💙 #جرعة_إبتسامة 💙

بعيداً عن الشعر او اي موضوع آخر
إتقبلوا رأيي او ادراكي لموضوع مُصغر

دائماً الناس تحب الانسان اللي يضحك
بس محـّد يدري بهذا الانسان بداخلة
محتاج لـ هـالضحكة و الإبتسامه

محـّد يدري بهذا الانسان كل يوم قبل ما ينام
بداخلة الف سالفة وما يگدر يسولفها لأحد
ولا يلگى إنسان يفضفضله ولا يگدر يكتم
يبقى بين حيره و ألم محـّد يزيلهن من گلبة
وفوگ كل هذا ما عنده إنسان يحبه
و يسنده و يوگف وياه و يشكيه

هذا الانسان مو بعيد عليكم ،
انتَ و انتِ و صديق الكم و اخو و و و ...

علمود تتخلصون من هذا الالم
و تضحكون صدگ ، لازم تحبون أنفسكم

كلنا نعرف "اللي يحب انسان يسعده دائماً"
فـ ما بالكم اذا حبيتوا أنفسكم؟
اذا حبيتوها صدگ رح تسعدونها من اول مرّه
و بالتالي تتخلصون من الناس "الخطأ"
اللي مخربين حياتكم سابقاً او حالياً

و بهالحالة كلنا ضحكنا صدگ

آسف على الإطالة💙