قصيدة اين التراجي

هذه الدماء ..في كربلاء
اين التراجي يارقيه

اذا السيوف اختلفت ..معناها حزت نحري
اذا الخيول اسرجت .معناها رضت صدري
اذا العيال ذُبَحت ..معناها طفلي بحجري
اذا السبايا سُيَرت ..مَعْناها طايح خدري

اذيتني ...سلبتني
اصرخ يبويه من الاذيه..اين التراجي يارقيه

*

شفت السبي ياظالمي ارحم كَلب رقيه
تنزف دمه المشرعه ومعوزه جان شويه
من التراجي والضرب خده انمرد خطيه
كدام عيني اتسلبت علويه بت علويه

ادميتني ... لوعتني
اشكف تره باثنين اديه..اين التراجي يارقيه

*

ياخويه شفتيه الحرب وراس الكفيل وصدري
دوهني بنحري الشمر كل ساعه يكَلب ظهري
مره احس بارد ثلج ومرات احسن يجوي
مابقه بعيوني نظر يابويه يسطر خدي

نحرتني .... افزعتني
اركض وصيحن ياسبيه..اين التراجي يارقيه

*

يابويه طفري من الخيم لوشفتي الدخانه
وبين الجمر خفي الجدم محروكه طفله ويانه
دوري الكفيله الصابره وصيحي عليهه اجانه
بطركَ العبايه والشمر سوطه حفر مكَفانه

احزنتني ... شاهدتني
الطم اخذهه من اديه ..اين التراجي يارقيه

*

سحبوهه من بين الحرم غصبن علينه اخذهه
كَتله امانه هل الطفل جرهه ولطم لي خدهه
جرح اذان الطاهره وصلت تراها لحدهه
ساعه وشفت ينزل دمه وايده عليهه ايمدهه

قتلتني ... سبيتني
اتركهه طفله شلون بيه ..اين التراجي يارقيه

*

✍ الشاعر جبار عبد الزهرة الشويلي