عشان تتصالح مع نفسك، وتبقى راضي عنها، أول حاجة ممكن تعلمها هي إنك تبقى ممتن لكل حاجه وحشة مريت بيها في حياتك ووصلتك للي إنت فيه دلوقتي، قرارات غلط، علاقات مش سوية، بشر مؤذيين، ثقة ومشاعر اتوزعت هنا وهناك طلعت مش في محلها، حاجات إستنزفت فيها وقت وجهد على مفيش، وندم على فرص ضاعت كانت بالنسبالك متتعوضش، إنك تبص لكل تجربة سيئة إنت أخطأت فيها في حق نفسك على إنها درس إتعلمت منه حاجات كتير، وإنك تكون مؤمن إن مفيش حاجه بتحصلك عبث، ومن غير فايدة، مهما كانت قاسية ومؤلمة في وقتها، لكن كل وقعه وقعتها كانت عشان تديك درس، وتعلمك شيء مهم، وبمرور الوقت، عملت منك نسختك الحالية، الأكتر وعيًا، وأكتر نضوجًا.