#Zakovat_taqdirlash

“Zakovat” intellektual olimpiadasi g‘oliblariga Prezident sovg‘alari topshirildi

Oliy ta’lim muassasalari talabalari o‘rtasida tashkil etilgan “Zakovat” intellektual olimpiadasining respublika bosqichi g‘oliblari o‘z mukofotlarini qo‘lga kiritdilar.

Tantanali taqdirlash marosimida Oliy taʼlim, fan va innovatsiyalar vaziri, oliy taʼlim muassasalari mas’ullari, professor-oʻqituvchilar, talabalar, ommaviy axborot vositalari hamda jamoatchilik vakillari ishtirok etdi.

Prezident sovg‘alarini vazir Qo‘ng‘irotboy Sharipov o‘z egalariga topshirdi. Shuningdek, g‘olib va sovrindor bo‘lgan talabalar stipendiyalar, xorijda amaliyot o‘tash hamda grantlar olish imkoniyatiga ega bo‘ldilar.

Davlat xizmatini rivojlantirish agentligi intellektual olimpiada g‘olib va sovrindorlarini o‘z mutaxassisligi bo‘yicha kadrlar zaxirasiga oladi.

Eslatib o‘tamiz, Jahon iqtisodiyoti va diplomatiya universiteti, Farg‘ona davlat universiteti va O‘zbekiston milliy universiteti talabalaridan iborat jamoalar eng yuqori natijalarni ko‘rsatdilar.

Bizni kuzating

Facebook | Instagram | YouTube | Telegram