ရွေးကောက်ပွဲကို ယခုနှစ် ဒီဇင်ဘာ(သို့မဟုတ်) ၂၀၂၆ ခုနှစ် ဇန်နဝါရီလတွင် အစောဆုံး ကျင်းပရန်စီစဉ်ထားဟု နစကဥက္ကဋ္ဌ ပြောကြား
================================
ရွေးကောက်ပွဲကို ယခုနှစ် ဒီဇင်ဘာ(သို့မဟုတ်) ၂၀၂၆ ခုနှစ် ဇန်နဝါရီလတွင် အစောဆုံးကျင်းပရန်စီစဉ်ထားဟု နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်ကြီးမင်းအောင်လှိုင်က ပြောကြားသည်။မတ် ၇ ရက်က နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် ဘယ်လာရုစ်နိုင်ငံသမ္မတ လူကာရန်းကော့တို့ ဘယ်လာရုစ်သမ္မတ နန်းတော်တွင်တွေ့ဆုံ၍ နှစ်နိုင်ငံဆွေးနွေးမှုများအပြီး ပြုလုပ်သည့် ပူးတွဲ သတင်းစာရှင်းလင်းပွဲတွင် နစကဥက္ကဋ္ဌက ထိုသို့ပြောကြားခြင်းဖြစ်သည်။ “ကျွန်တော်တို့ဟာပြီးခဲ့တဲ့ ၂၀၂၀ ပြည့်နှစ်ရွေးကောက်ပွဲမှာ မဲမသမာမှုဖြစ်ခဲ့တဲ့အတွက် ကျွန်တော်တို့နိုင်ငံမှာ အရေးပေါ်အခြေအနေ ကြေညာပြီးတော့ ခေတ္တတာဝန်ယူထားတာဖြစ်ပါတယ်။ မကြာခင်မှာလည်း ဥပဒေနဲ့အညီ ရွေးကောက်ပွဲကို ကျင်းပသွားဖို့ရှိပါတယ်။ လွတ်လပ်ပြီးတရားမျှတတဲ့ ရွေးကောက်ပွဲကို ၂၀၂၅ ခုနှစ် ဒီဇင်ဘာလ သို့မဟုတ် ၂၀၂၆ ခုနှစ် ဇန်နဝါရီလတွင် အစောဆုံးကျင်းပသွားဖို့ စီစဉ်ထားကြောင်း ပြောလိုပါတယ်” ဟု နစကဥက္ကဋ္ဌကပြောကြားသည်။ထို့ပြင် ရွေးကောက်ပွဲဝင်ရန်အတွက်လည်း ပါတီပေါင်း ၅၃ ခုက စာရင်းပေးသွင်းထားပြီးဖြစ်ကြောင်းနှင့် ရွေးကောက်ပွဲကျင်းပမှုနှင့်ပတ်သက်ပြီး ဘယ်လာရုစ်နိုင်ငံ၏လေ့လာအဖွဲ့များကို လာရောက်ကြည့်ရှုနိုင်ရန် အတွက် ဖိတ်ကြားကြောင်း နစကဥက္ကဋ္ဌက ပြောကြားသည်။ထို့အတူ ဘယ်လာရုစ်နိုင်ငံအနေဖြင့် မြန်မာနိုင်ငံတွင် နယ်ပယ်ကဏ္ဍစုံတွင်လာရောက်ရင်းနှီးမြှုပ်နှံရန်၊ နိုင်ငံတကာမျက်နှာစာတွင် နှစ်နိုင်ငံပူးပေါင်းဆောင်ရွက်မှုတိုးချဲ့သွားရန်နှင့် နိုင်ငံတကာမျက်နှာစာတွင်ဘ ဘယ်လာရုစ်ပြည်သူများက မြန်မာနိုင်ငံနှင့်အတူ ရပ်တည်ပေးသည့်အတွက် ကျေးဇူးတင်ကြောင်း စသည်ဖြင့် နစကဥက္ကဋ္ဌကပြောကြားသည်။
-----------------------------------
Prime Media Myanmar ရဲ့ channel များကို Join ပေးပါရန် မေတ္တာရပ်ခံပါတယ်။
Youtube -
http://www.youtube.com/@PrimeMediaMyanmarTelegram -
https://t.me/prime_media_myanmarTiktok-
https://www.tiktok.com/@sniper.su.primemedia?_t=ZS-8teV4gOEkGg&_r=1
