دايما في مكان في قلب اي انسان بيكون خاص شديد 🤗💜
ما كل زول بيقدر يصل للمكان دا 😄
مكان مابنحب يدخل فيهو اي زول ..معزول وبعيد عن كل الناس بس مصنوع ومكتوب في مدخلو اسم زول معين 💜
وحته تحسها زي الغرفه مبنيه بس لي زول واحد ومابتتحمل الزياده😄
من خلال حياتنا والناس البيمرو فيها بيترتبو اوبترتب مكاناتهم لا شعوريآ بس بيكون في اسباب متعدده ومواقف بتحافظ او بتغير الحاجه دي
ممكن احبك واتنازل
ويمكن كثرة مواقف تزيد حبي ليك
واحيانا العكس
بكترة وقعاتنا بنلقا نفسنا تلقائيا معزولين وبكترة تجاربنا بقينا نحس بالخساره
وبي قدر حبي ليك
بس ديل كلهم فيهم( احساس ناقص) مافي حب واحساس صادق بخلينا نخسر
مادام القلب نابض اي عتره بتخلي علاقتنا اقوي
ومافي مكان للظروف بين اتنين حبو بعض ..في حاجه اسمها( تضحيه)
وعشان خاطر قلبنا حنكون لبعض دايما..
بتحصل عوائق في حياتنا كتيره
بس من خلالها حنعرف اذا حليناها سوا ومواصلين في السكه يبقي دا (الحب الحقيقي)
واذا اتفارقنا ب حجه مصنوعه يبقى دا احساس ناقص م عندو علاقه بالحب..

الاحساس الحقيقي بيكون لمن باالجد يدخل زول في حياتك ويحتل مكان عميق ويصل لحته مااتوقعنا في يوم يجي زول ويستولي عليها
..
مكان في القلب كنا بنخاف شديد انو نديهو زول وكنا دايما حريصين نبعدو من الناس
..
بس المشاعر غلبت التفكير
والقلب غلب العاقل
وان شاء الله دايما الحب منتصر😃💝
وعشان كدا ابقو عشره علي قلبكم ♡♡

.
وخليكم دايما لبعض ومع بعض 💜

💜💥
R0neY