Musulmonlar zamoni yomon bo'ldi,
Harom yetmas halol qiymatli bo'ldi.
O'qilgan Qur'onga quloq tutilmas,
Shaytonlar semirdi quvvatli bo'ldi.
Harom bilan hamr tutdi dunyoni,
Eh, fasod ishlar qilgan hurmatli bo'ldi.
Kimgaki tangridan habar berursan,
Tutib boshingga urar hujjatli bo'ldi.
Shogirt ustoziga harxasha qilar,
O'g'il ota bilan izzatli bo'ldi.
Faqirlar miskinlikdan tortdi qo'lin,
Ko'ngilni yig'ganlar haybatli bo'ldi.
Payg'ambar o'rniga o'tgan xo'jalar,
Bu xalqning boshiga zahmatli bo'ldi