“Xalq Ta’limi” ilmiy metodik jurnali

Jurnalimizdan namuna.Hurmatli mualliflar ushbu namuna orqali maqolangiz qanday tartibda qabul qilinishini bilib olishingiz mumkin

Yangilik va axborot xurujlari avj olayotgan zamonamizda ijtimoiy tarmoqlardan madaniyat bilan foydalanmaslik insonning o‘zi va yaqinlari uchun ham qimmatga tushishi mumkin. Chuqurroq o‘ylab qarasak, ijtimoiy tarmoqlar qabih niyatda yaratilmaydi balki imkoniyat va yengillik yaratish, uzoq masofani yaqin qilish uchun kashf etiladi. Zamonaviy matematika, dasturlash, iqtisodiyot asoslari, psixologiya, chet tillar kabi bugunning eng dolzarb, talab yuqori boʻlgan fan yoʻnalishlari boʻyicha ham istalgancha videodarslar, qoʻllanmalar topish mumkin. Virtual auditoriya uchun tashkil etiladigan onlayn darslarda qatnashsa boʻladi. Bir soʻz bilan aytganda, ijtimoiy tarmoqlar arzon va bepul taʼlim olish uchun imkoniyat eshiklarini juda keng ochgan. Bu nafaqat ilm olish, balki ilm tarqatishda ham qoʻl keladi. Turli soha mutaxassislari oʻz pedagogik mahoratlarini namoyish etishi, virtual oʻquvchilar yigʻishi mumkin. Ular kun kelib bu mutaxassisning hayotdagi real talabalariga aylanishi ehtimoli ham yuqori. Ammo ba’zi insonlarning ichki buzg‘unchiligi sababli kutilgan natijadan teskari javob qaytadi.
Internet imkoniyatlarini suiste’mol qilib, soxta akkauntlar ochib, yolg‘on xabarlar, surat va videolavhalar tarqatishadi. Hatto birovning noqulay vaziyatini ham kulgu qilib muhokamaga qo‘yib muloqot qiladigan guruhlar ham ijtimoiy tarmoqlarda kam emas. Holbuki, moddiy kamchilikni berkitish, misol uchun badanni berkitish uchun­ kiyim olib berish bo‘lsa, ma’naviysi esa yomon ish qilganini ko‘rib bekitish, hech kimga aytmaslikdir.
Bu da’vat dinimizda ham asosiy mezon hisoblanadi. Shu sababli ham bugungi kunda ijtimoiy tarmoqlarda muloqot qilish madaniyatini to‘g‘ri yo‘lga qo‘yish suv va havodek nihoyatda dolzarblik kasb etmoqda. Sababi insoni sha’ni or nomusi birgina internet orqali toptalsa turgan gapki u uchun yashash ham muammodek tuyuladi. Albatta bunda davlat siyosatining to‘g‘ri yo‘lga qo‘yilishi bo‘lsa, ikkinchidan va eng asosiy sharti bu oilada tarbiyaviy muhitning mukammalligidir.
Oilada yoshligidan go‘zal va axloqiy tarbiya olgan farzand ijtimoiy tarmoq bo‘ladimi, jonli muloqot bo‘ladimi ma’lum odob va axloq chegarasini aslo hatlab o‘tmaydi. Pichoqni qotil ham, oshpaz ham oʻz maqsadi yoʻlida ishlatar ekan, gap qurolda emas, uni tutgan qoʻlda. Ijtimoiy tarmoqlarning hayotimiz va oilamizga taʼsirini tartibga solish uchun internetdagi axborotlarga munosabatimizni oʻzgartirishimiz lozimligini tushunishimiz kerak.
Bu virtual obrazlar jamlanmasi, xolos. Ulardan qanchasidir haqiqat-u qanchasi roʻyo boʻlishi mumkinligini hamisha yodda tutish lozim. Oynai jahonda bot bot ko‘tarilayotgan muloqot madaniyati tushunchasi shunchaki qurbon bo‘ladigan atama bo‘lib qolmasligi, balki har birimiz uchun mustahkam qonun bo‘lishi kerak. Sababi endi zamonaning ilg‘or ijtimoiy tarmoqlari orasida o‘z madaniyatimiz, e’tiqodimiz va tilimiz aslini yo‘qotib qo‘ymasligi, o‘sha yuqorida saviyasi quyilar uchun suyqasi chiqqan, aslida, bebaho muloqot madaniyatiga nihoyatda bog‘liq.

IJTIMOIY TARMOQLARDA MULOQOT MADANIYATI

Kompyuter texnologiyalarining shiddatli taraqqiyoti dunyoning milliardlab foydalanuvchilariga butunjahon tarmog‘iga kirish imkoniyatini berdi. Natijada, har kuni minglab odamlar internetga ulanib, uning manbalaridan faol ravishda foydalanmoqda. Bugungi kunda ijtimoiy tarmoqlarda tarqatilayotgan ma’lumotlarning katta qismini yosh­lar ma’naviyatining tubanlashuviga turtki bo‘luvchi, milliy va diniy qadriyatlarimizga zid bo‘lgan xabarlar, urf-odatlar tashkil etadi. Bu esa, Internet, ijtimoiy tarmoqlar va boshqa zamonaviy telekommunikatsiya yutuqlaridan foydalanish tizimini tartibga solish,­ ularning imkoniyatlaridan oqilona istifoda etish, muayyan odob-axloq qoidalarga amal qilish zaruratini keltirib chiqarmoqda.
Avvallari yoshlar qalbidagi nozik kechinmalarni aks ettirgan va eng kamida savod talab qilgan xatlar bugunga kelib harflar, so‘zlar, tinish belgilaridan iborat qisqa va hissiz xabarlarga aylanmoqda. Ayniqsa, ijtimoiy tarmoqlardagi yozma muloqotlarda so‘zlarni iloji boricha qisqartirish, yangi so‘zlar va iboralarni “kashf qilish”, til me’yorlarini qo‘pol ravishda buzish odati avj olmoqda. Vaqtni tejash bahonasi bilan grammatik butunlikka putur yetkazib, so‘zlarni ma’nosi buzilishigacha bo‘lgan xatolarni sodir qilish ayni davrda aksariyat yoshlarni savodsiz bo‘lishiga xalq tili bilan aytganda “chalasavod” bo‘lishiga olib kelmoqda.
Yoshlar ijtimoiy tarmoqlar kengayib borayotgan davrda o‘sib ulg‘aymoqda. Bu quvonarli hol albatta. Biroq har narsaning me’yori bo‘lmog‘i zarur. Yoshlar virtual olamning­ haqiqiy olam emasligini bilib borishlari shart. Ba’zan bolalar kattalar tomonidan nazoratsiz va ularning ruxsatisiz tarmoqqa tashrif buyurish imkoniga ega bo‘lib qoladilar.
Ruhshunoslar qisqa matnchalar yordamida ko‘p muloqot qilish salbiy oqibatlarga olib kelishini aytishmoqda. Ayniqsa, inson quloqlari ostida doimiy telefon signalining jarang sochishi yoki mobil aloqaning vibratsiyasini muntazam his qilis ruhiy xastalikning dastlabki belgilari hisoblanadi. Ijtimoiy tarmoqlardagi yozishmalarga mukkasidan ketish ayniqsa, yoshlarda bezovtalik bilan izohlanadi. Yaqinlari mehri va e’tiborini ulardan kelayotgan sms xabarnomalar bilan o‘lchaydi.
Ijtimoiy tarmoqlar vazifalari ustida ishlayotgan kishilar ularni kundan-kunga yaxshiroq, qiziqarliroq, rang-barang qilishga urinmoqda: kirgan odam iloji boricha ko‘proq vaqtini o‘tkazsin, pul sarflasin, nimadir xarid qilsin va hokazo.
Odamlarni bir biridan uzoqlashtirayotgan va ijtimoiy tarmoqlar orqaligina yaqinlashtirib qo‘yayotgan yana bir omil bu smartfon egalarini ko‘payayotganidir. Britaniyalik tadqiqotchilarning izlanishlariga qaraganda, smartfon egalarining yarmi ijtimoiy tarmoqlar hamda elektron pochta orqali muloqot qilishni afzal ko‘rishadi.
Ijtimoiy tarmoqlarda shunday guruhlar ham paydo bo‘lganki, foydalanuvchilar bir-birini maqtab ko‘kka ko‘tarishlari, shuningdek, kimlarningdir nomini loyga chaplashlari, obro‘sini to‘kish, yerga urish, buning uchun bor imkoniyatidan foydalanishga harakat qilishadi. Bu holat bilan ular muloqotning eng tuban yo‘lini tanlashadi. G‘iybat ular uchun­ oddiy holga aylangan. Qarashlar shu qadar bahsli, shu qadar qutbliki, uni o‘qigan sog‘lom fikrli inson yoshlar tarbiyasi va dunyoqarash madaniyati transformatsiya qarshisida turibdi degan fikrga boradi. Shu sabab ko‘pchilik bu tarmoqlarni yoqtirishmaydi. Lekin shunga qaramay, statistik ma’lumotlarga nazar solsak, dunyo yoshlari­ning 96 foizi ijtimoiy tarmoqlar vositasida o‘zaro muloqotga kirishishmoqda.Yoshlar ijtimoiy tarmoqlar kengayib borayotgan davrda o‘sib ulg‘aymoqda. Bu quvonarli hol albatta. Biroq har narsaning me’yori bo‘lmog‘i zarur. Yoshlar virtual olamning­ haqiqiy olam emasligini bilib borishlari shart. Ba’zan bolalar kattalar tomonidan nazoratsiz va ularning ruxsatisiz tarmoqqa tashrif buyurish imkoniga ega bo‘lib qoladilar.

"XALQ TA'LIMI" jurnalining
2022-yil 6-sonida

TAHRIRIYAT QISMIDA:

📚IJTIMOIY TARMOQLARDA MULOQOT MADANIYATI
📮Eng sara maqolalar turkumidan.

📝 INTEGRATSION YONDASHUV ASOSIDA MAKTABGACHA YOSHDAGI BOLALARNI RIVOJLANTIRISH PEDAGOGIK ZARURIYAT SIFATIDA. ➡️"Maqolada integratsion yondashuv asosida maktabgacha yoshdagi bolalarni erta yoshdan rivojlantirishning pedagogik zaruriyati, maktabgacha yoshdagi bolalarning o‘ziga xos psixologik xususiyatlari, muhim pedagogik omillari xususida so‘z yuritiladi".


📝 HARBIY XIZMATCHI AYOLLARDA QAROR QABUL QILISH JARAYONIGA TA’SIR ETUVCHI PSIXOLOGIK OMILLAR.➡️"Ushbu maqolada tadqiqot obyektining qaror qabul qilishiga ta’sir etuvchi omillarining tahlili va tahlil natijalariga ko‘ra, harbiy xizmatchi ayollarda qaror qabul qilishning maqsadga muvofiq yondashuvi aniqlandi".


📝РАЗВИТИЕ ЯЗЫКОВОЙ АКТИВНОСТИ СТУДЕНТОВ В ПРОЦЕССЕ ИЗУЧЕНИЯ ИНОСТРАННОГО ЯЗЫКА.➡️ "В период изменения образовательных стереотипов возникает повышенная потребность в подготовке педагогов, способных прогнозировать развитие жизненных событий, формулировать проблему, принимать сложные педагогические решение, уметь убеждать в своей правоте. Вот почему задача развития у будущего учителя набора профессиональных и личностных качеств, которые могут быть определены общим понятием «творческая активность», приобретает на сегодняшний день особую актуальность. Одним из возможных направлений развития традиционных форм деятельности студентов является общественно-педагогическая деятельность, в рамках которой может быть создана особая развивающая среда, стимулирующая формирование у студентов творческой языковой активности".

Bizning ijtimoiy tarmoqlardagi manzilimiz⬇️⬇️⬇️

https://t.me/xalq_talimi_jurnali


http://www.pubedu.uz

Darhaqiqat, hozirgi g‘oyat murakkab hamda tahlikali zamonda tinchlik-osoyishtalikning qadriga yetish, uni ko‘z qorachig‘idek asrab-avaylash va mustahkamlashdek o‘tkir talablar yurtimizda yashayotgan har bir mo‘min-musulmon, har bir inson uchun har qachongidan ham dolzarb bo‘lib turibdi. Bu haqda so‘z yuritganda, bugun yoshlarni bilimli va zukko, sog‘lom dunyoqarashga ega, odob-axloqli, imon-e’tiqodli, vatanparvar insonlar etib tarbiyalash jamiyatda uchrayotgan ko‘plab muammolarni bartaraf qilish va ularning oldini olishda muhim ahamiyat kasb etishini ta’kidlash joiz.
Kishi ma’nan qanchalik boy bo‘lsa, u ezgu qadriyatlarda shunchalik sobit turadi. El-yurt taqdiriga daxldorlik bilan yashaydi. Tinchlik-totuvlikning mohiyatini anglab, ahamiyatini tushunib, uni asrab-avaylashga hissa qo‘shadi. Axborot texnologiyalari o‘ta tezkorlik bilan rivojlanayotgan, nanotexnologiyalar shiddat bilan hayotga kirib kelayotgan, internet saytlari va ijtimoiy tarmoqlar xilma-xil, to‘g‘ri-noto‘g‘ri ma’lumotlarni kechayu kunduz tarqatayotgan hozirgi davrda bu ish nihoyatda murakkab hamda qiyin ekani rost. Bugun farzandlarimizni nazoratsiz yolg‘iz qo‘ysak, ular bo‘sh vaqtlarini telefon, kompyuter bilan mashg‘ul bo‘lib o‘tkazsa, yoshlar tarbiyasidagi muammolar, ularning ongu dunyoqarashiga suqilib kirgan illatlar yanada ildiz otadi.
Bugun jaholatga qarshi ma’rifat bilan kurashishni nafaqat mas’ul tashkilot vakillari, balki har bir ota-ona o‘zi uchun dolzarb vazifa, deb bilmog‘i lozim.
Dono xalqimiz “yaxshining sharofati, yomonning kasofati” deb bejiz aytmagan. Bugun olis o‘lkalardan yoshlar uchun turli yo‘llar bilan, asosan, global tarmoq orqali eksport qilinayotgan “qadriyat”lar, yurish-turishu o‘zini tutish, insonlararo muomala-munosabatga oid ko‘rsatmalar ongu qalbga qaratilgan xurujlardir, desak, aslo xato emas. Bu xususda shoirlarimizning ibratli so‘zlari ham bor:
Birinchi g‘ishtni qiyshiq qo‘yarkan me’mor,
Osmonga yetsa ham, qiyshiqdir devor.
Shunday ekan, toki hali suyagi qotib ulgurmagan yoshlarning beg‘ubor olamiga, g‘o‘r ma’naviyatiga kimlardir jiddiy zarar yetkazib qo‘ymasidan oldin o‘z farzandlarimizni o‘zimiz tarbiyalashimiz kerak.
Har bir ota, har bir ona o‘z farzandiga odob-axloq namunalarini, kindik qoni to‘kilgan mislsiz Vataniga muhabbatni, bobo-buviga ehtirom-hurmatni, mehr-itoatkorlikni, oila a’zolariga rahmdillik va mehribonlikni, o‘z jufti haloliga sadoqatni, qo‘ni-qo‘shnilarga oqibat va chiroyli munosabatni, qavm-qarindoshlarga saxovat-muruvvatni, sinfdosh-kasbdoshlarga chin do‘stlik va yordam berishni, atrofdagi odamlarga insonparvarlik va samimiylikni, hayvon-parranda-hasharotlarga nisbatan rahm-shafqatni uqtirishi, yuqtirishi, tushuntirib, singdirishi muqaddas burch, ham qarz, ham farzdir. O‘ylaymizki, bu vazifalarni amalga oshirish hech birimizga qiyinchilik tug‘dirmaydi. Zero, shu sifatlarning hammasi farzandlarimizning qonida bor. Bu xususiyatlar ajdoddan avlodga, qondan qonga tarbiya orqali o‘tib kelmoqda. Faqat yoshlar kamolotiga bugun yanada e’tiborli bo‘lsak, zimmamizdagi burchni, vazifani sidqidildan bajarsak, ogohlik va hushyorlikni boy bermasak, ko‘zlangan natijalarga, albatta, erishamiz.
Mustaqillik ne’mati bizga nasib etdi. Erkin va obod, inson qadri aziz bo‘lgan Vatanda baxtiyor umr kechirayapmiz. Bu baxtni asrab qolish, uning mustahkamligi uchun fidokorlik ko‘rsatish shu yurtda yashayotgan har bir insonning burchidir.

YOSHLARNING VATANPARVARLIK TARBIYASIGA HAR BIRIMIZ MAS’ULMIZ

Vatanni sevish, uni sog‘inib yashash insoniyat fitratida mavjud bo‘lgan nozik hisdir. Biror sabab bilan boshqa yurtlarga ketgan kishi kindik qoni tomgan diyorini qumsab ma’yus tortishi va u haqda biror qayg‘uli xabar eshitganda qalban ezilishi bor gap.
Tarixdan ma’lum, birorta xalq boshqa bir xalqni o‘ziga tobe qilmoqchi bo‘lsa, avvalo, uning vatanini bosib olib, vayron qilgan, o‘zlarini esa qulga aylantirgan, Vatanini dushman qo‘liga o‘tganini ko‘rgan millat uchun bundan ortiq xo‘rlik va azob yo‘q. Zero, Vatan tushunchasi inson uchun har narsadan aziz va muqaddasdir.
Inson qayerda dunyoga kelsa, o‘sha yer uning uchun Vatandir. Kindik qoni to‘kilgan joy unga hamma narsadan qimmatli.
Alloma Alixonto‘ra Sog‘uniy hazratlarining quyidagi so‘zlari ona Vatanni sevgan har bir kishining qalbida g‘ayrat va shijoat uyg‘otadi: “Har bir kimsaga ma’lumdirki, hayot olamida insonning eng sevgan, qadrli, qimmatli to‘rt narsasi bordur. Bu to‘rt narsaga ega bo‘lmagan kishilar insonlik sharafidan mahrum bo‘lurlar. Ular: ozodlik va erkinlik, mehnat bilan topilgan molga o‘zi egalik qilmog‘i, tug‘ilib o‘sgan ona Vatani hamda asrlar bo‘yi asrab-avaylab kelayotgan muqaddas dini”. Allomalar aytganlaridek: “Kishining vafodorligi uning o‘z Vatani uchun qayg‘urishidan, do‘stlarini sog‘inishidan va umrining zoye ketkazgan lahzalariga o‘kinib yashashidan bilinadi”. Insonning o‘z xalqiga bo‘lgan sadoqati va fidoyiligi Vatanni himoya qilishi, yurt taraqqiy topib, har tomonlama mustahkam va qudratli bo‘lishi hamda elning tinch va farovon hayot kechirishiga imkon darajada hissa qo‘shish bilan o‘lchanadi.
Barchamiz uchun tabarruk bo‘lgan uch so‘z bor: Imon, Vatan va Istiqlol. Bu so‘zlarning mazmun mohiyatini bugun har birimiz yurakdan his etib turibmiz.
Alixonto‘ra Sog‘uniy “Vatan va ilm yoki yetti yulduz” nomli she’rida quyidagilarni bayon qiladi:
Eshit endi Vatan o‘g‘li, mendin nasihat,
Qabul qilsang kelur boshinga davlat.
Vatan asli seningdur O‘zbekiston,
O‘g‘izdin qolmish erdi bu guliston.
Vatan ahli Vatan merosxo‘ridir,
Otodin qolsa mol farzandnikidir.
Onodur bu Vatan ahlini so‘rsang,
Seni tug‘mush budur yaxshi tushunsang.
Chiqarmish senuchun turli yemishlar,
Ko‘tarmish yelkasida yozu qishlar.
Tiriklar bu Vatan bo‘yniga mingay.
O‘liklar ham oning qo‘yniga kirgay.
Vatanni do‘st tutish imondin ermish,
Oningchun Haq rasulidin naql bo‘lmish.
Vatanni sevmaganlar bizdan ermas,
Buni kim bilmasa, imonga kirmas.

"XALQ TA'LIMI" jurnalining
2022-yil 5-sonida

TAHRIRIYAT QISMIDA:
📚YOSHLARNING VATANPARVARLIK TARBIYASIGA HAR BIRIMIZ MAS’ULMIZ.
🔎Eng sara maqolalar turkumidan♻️


📌BOSHLANG‘ICH SINF O‘QUVCHILARIDA OLAMNING TABIIY-ILMIY DUNYOQARASHNI SHAKLLANTIRISHNING UMUMIY QONUNIYATLARI.📃."Maqolada boshlang‘ich sinf o‘quvchilarining atrof-olamni bilishi jarayoni ijtimoiy bilishning bog‘liqligi va atrof-olamni bilishning umumiy qonuniyatlari bilan bir qatorda boshlang‘ich sinf o‘quvchilari uchun idrok etishning va diqqat, xayol, fikrlashning o‘ziga xosliklarini hisobga olish lozimligi haqida aytib o‘tilgan".


📌KLASTERLI TA’LIM MUHITIDA O‘QITUVCHINING PEDAGOGIK KOMPONENTLARINI TAKOMILLASHTIRISH SHAKLLARI. 🗞 "Maqolada pedagogik faoliyatning turli xil sifatlari va ko‘rsatkichlari, pedagogik faoliyat orqali o‘qituvchining pedagogik madaniyati darajasini, uning mazmuni va mohiyati ochib berilgan".


📌ДИДАКТИЧЕСКИЕ АСПЕКТЫ ПОДГОТОВКИ МАГИСТРОВ СПЕЦИАЛИСТОВ В УСЛОВИЯХ ИФРОВИЗАЦИИ ОБРАЗОВАНИЯ.📑 "В статье приводится дидактический анализ процесса подготовки магистров и пути решения их. Отмечается, что в процессе подготовки магистров доминирует “знаниева” система подготовки и необходимость перехода на компетентностные основы обучения". ..

Bizning ijtimoiy tarmoqlardagi manzilimiz⬇️⬇️⬇️

https://t.me/xalq_talimi_jurnali


http://www.pubedu.uz

Ҳурматли ўқитувчи ва мураббийларимиз !
“Халқ таълими” илмий-методик журнали тахририяти томонидан педагогик фаолиятда соғлом рақобат ва ижодкорлик муҳитини ошириш, ўқитувчи ва мураббийларимизни фаол яратувчилик фаолиятига кенг жалб этиш, ўқитувчи ва мураббийлик фаолияти нуфузини янада оширишни таъминлаш, таълим тизимига ўқитишнинг инновацион технологияларини жорий этишни кенг оммалаштириш, ўқитишнинг самарали методларини излаб топиш, мавжудларини такомиллаштириш, педагогларнинг касбий ўсишини, янги компетенцияларни ўзлаштиришларини рағбатлантириш ва уларнинг маҳоратини ошириш, шунингдек, таълим муассасаларида яратилаётган шароитлардан мақсадли фойдаланиш, таълим сифатини ошириш имконини берувчи замонавий иш тажрибалар, ўқитишнинг илғор ёндашувларини татбиқ этиш мақсадида жорий йил аввалида эълон қилинган қуйидаги номинациялар бўйича танлов натижалари эълон қилиш арафасидамиз !!! Ҳар бир номинация бўйича учтадан ўрин.
1. “Энг яхши илмий-методик мақола”.
2. “Энг долзарб илмий-методик мақола”.
3. “Энг фаол Устоз-Мураббий”.
4. “Энг фаол педагог – тадқиқотчи”.
5. “Истиқболли педагогик тадқиқот”.
6. “Энг фаол журналхон”.
7. “Энг фаол ҳамкор”.
Ўз ишига масъулиятли, вазиятга креатив ёндашадиган ўқитувчи ва мураббийларни ижодкорлик қобилиятларини, касбий ўсишлари ва маҳоратларини оширишни рағбатлантириш долзарб ва муҳимдир. Бугунги кунда тизимимиз замонавий компетенцияларга эга ва ижодкор мутахассисларга ҳар қачонгидан ҳам кўпроқ муҳтож. Танловнинг ўтказилиши замонавий таълимнинг янги тамойиллари ва ривожланиш тенденцияларини аниқлаш ва педагогик фаолиятнинг истиқболли йўналишларини белгилашга қаратилганлиги билан аҳамиятлидир. Зеро, бугунги кунда мамлакатимизнинг тараққиёти, авваламбор, илм-фан ва таълимга асосланади. Журналимизнинг асосий мақсадларидан бири тизимимиздаги педагогларни илм-фанга жалб этиш, уларнинг янги илмий билимларга бўлган эътибори ва қизиқишларини уйғотишдир. Мақола ёзиш эса зиё улашишдир.
Халқимиз фарзандларига таълим-тарбия беришдек эзгу йўлда меҳнат қилишдан асло чарчаманг. Эзгу фаолиятингизга муваффақиятлар тилаймиз.


ТАХРИРИЯТ

Ушбу асарларда УСТОЗЛИК, МУРАББИЙЛИК, ЎҚИТУВЧИЛИК юксак даражага кўтарилган, улуғланган. Эътибор берсангиз, УСТОЗЛАР, МУРАББИЙЛАР, ЎҚИТУВЧИЛИЛАР нур сочаётганга ўхшайдилар, улар ақл ва езгуликнинг олий тимсолидирлар.