون انسان مريض برفض الواقع

عايش فى الاحلام بس
لا عارف يتعامل مع واقعه
و لا عارف يغيره

ايه الحسره دى يا رب

الرضا انك تعرف تعيش بللى عندك و يكون عندك امل فى تحسين إللى تقدر تغيره

خدوها قاعده من حديث رسول الله (من رضا فله الرضا ومن سخط فله السخط)

تعايشوا علشان تعرفوا تعيشوا

#الحياه_حلوة

#مستشاره_علاقات_زوجيه_وتربويه

#ريهام_محمود

💕كلماتى كتبتها بكل الحب فضلا لا تمحى اسمى عند النقل 💕


https://t.me/joinchat/AAAAAEQ4d5VglOlQpKPaFQ