...

Ёлғон -- Фарҳодлар тоғ ошаётгани,
Ёлғон -- Ширинлар деб қон ёзган қалам.
Ёнимда бўлмай ҳам яшаётганинг...
Йўқ бўла туриб ҳам борлигинг алам.

Муҳаббат менимча қилмоқда ҳазил,
Унга қизиқмасдек гўё истагим:
Поёни васлингга боғланган манзил --
Ишонмоқчи бўлган ёлғиз эртагим.

Ё сен туғилгансан асрлар оша,
Ё мен азалларнинг ҳайратимасми,
Думалоқ ер узра бир вақтда яшаб,
Топишолмай кетсак ғалатимасми?!

@xayrulla_hamidov_adabiyot